أضف سؤال أو موضوع جديد          

شلون تبوون حل للتفحيط والدرفت وهم اساسها ومن عشااقها

up 16 down 6
lolo-ss 4527
قبل 6 سنه و 7 شهر



السلام عليكم 
كل عام وانتم بخير 

تكلمنا كثيرعن التفحيط والدرفت وليه مافيه راادع وليه ما يتحاسبون وليه ماتطبق العقوبات وكلاااام كثثثثير

كنت اسمع ان اغلب هالمفحطين والمدرفتين من قطاع المرور والشرطه بس اكيد ماصدقت ولا اهتميت بالموضوع
بس قبل يومين كنت مع احد عيال العم وبشارع درفت بجنوب الرياض وكان فيه كابريس عنابي جديد اس اس ماسك الشارع 
المهم كانو جنبي 2 اسمعهم يقولون والله انه فلان القحطاني والثاني يقول لا انه كلوشه سمعت الي قال انه القحطاني يقول حتى انه بالشرطه
المهم انا مامسكت نفسي التفت وقلت هذا شرطي ؟ المهم الولد سكت 
سالت ولد عمي من الي قالك فيه تفحيط بيجي قال واحد على البيبي قلت هاته واضيفه وقبل وسالته قلت القحطاني راعي الكابريس متى بيوجهه 
قال مدري لقالي علمتكم 
قلت له ليه لايكونه مستلم حط لي تعجب 
قال انت تعرفه قلت اي بس مادري وين نقلوه لاي مركز خبري به بالسويدي 
المهم الرجال قام ياخذ ويعطي معي الين قال الرجال نقل من الرياض وراح لاحدى محافظات الرياض 
شلت نفسي امس ودزيت ورحت لمركز الشرطه تبع المحافظه وانتظرت الين ماصدقت الي شافته عيني 

الكابريس الاس اس العنابي الي عليه البن وجنوط السود ومضلل السياره كامل حتى الي قدام
عند مواقف المركز ونازل من بالبدله 

فقعدت اضحك فرحت لمحل خوي لي حق رشه مطفي واسولف له 
قال لي بالحرف الواحد والله يامحمد ان نص المدرفتين الدرباويه انهم عسكر وداخلين العسكريه علشان هالشي ويستفيدون من اوراق تغير اللون والتضليل ومحد يقولهم شي 

الزبده مالنا بالطويله شلون نحل هالمشكله اذا هم اساس القضيه ؟؟

واكتشفت حاااجه بهالبلد (تبي تعيش كن عسكري ولاحرامي)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صدمني 
 ما  ادري ايش اقول
 حسبنا الله ونعم الوكيل


up 3 down 0
dub_r-50 370
قبل 6 سنه و 7 شهر



هههههههههههههه

لولو حبيبي

ذكرتني بالمحقق كونان

ما شاء الله عليك

جبت أخباره كلها هههههههههههههه


up 4 down 0
عاشق الكورفت zr1 6475
قبل 6 سنه و 7 شهر



يا رجال فالطائف فرمضان يمكن الكل عارف وشـ حصل
أول مره تحصل فالطائف

تجمعوا مفحطين كثير وفيه مفحطين جايين من جده ومن مكه

جلسوا يفحطو 4 أيام يمكن
وأنتشر الخبر ووصل مدير البحث الجنائي أسمه خالد خميس معروف على مستوى الطائف أتمنى الرجل ذا يصير قائد البحث والتحري فالمملكه كلها لأنه ذكي مررررره وحده ماشاء الله عليه
المهم جمع أفراده وضباطه فيوم ووداهم لمكان التفحيط وكأنهم متفرجين وطبعآآآ الفرقه الي معاه مجموعه كبيييييييييييييره ووزعهم بين المتفرجين وسووا كم كمين فالمخارج

وفلحظه مسك فوق 70 شخص وحملهم فالباصات وعلموهم وش معنى تفحيط وجمهره

سؤالي ألحين لو فالرياض يسوو نفس الطريقه وربي ماتحصل ولا واحد يجي يفحط أو ما تحصل متجمهرين أساسا

