إستفسار بخصوص المكدة يا أخوان

والله انا ما اعرف بخصوص المكده  بين مكه وجده الي اعرف انه حنا في وقت رمضان والان جده مزدحمه والمطارات كذالك على ما اظن لاجل العمره ، فنصيحتي تستغل الفرصه وتروح تشوف بنفسك وتدور رزقك 

ابو عبدالله ما فهمت عليك أدور رزقي وين تقصد أشتغل بالمطار هل يسمح للسيارات الخصوصي بالمطار

روح عند المطار روح عند اماكن تجمع المعتمرين تلقى بعضهم بشارع روح عند المواقيت وانت ماشي مليون ومليون فكره  

انا جربت الكده من زمان وابقول لك لاتروح المطار لان اغلب اللي هناك يعرفون بعض ولو طيرت عليهم زبون احتمال يتناشبون معك ويتصلون بالمرور بعد 



انا قد كديت داخل البلد وطلعت خير والله .. وهي ارزاق من الله كنت اطلع يوميا اقل شيء 50 ريال واطلع الصبح الساعه 8 وارجع على 11 الظهر 



والله رزقني بواحد موظف مامعه سياره وصرت اوديه واجيبه ويوميا ادخل 100 ريال من هالموظف لحاله وكفيله قال لي تعاقد معنا كل شهر نعطيك 1400 وشوي اذا ماني غلطان 


لكن انا رفضت ماحبيت ارتبط رسمي معه متى مابغيت اسحب سحبت .. طبعا لاتركب من هب ودب قبل كل شيء شوف الشكل اذا الامور طيبه ركبه اما اذا هو شبهه فك نفسك لان قد صارت لي مشاكل مع اكثر من واحد 



وخلك لين بالسعر يعني المشوار ابو 15 قول له 10 وابو 20 قول له 15 وصدقني بتلاقي خير طيب بس يبغى لك طولة بال وروقان .. وبالتوفيق 

اللي تقول عليه حلو ومجزي لمصاريف العيد خاصة في ارتفاع اسعار المشوار وفي اواخر رمضان يصل الى 150 ريال المشوار ... لكن المخالفات فيها شيء يقهر اخي الكريم ممكن توصل للحجز ( المركبة ) يعني لو كل يوم مشوارين لمكة 50 ريال رايح و 50 ريال جاي في اليوم بـ 100 ريال ناقص بنزين بـ 25 ريال تعتبر وفرت 75 ريال وفي العشر الاواخر يصل المشوار للراكب 150 ريال يعني مجزية لكن والله المرور انه بهذلة وقلة ادب وحيا ... وربي يرزقكـ من واسع فضله

ابو سعود لكـ مني لايك لكلامكـ الطيب

الله يسعدك ابو يارا , نسيت حاجه ياصاحب الاعلان انتبه تشوف تكسي يتفاوض مع زبون وتجي تحشر نفسك علشان تركبهم تراه يقدر يبلغ عليك ولو ثبت هالشيء راح تآكلها وكل اللي اقوله لك حصل مع بعض من اخوياي وبعضه معي 



بقدر المستطاع حاول ماتكد بالخطوط لان فيها تفاتيش ولو قفطوك وانت محمل ركاب راح تنحجز سيارتك مثل ماتفضل ابو يارا 

الله يعطيكم العافيه ما قصرتوا رحت الموقف لكن المرور ما يخلي أحد يوقف وما فيه إلا مخالفات ما فيه موقف غير موقف النقل نقدر نحمل على راحتنا .

كد في مكة داخل البلد والله فيها خير كثير 

انا ودي اكد لكن الحمدلله الحال ميسور و ايضا خايف تتضرر سيارتي او مخالفات 
و وقتها وش يصلحها لك 

لكن مثل ما قلت لك لو تكد في مكة من قبل صلاة العشاء الى قبل السحور يوميا الى ليلة العيد 
بإذن الله تطلع شي ما تتخيله و الارزاق بيد الله و انت اجتهد

والله فيه خير هذي مواسم وفرص ماتتكرر الا بالسنة مرة والرزق على الله ولكن كون حذر من الدوريات 

شوف انا بعطيك نصيحة بحكم انني في المرور  كد وترزق الله اهم شئ لا توقف موقف خاطئ  ولا تقفل الطريق وانت تحمل ركاب  واهل المدينة ومكة  رجال المرور متعودين على الكدادة