تاهو سوبربان 2007 طاح أمبير الزيت وولعت لمبة المكينة
3
2
إضغط هنا للإخفاء
أخواني السلام عليكم ورحمة الله وبركاته
أنا لي في الرياض شهر وسيارتي 2007 شفر سوبربان فل كامل ltz والموتر ماشاء الله تمام ماشي 240 الف والزيت محافظ عليه ولا اغيره الا في محطات بترومين شل وفجأة البارح وانا طالع رايح اجيب عشا نزلت المطعم وخذت 10 دقائق ورجعت لسيارة شغلت الا لمبة المكينة شغالة استغربت شيكت الا أمبير الزيت طايح مرة وحدة على الأحمر طفيت شغلت هي هي وقفت السيارة عند البيت كان قريب وقلت يمكن بكرة اشغلها تروح المشكلة جا اليوم شغلت نفس الشيء عايرت الزيت كلش تمام في الكمبيوتر شيكت صلاحية الزيت يعطيني 59 %
ياشباب الحقوني اللي حصل معاه زي مشكلتي يخبرني وش السواه
أنا كنت أغير الزيت ابو 10 الاف كيلو من بترومين شل العلبة ب60 ريال مع السيفون واخر مرة جيت أغير الزيت وكنت مستعجل قال العامل ابو 10 الاف مخلص مو موجود ما فيه الا ابو 5000 الاف كيلو قلت غيره بأبو 5 الاف مع السيفون قال ترا أنا مو مسئول يمكن بعدين مشكلة طرمبة زيت قلت توكل على الله هل ممكن يكون تغيير الزيت من 10 الاف الى 5 الاف هو السبب وليش مو كلها زيوت
في الختام أنا في حي الصحافة ممكن تدلوني على مركز صيانة وفحص كمبيوتر قريب مني وممتاز يطلع لي علة موتري جزاكم الله خير في أنتظار ردودكم بارك الله فيكم
إبلاغ
الردود
0
0
الغايب حجته معه
قبل 8 سنه و 8 شهر