ماهو الأفضل اليوكن و التاهو 2008

كلها نفس الشي بس الرغبة بالبيع لليوكن 

انصحك لا تاخذ يوكن دينالي تررااه خراباته كثيرة ب الكهرب وتبين تبلش به اسئل مجرب 
الصراحة صلحلي الدينالي واخذت واحد وقعد معي تقريبا سنة وبدت خراباته الكهرب و الهيدروليك ووبعته بخسارة كبيرة
وشريت واحد بعده شفته في قمة النضافة وبدت خراباته مثل اللي قبله 
فانصحك لا يغررررك المواصفاات

لا يوجد بينها أي فرق للنواحي الميكانيكية والكهربائية إطلاقاً الفرق في البودي 

لناحية المقدمة والمؤخرة وبعض الاكسسوارات واليوكن أرغب من التاهو 

عند إعادة البيع ، والله أعلم . 

الدينالي ابعد عنه حساساته كثيرة وعطلاته كثيرة وما انصحك فية
انصحك باليوكن القصير فل كامل SLT 2008 مثل الي معي
اخذته بطاقة جمرك ب86 شامل كل شي 
موتر خدوم ودامك بتبيعه بعد سنه لاتاخذ جمرك بيطلع عليك غالي
انا اخذته بهاذا السعر لاني مابفكر ابيعه بستخدمه افل شي 5 سنوات
شوفلك واحد نضيف بتحصل من 70 الى 75 
والSLT يجي نوعين نوع فل كامل بدون فتحه
ونوع فل كامل بفتحه النوعين كلها نفس المواصفات بس يفرق في الفتحه

السلام عليكم ورحمه الله وبركاته

اليوكن والتاهو نفس بعض بس اختلاف في الواجه والخلفيه فقط .
المواصفات الباقيه والقطع نفس بعض .
اما اليوكن الدينالي موصفاته زي الكدلك اسكليد والاغلب يشتكي منه عشان ما يعرف يتعامل معاه وحساساته كثير .
والمرغوب اكثر في البيع اليوكن اما في الشكل الافضل التاهو .
والافضل لك انك تشتري سعودي نظيف بسعر معقول عشان تقدر تبيعه .
والجمس معروف انه حق خطوط وما يتعبك ان شا الله وكلها نفس الاداء .
اما بالنسبه للمواصفات انت الى تحدد والقيمه الى معاك .
بس دامك بتبيع حاول تاخد لون مرغوب ومواصفات طيبه عشان تقدر بعدين تبيعه ما يتأخر عليك اما الاستاندر ما انصحك فيه
بيعه ثقيل ومافيه مواصفات زينه .
هذا والله اعلم .. واشكركم ع المتابعه

تحياتي للجميع

كلها نفس بعض بس أحرص على النظييف

كلها سواسيه،، الفرق بالشكل فقط إن شكل الجمس قبيح والتاهو جميل.

الرغبة والبيع الأفضل لك الجمس،، الفرق الوحيد يكون في الدينالي وهو إن مكينتة أقوى من الجمس العادي والتاهو لكن عيبة يشرب البنزين شرب 

جزاكم الله خير ،، جعل الله والديكم بالجنة 

طيب وش رئيكم اشريه دبل ولا بدون

كلها نفس الشيء ونفس الجودة ونفس القطع

ولو تلاحظ، أن التاهو واليوكن والإسكاليد قطعها تجي بشعار واحد اللي هو GM وليس GMC

لكن ربعنا هنا والله المستعان، ما يعرفون غير اليوكن.

فاليوكن أرغب عند البيع ويمسك سعره.


واللي يقول لك واحد منهم أفضل فقل له عني انه جاهل.