أضف سؤال أو موضوع جديد          

مشكلة أرتفاع الحرارة في الجمس وجدت لها حل بسيط

up 10 down 3
ftfr999 271
قبل 5 سنه و 11 شهر



السلام عليكم ورحمة الله وبركاته 
معاي جمس 2007 سوبربان لمن أسافر واتعدى 140 ترتفع الحراره 
فوق النص والمكيف شغال لمن أوقف ترجع ع النص هذا وقت الصيف
وقت الشتاء فقط في السفر ترتفع داخل المدينه ع النص 
فحصت المكينه وفحصت الرديتر وصيخته وغيرت البلف حق الوكاله رقم c82
والمشكله هي هي حتى الخراطيش غيرتها وتماتيك المروحه غيرته 
لان الي عندي 8 مسمار مروحه ميكانيكيه وليس مراوح كهربائية
هداني الله الى طريقة الحمدالله وجربتها ونجحت معاي وغير مكلفه 
قلت أنقلها لكم تستفيدون منها 
رحت وشريت بلف حراره حق فورد رقم c54 درجة الحرارة ب40 ريال
وشريت جلدة بلف حرارة كامري ب20 ريال وركبتها على البلف 
وسليكون أسود حق وجيه 
فكيت الكوع وركبت البلف وحطيت شويت سليكون ورجعته
وعبية موية رديتر احمر وزتها من الماء المقطر 
والحمدالله والشكر أن حلة المشكلة وصارة الحرارة ع النصف 
ماتتعدها ونا في منطقة شديدة الحرارة عشان كيذا بلف الوكاله 
c82 مايصلح لي في الصيف 
هذا ماحبيت أن أفيدكم فيه والسلام عليكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هل السياره امريكيه والا سعوديه؟


up 1 down 0
asalami 2179
قبل 5 سنه و 11 شهر



السيارة أمريكية 



up 2 down 0
ftfr999 271
قبل 5 سنه و 11 شهر



مشكلتك كهربائية ليست ميكانيكية افحص الحساسات بنفسك فيه حساس للمروحه اذا تعطل لو تغير المكينه بكبرها ماينفع 


up 0 down 6
بريق الرياض 258
قبل 5 سنه و 11 شهر



اهلا




لو كانت الحرارة في الوقوف فقط

كان قلت ركب مروحه كهرائية مساعده لها


انا عندي تاهو 04 و مراوحه ميكانيكة وكان المكيف ما يبرد في الوقوف

وادا اطول اكثر من نصف ساعه ترتفع الحرارة شوي


ركبت مروحه صغيرة كانت في الشروكي

وما اشتكيت من حرارة ابد


الا هدي الايام لأن كلتش المروحه اخترب ما تشتغل الا بالسرعه البطيئة

والحظ بنفس الوقت طفت المروحه الكهربائية


ولا عندي وقت اصلحها و لكن ما تضر من اوقف اطفي السيارة

وان شاء الله اركب مرواح التاهو الكهربائية ادا تركب لأنها كبيرة جدا


up 1 down 0
عمر الزمان 672
قبل 5 سنه و 11 شهر



حل ممتاز وذكي.....  لو كانت السياره سعوديه كان في مشكله ولكن بما انها امريكيه ف البلف ما يناسب اجوائنا....

بلف الفورد الي ركبته وش نوع السياره وموديلها وجلده البلف كمان وش موديل الكامري




up 0 down 0
asalami 2179
قبل 5 سنه و 11 شهر



لكن اذا كان البلف يفتح ع 52 درجه مئويه .. كأنك مو مركب بلف...  هل متأكد من رقمه لان اقل بلف مر علي 68 درجه مئويه


up 1 down 0
asalami 2179
قبل 5 سنه و 11 شهر



يا أخوان فحصت الحساسات عندي سليمة والحمدالله 
ركبة مراوح لسيارتي اصلية شد بلد مديل 2007 مع كتاوت وحساس مرسيدس تخبرون انا ساكن بحفر الباطن 
والايام هذي عندنا حر ومع الروحة والجيه والوقوف ماينفع للموتر الى مراوح الحمدالله الحين أنا مع البلف الحرارة
حق الفورد الي ركبته الامور كلش تمام الحرارة ابد ع النص مع المكيف ولا بدون مكيف مسافر ولا واقف ماشاء الله
حتى الموتر صار صرفيته للبنزين أقل وصوته أقل الحمدالله 