وعلى فكره من ذاك اليوم إلا اليوم المكان الي كانوا يفحطوا فيه فالطائف معاد فيه أحد نهائيا






up 12 down 0
hack1 2915
قبل 6 سنه و 7 شهر



فالعاد فتجمعات التفحيط مايمسكون غير المساكين الي يخافون ينحاشون من الشرطه
اما راعي التفحيط والي لهم دخل مدبرين امورهم

ولولو اذا انت مستغرب ان عسكري يفحط
عندك ابو كاب ملازم اول 
وفعلن اغلب المفحطين عسكر لانهم صغيرين بالعمر ومعاهم فلوس
وغير كذا العسكري ماحد معطيه اي اهتمام 
وماله قدر بالمجتمع عشان كذا مايتفشل من التفحيط




up 6 down 0
بشوش 5097
قبل 6 سنه و 7 شهر



الحل في تكوين لجنة سرية وكمين للمفحطين باكبرعدد ممكن من رجال الأمن الله يحفظهم لنا .

والمواطن اذا شاف شي اقلها بالجوال بلاغ برقم اللوحة او مكان التفحيط .


up 6 down 0
مستر بن . 10374
قبل 6 سنه و 7 شهر



طيب اللحين صار تفحيط مثلا بمخطط بعيد ومافيه اي بيت هالمخطط
والي كان يفحط شخص ماعنده اي قضيه بحياته اللهم قاعد يفحط
طبعا عقابه  تحجز السياره اسبوع او شهر مو متاكد وتوقيف ٥ ايام ومخالفه

تبي مدير المرور يجمع كل العسكر عشان واحد ماعليه قضايا
اصلا المرور عندهم عجز بالعسكر ومو قادرين يغطون حتى حوادث الشعب الي لاصار حادث  الواحد ينتظر ساعتين وثلاثه  ينتظر المرور ويقعدون يسبون بالمرور


up 6 down 0
بشوش 5097
قبل 6 سنه و 7 شهر



تدرون وش الي يقهر الي يفحط ومعه اخوياه   



up 5 down 0
zezo2468 263
قبل 6 سنه و 7 شهر



صادق والله يبون لهم سحب السيارة او سجن


up 2 down 0
عاشق هلي 2011 3
قبل 6 سنه و 7 شهر



ينطبق عليهم المثل الي يقول ( حاميها حراميها )
وشتقول عاد لاصاروا هم القانون وإذا صار خصمك قاضي من تقاضي
وتسلم على الموضوع lolo_ss


up 3 down 0
مورسدس24 3638
قبل 6 سنه و 7 شهر



ليتك ما قلت العبارة اللي اخر موضوعك

وحاول انك تخص ولا تعم يالغالي بالعكس اغلب رجال الامن رجال قدها وقدود

وكل بيت وفيه ..... الله يكرمكم




up 5 down 2
أبوعوض 2210
قبل 6 سنه و 7 شهر



اكيد هنا المشكله عندك المفحطين جلست اسأل واحد في منتدا قلت ياخي كيف الحين عندكم يجرون سيارات ويفحط ويقلبها وعادي قال هاذا يعرفون عسكري في المرور المفحط من يوم ينعدم الموتر اذا صدمه 500 ريال تقرير من العسكري واذا مقلوب ورايح دين جده اهم شي يقول مافيه اصابات التقرير 2500 ريال ياخذها العسكري ويطلعله انه حادث  عادي والتأمين تبع المكتب يتحمل السياره مشكلتنا منا وفينا ياخي لو يجبون الحزام المسامير زي الي في امريكا متأثر بالافلام ههههههههههه كان يعرف المفحط انه مطروح مطروح 


up 3 down 0
princ 18863
قبل 6 سنه و 7 شهر



هههههه


والنقيب الي ماسكينه قبل كم شهر يفحط بتشارجر وله لقب بعد (فايزر) اكتبوا في اليوتيوب فايزر وتأكدو


up 1 down 0
قيقل 1
قبل 6 سنه و 2 شهر



لا تعم يالحبيب في رجال امن كفوا اما بنسبة علي كلمة (تبي تعيش كن عسكري ولاحرامي) هاذي بعد ما تفق معك فيها الحمد لله كلنا عايشين وانا منب عسكري ولا ني بحرامي معذرة منك ياخوي


up 1 down 0
maldkheel 518
قبل 5 سنه و 9 شهر