أضف سؤال أو موضوع جديد          

مكالمتي مع وزارة النقل وشكوى على محلات التاجير

up 11 down 5
mr.tahoe 1190
قبل 6 سنه و 5 شهر



#

السلام عليكم ورحمة الله وبركاته

كلنا نعرف قرار وزارة النقل الي صدر قبل فترة والي ينص على انه
لا يحق لاي مكتب ايجار طلب بطاقة عمل عند التأجير

وكثير من هذه المكاتب لم تستجب للقرار , حتى بدأت وزارة النقل
باعطاء المخالفات وبعدها الجميع استجاب 
عدد المخالفات كانت 284 بقيمة 616 الف ريال 

المصدر :

http://www.saudishift.com/2015/ministry-of-transportation-fines-25-car-rental-companies/

والقرار هذا ممتاز لانه يخدم المتقاعدين بالاخص , ولكن ماذا حدث
بعد هذا القرار ؟

اغلب مكاتب الايجار رفعت سن التأجير من 21 الى 23 أو 25

في السابق قبل قرار الغاء بطاقة العمل
كان الي عمره 22 وموظف يقدر يستأجر سيارة يمشي فيها
نفسه لين ماتطلع سيارته من الورشة

الان ممكن يكون عمرك 21 او 22 وموظف وما تقدر تستأجر
بحجة انه لازم تصل لسن معين ؟!

لو هذا النظام من زمان انه لازم عمرك يكون 23 ماعندي مشكلة معهم
لكن قبل فترة كان بامكانك تستأجر وعمرك 21 اذا معك بطاقة عمل
_____________

قمت بالاتصال على وزارة النقل على الرقم التالي للبلاغات :
8001249991

وشرحت للموظف الموضوع كامل وقالي انه مو من حق المكاتب انها تفرض
سن معين , تكفي الرخصة وبطاقة الأحوال 

امل الاتصال على الرقم وتقديم شكوى يا اخوان , ارجو محد ينسى

بالنسبة للمحل الي تعاملت معه هو شركة ذيب ورحت لاكثر من فرع
الدائري الشرقي مخرج 12 - تركي الأول تقاطعه مع العروبة
________________

صدقوني انا ماعندي مشكلة بانهم يفرضون السن من 23 
لكن مشكلتي ليه قبل فترة كان عادي ابو21 و22 يستأجر والان لا

المشكلة شكلهم مايدرون ان الي عمره 22 متخرج من الجامعة يعني
_______________

ادري فيه ناس بتكتب ردود نمطية وتقول وش تبيهم يعني يأجرون
ناس توهم ماخذين رخصة ( يعني صغار بالسن ) تحت العشرين
ويقعدون يلعبون ويسوون مشاكل بالشوارع

هذا ليس مقصد الموضوع الأساسي , المقصد ليه انسان تعطلت
سيارته وتركها في ورشة , وهو موظف ما يقدر يستأجر سيارة 
توديه لمقر عمله , 

لحد يقولي تاكسي الله يحفظكم , واحد سيارته بتقعد بالورشة 10 ايام
وراه دوام ومشاوير شخصية هل يقدر يتحمل كل شوي يدفع للتاكسي
مبلغ وقدره ؟!

ولا يروح يقط وجهه عند احد يعرفه ويقول تسلفني سيارتك ؟! شينة هذي

ربما بعض المكاتب من حينها تطلب 25 أو 23
ولكن شركة ذيب كانت دائما الشروط يكون عمرك 21 وفوق + بطاقة عمل
والان زادوا العمر المطلوب

في امان الله
 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مافيه شك ان مثل هذه الامور تحصل مثل زيادة اسعار الاجار او تصعيب الشروط والهدف منها عدم اعطاء السيارات للشباب
لكن هذي موقته علشان النظام جديد وعلى السنه الجايه ان شاءالله بيتقبلون الواقع
واحب اضيف معلومه ان الشخص لما يستأجر سياره تجيه رسالة على جواله بتصريح قيادة المركبه 6 شهور من TAMM
ولما يرجع السياره المفروض تجيه الرساله بعد تسليم السياره من ساعه الى ساعتين واذا ماجاتك ارجع للمكتب وقله يوقف التصريح
اذا ماجاتك الرساله اعرف ان السياره للحين في نظام المرور هي مسجله بأسمك 
يعني اذا احد اخذها وصاده ساهر نظامياً عند المرور هي بأسمك وانت المسئول عنها