بريق الرياض / فحصت الحساسات الحمدالله كلشي عدل

عمر الزمان / المراوح الكهربائية الاصلية اضمن لك فيه نوع تايلندي جاهز ب700 ريال فقط يمشي الحال 
ومسلك وجاهز فقط تروح للكهربائي وتجيب له كتاوت وحساس مرسيدس وتركب الحساس بكوعه الموية 
من عند المخرطه ب50 ريال والكتاوت كل مروحه لها واحد ركب حق تويوتا قوي وكبير وسعرهن الثنتين 100 ريال
ويركب لك فيوز لكل مروحة الفيوز الواحد سعره 20 ريال وفي الاخير شغل يد الكهربائي فقط 100 ريال 
يعني تبي تكلف حول 1000 ريال لكن الاصلي يكلف اكثر لان كل قطعه تجي لحال الدينمو والمراوح والاطار 
وشغل الكهربائي راح يكون اكثر 400 ريال تمديد وتسليك ولازم يكون الكهرباتي حريف يزبط لك الشغل مثل الوكاله 

asalami / البلف الي ركبته حق فورد العلبه لونها أحمر ومكتوب عليها ميكروفت بالانجليزي ولمن تناظر 
على البلف تحصل مكتوب عليه مع الطرف c54 در جة الحرارة  الجلدة قال لي حقت كامري وش المديل ماعلم 
لكن قال الاصلية سعرها 20 ريال  والبلف 40 ريال 
وان شاء الله راح اصورها لك وانزلها عشان تعرف شكلها لوكن تبي تشر يها 
بنسبه للبلف شغال يفتح ويقفل والحمدالله وعزم الموتر ممتاز والحرارة ع النصف 
والبلف مثل ماقلت يجي مرقم بأرقام خصوصآ الفورد الجمس الاصلي الجميح يجيك 95 أو 92  الموديلات القديمه
والجديده يجيك ايسي ديلكو 82 او86 




up 1 down 0
ftfr999 271
قبل 5 سنه و 11 شهر



الامور بالصيف بتكون ممتازه ان شاء الله. ..

لكن المشكله بالشتاء البلف يفتح بدري  


up 0 down 0
asalami 2179
قبل 5 سنه و 11 شهر



بالشتاء ارجع بلف الوكالة الي رقمه c82 أوc86 واغير الحساس حق المروحه الي رقمه c85
المشكله بالصيف والى الشتاء مهنا مشاكل 
شاكر لك مرورك أخوي ع الموضوع 


up 1 down 0
ftfr999 271
قبل 5 سنه و 11 شهر



مايحتاج ترهيم فيه بلف للجمس رقمه 71   
 انا مركبه مع برمجة مراوح 
والحرارة ماتعدى الربع بعز الصيف والمكيف شغال


up 0 down 0
الاش 621
قبل 5 سنه و 11 شهر



شكرا على موضوعك بس

احب اعلم الشباب اصحاب المراوح الكهربائيه ان هذي الطريقه ماتنفع لهم ﻷن الثرموستات مرتبط مع المراوح الكهربائيه بالبرمجه


up 0 down 0
malek990 52
قبل 5 سنه و 11 شهر



انا عندي تاهو 2007 قبل اسبوعين اختفت السرعه الثانيه للمراوح والحرارة ثابته ما تغيرت بس المشكله ما عاد تشتغل المراوح مثل قبل وغيرت حساس حراره ورحت افحص كنبيوتر ع المراوح واعطا امر للمراوح تشتغل السرعه الثانيه واشتغلت السوال ليش ما تشتغل مثل اول 


up 0 down 1
ابوواحلام -1
قبل 5 سنه



عندي جمس موديل 92 مكينه 454 سعودي مافيه بلف حراره مشيول منه المراوح الي قدام الاديتر على الشبك شغالة على طول مع السوتش وحرارته على النص وبالعقبه توصل فوق النص بشوي ويقل عزم السياره هل يوجد حل واذا ركبت بلف حراره هل ممكن تنخفظ الحراره


up 0 down 0
albashah2004
قبل 2 سنه و 8 شهر