توضيب قير لومينا

فيه لس هوا من القير الى المنضم المهم من القير واحد عنده نفس المشكله ولميكانيكي طلع اللي وكان مقطوع وغيره وانحلت مشكلته والله اعلم وممكن الخوان في المنتدى يفيدون

تصحيح لي وليس لس

لاتوووووووووووووووووووووضب انا موضب اللومينا ال 6 سلندر مرتين الين اخذت من التشليح بضماان والحمد لله واذا تبي وبالرياض علمني

وضب عند محل قيور متخصص في الامريكي  واهم شي ركب كلتشات  جي ام الاصليه   وانا اشوف لو تشوف لك قير نظيف احسن من توضيب 

تأكد من الحساس. ( حساس القير) 

فحص كومبيوتر. 

صح تأكذ قبل توظب او تغير القير .

الحساسات لازم كشف كمبيوتر + لي الهواء .......

اول افحص كمبيوتر وشيك على حساس القيير ودها عند واحد خبير بالقيير يمكن ترس او كلتشات 

اذا تحتاج توضيب

 افضل شي توضيب رياضي او خذ قير نظييف من التشليح

بارك الله فيكم
يا عيال ديرتي دعواتي لك من رد بالتوفيق

ههههههههههههههههههههههه الله يعينك

كنت بنززل موضوع ومريت على موضوعك لقيت نفس المشكلة 
بس كابريس 2003 حق واحد من الشباب  برضه نفس الطريقة يوصل الضغط 4
ويقعد يحن واحيانا يعشق وبعض الاحيان يوصل الضغط 2 وتحسة بيعشق ويجللي
وفجأة يوصل الار بي ام 4 ويطلع صوت وينتع.  
 والفحص قال كلتشات يعني توضيب وفيه مكانيكي قال يمكن حساس
اسمه (بدي بلف) بس الكمبيوتر يقول توضيب وبرضو كم مكانيكي يقولون توضيب
لان كلهم يشيكو على الزيت ويلقوه محروق والرجال توه مغيره له شهر زيت القير
المهم اذا لقيت حل للمشكة اتمنا تعلمنا وانا نفس الشي

يا شباب لا توضبون على طول خويي معاه لومينا 2003 و كانت عنده نفس المشكلة القير يتأخر من الاول إلى الثاني و تتوقعون وش طلعت المشكلة

المشكلة من حساس tps أو يسمونه حساس الدعسة على ما اعتقد مكربن و غير و من بعد ما عاد طلعت المشكلة و لا تستعجلون و المشكلة مرات تكون بسيطة

السلام عليكم
مساء الخير يالربع انا معي لومينا 2005 اس اس
كنت جاي من جده واخر حلاوه القير زين والتغيرات
نفس الشي بعد رجعتي باسبوع اخذ اخوي سيارتي
وما كمل ربع ساعه يتصل بي قالي السيارات ما تغير
الا غيار واحد وتفصل عرفت ان القير صار في عطب
ولكن ما حصلت توضيب زين الا تريستارز وغالين
شوركم يا جماعه خصوصا اللي بالرياض

الهرجه فالكلتشات شيك عليها 

انا عندي مشكله في قيرلومينا٢٠٠٦ فيه حنه وثقيل جدا في العزم
وخاصه وقت طلوع الطلعات ثقيل بالمره رغم اني سويت كل اللي يخطر على بالكم ومافيه فايده بخصوص التعشيق يعشق
ولكن العزم بارد في القومه والطلوع طبعن غيرت قيرين ووظبت مره وحده والمشكله نفس الشي كذلك الفحص بالكمبيوتر سويته
على كل القيور اللي ركبتها فيها وبعد التوظيب ويطلع حساس القير رغم كل قير اركبه يجي معه الحساس حقه واركبه بس للاسف نفس المشكله
طبعن كل قير اركبه ضعيف ولكن بعد فتره يضعف زياده ويحترق الزيت والكتشات يعني كلتشات توي مسويها حدها بالكثير شهر وتخرب وصلت معي التكاليف كلها الى اكثر من قيمة السياره السوقيه
مدري ايش الحل فيها اللي يعرف المشكله يفيدني ، لايقول فحص توظيب تركيب قير حتى كمبيوتر القير غيرته يعني جننتني والسلام ، ابي افاده تحل المشكله يجوز غايبه عني دلوني عليها وارتاح من هالمعاناه جزاكم الله خير