up 7 down 1
الجهني-rc -132
قبل 6 سنه و 5 شهر



مايفرض نظام الا بسبب مشكله صايره

اصخاب صغار السن اغلبهم مسوين مشاكل وتفحيط وتشليح السيارات وحوداث
كثرة مشاكلهم
فقالوا هالصغار جابو لنا المشاكل مقارنه بمن هم اعمارهم اكثر من 25
فخلونا نرفع الشروط ونشددها 
بينما لو جاك هندي عمره 21 راح يطلعون له سياره بدون اي تعقيد
لان المشاكل جايه من السعوديين اغلبهم
وش الي خلى التامين ترتفع قيمته الا بسبب كثرة الحوادث
وامس اسئل واحد عن التامين الشامل
قلي اذا 25 سنه وفوق يكون تامينه تقريبا 5 الف ريال
اذا اقل يوصل تامينه 10 الف
والسبب ان شركات التامين مسويه احصائيات واغلب المشاكل جايه من صغار السن


لكل شئ يقابله شئ

بخصوص كلام الجهني عن رسالة التفويض
هذي محد ينتبه لها
فعلا المفروض تنتظر تجيك رسالة الغاء التفويض عنك ولا تبقى السياره تحت مسؤليتك


يارجال والله اغلب الي يفحطون ومسوين قلق اعمارهم فوق 25
دايم يقولون حلو ان المكاتب ماتاجر طلاب عشانهم صغار

ومع ذلك مازلنا نشوف التفحيط والهسترة , والي فاضي الصباح الساعة 6
يروح قرطبة ولا خط الـ100 السلام ولا السعادة ويشوف ناس اعمارهم
30 وحولها يفحطون 

والي فاضي يدور بالانستقرام يكتب تفحيط بيلقى صور داخل استراحات
حاطين المفاتيح كلهم مستاجرين من ذيب ولا بدجت 

يعني برضو المشكلة مازالت قائمة وهذا مب عذر انهم ما ياجرون واحد عمره 22


up 3 down 1
mr.tahoe 1190
قبل 6 سنه و 5 شهر



وش صار بعد الشكوى؟


up 0 down 0
أبو درعان 522
قبل 6 سنه و 5 شهر



مكانب التاجير الصغيرة صار شغلها خسارة بخسارة كلها مشاكل الشركات المعروفة اسعارها غالية مايجيها الا ناس راقيين وموب حقين مشاكل وهذا المطلوب  


up 0 down 0
benz lover -75
قبل 6 سنه و 5 شهر



الموظف قالي انه راح تطلع لجنة بعد كم يوم يشوفون
لكن الحل يا اخوان ان الاغلبية تقدم شكوى
عشان الوزارة تلتفت لها الموضوع

وكلها ترى مكالمة 3 دقائق , ارجوكم لحد ينسى حاولوا


up 1 down 0
mr.tahoe 1190
قبل 6 سنه و 5 شهر



عمري ٢٢ وجامعي وعندي عضويه فضيه الحمد لله 

روحو شركة بدجت افضل شركة تاجير وتعامل راقي


up 0 down 1
maximum speed 578
قبل 6 سنه و 5 شهر



ياخوي انت متأكد ؟
انا مار بدجت يقولي 25


up 0 down 0
mr.tahoe 1190
قبل 6 سنه و 5 شهر



بعض المكاتب يحددون اذا كنت عسكري يقولون من رتبة وكيل رقيب وفوق 
لا وتجيب واحد يكفلك بعد حصلت هذا النظام في تبوك جيتها زيارة 

لكن أفضل شركة مرت علي صراحة ولايطلبون عليك بطاقة عمل 
ويسوون لك خصم اذا كنت عسكري لان عندهم نظام خصم للعسكريبن 
شركة الوفاق واسعارهم جدا مناسبه وعندهم اهتمام بالعميل 
راقي بعد الاستئجار يتواصلون معاك ويتاكدون منك انك تلقيت خدمه 
ممتازه منك من فرعهم الرئيسي 



up 0 down 0
ftfr999 271
قبل 5 سنه و 5 شهر