مشكلة حرارة بالكابريس

عليكم السلام ورحمة الله وبركاته اول شي المراوح مستبعدة كليا لان مع الخط المراوح تطفي تعتمد  السيارة على الهواء الخارجي 

مشكلتك بالرديتر ياطويل العمر انت تقول مجدد المعنى ماهو جديد او انه مستخدم مافهمت عليك صراحة !

رديتر 
طرمبة 
راس او الوجه 

طالما الرديتر جديد مغيرة يعني سليم

شوف الرديتر الامامي حق المكيف غسله بماء وصابون تحصله كله اوساخ تمنع مرور الهواء للتبريد

وشوف بين الرديترين ممكن فيه كيس او شيء يقلل من مرور الهواء

الرديتر مغيره اصلي مستخدم
وبعد رديتر المكيف جديد
الراس انا فاكه قبل فترة ومصنفر ومركب طقم وجيه جديد

مسوي شيء بالسياره كت او صدام مغير او شبك او مركب شيء بالواجهه

دامك اشتريت كل هالقطع جديده معناها السياره قد سخنت
معك و الله يعينك 

اعتقد ان راس المكينه يبيله مسح .. 

^^^^^^

يا فيلسوف المكينه لو تحتاج مسح رأس كان تسخن حتى لو يمشي 40

لكن طالما مع السرعه فقط تسخن يعني الرأس سليم

تاكد ممن المروحة هل تشتغل السرعة الثانيه او لاء ؟

اذكر واحد جت هلمشكلة معه وقال انه اكتشف ان المروحة لها سرعتينث والثانية ماتشتغل

وش دخل المراوح و هو مسرع

المراوح بعد سرعة 80 مالها أي فائدة 

و اصلا تكون طافيه ما تشتغل

كان معي كراون فكتوريا ونفس مشكلتك ويوم سيخت الاديتر ضبطت اول اذا عديت ١٢٠ على طول تعدي النص الحرارة نصيحه لوجه الله سيخ الاديتر وشف 

الرديتر اذا ما كان اصلي من الوكيل ما تقدر تضمن المستخدم هل هو اصلي او تجاري .

اخي مشكلتك من غطا الاديتر 
شيك عليه وشوف لان حصلت معي نفس المشكلة 
ويوم كشفت عليه طلع الغطا فيه تشققات ويدخل هوا للديتر 

شيك هوز اللديتر أحيانا مع السرعة الزايدة ومن قوة سحب الماء داخل الهوز يبدأ في الانثناء ويرفع الحرارة
الشيء الثاني شاك باللديتر أعتقد انه غير أصلي أو متسدد من داخل غالبا غالبا الحرارة مع السرعة يكون السبب اللديتر.

تحياتي

حبيبي المشكله هذا صارت معي لاحد يقعد يفتي ياشباب الا عتده فايده يفيد الرجال اتابع بعض الردود اغلبهم يقولون راس مكينه ورديتر مشكلتك ي غالي ماتكلفك 50 ريال غير غطاء الرديتر وصدقني راح تدعي لي صارت معي وطلعت المشكله من الغطاء 

بما انك غيرت كل شيء وباقي عندك حراره رح ي الغالي ل محلات الرديترات خلهم ينسمون لك هواء يكون اللي غير لك الطرمبه وباقي الاشياء ركبهم ووصل الليات والسياره مافيها مويه ف صار داخلها هواء تعبي مويه تجيك كامله بس داخل المكينه فاضيه رح نسم الهواء وان شاء الله تضبط 

تاكد ان حساس حراره شغال ويعطيك قراءه صحيحه لان قبل واجهتني مشكله من اعدي 120 ترتفع حراره ولما اهدي تنزل , فكيت كبوت واحصل فيش حساس حراره مفصول !!!!!

يا ابراهيم تراك عايش الدور و مصدق نفسك مدرك 
كل شيء .. الله يعينك على نفسك .. 

سلام عليكم انا كنت من مستخدمين الكابرس وابشركم افتكيت منه مديل٢٠٠٤ ثمانيه سرندل السياره وهي واقفه ماتحتر من سرعه ١٥٠ وفوق تطلع انص وكل ماتزيد سرعه ترتفع معك الين تقبل على الفل يعني لو تمشي ميتين يفلل
دخلته كذا وكاله وكذا مركز صيانه وفحص وخساير وخرابيط وغيرت كتالي
الاديتر خراطيش كامله طرنبه بالبلف قربه الاديتر بالغطى كتاوتات مروحه وغيرت دبات التلوث وقالولي مراوح مزبوطه وسرعتين شغاله وكلامهم صحيح شغاله المراوح وقويه وهو مهدي او واقف بس المشكله فيها ضعف بسيطولا يكتشف بالفحص بس بعد ماخسرني فوق ٣٥٠٠ بدون فايده خرب بعد فتره وحده من المراوح وغيرت اثنتين وزبطت الامور ومشكله الكابرس مكينته كبيره5.7 لتر علشان كذا لازم يكون تبريده100% والحمد لله افتكيت منه وجربت الفورد وصراحه سياره مرضيه برخص القطع وتوفره وقله اطلبات عرضت تجربتي واتمنى اكون افتك لو 1%

نسيت اقول اذا في المروحه ضعف بسيط اذا جها دفع هوى من برى تضعف حركتها ويصير مع السرعه ماتشتغل بالوجه المطلوب