نصيحه وتجربة سريعه تغيير الزيت .. ممكن تفيدك
6
3
إضغط هنا للإخفاء
السلام عليكم ورحمه الله وبركاته
كيفكم شباب .. ان شاء الله تمام
تجربة سريعه بتغير الزيت
الي استفدته منها .. توفير حوالي 40 ريال في كل تغيرة زيت
نبدأ :
جيت اغير الزيت لكابرس 2011 .. ودورت بالبناشر ع اسعار الزيوت
لقيتها توصل لاسعار خورافيه
زي كاسترول ايدج وصل باحد البناشر الى 55 ريال !
المهم .. اجلت هالموضوع يومين
ورحت اشتري زيت بالجمله .. من مخرج 16 بالرياض
ههههه اخوكم بالله ما طلع من بيته الا الساعه 9 ونص ولين وصل كانت المحلات مسكرة
قفلت الاخلاق ورجعت البيت
اليوم الي بعده قلت بروح الصناعيه اشوف الاسعار عندهم
لقيت زيت كاسترول ماجنتك الاخضر لزوجه 30/5 ب 25 ريال وبعض المحلات 24
المهم قلتلهم باخذ 8 علب .. كم تحسبوها من الاخر .. ارخص محل قال لي 23 ريال
توكلت ع الله واخذتهم
واخذت من نفس المحل فلتر زيت اي سي ديلكو ب 15 ريال
ورحت لبنشر اتعامل معه
اول ما قلتله بغير الزيت رحب فيني وابشر وووو .. الكابرس 2007 وفوق اذا 8 سلندر مكسب كبير له لانها تاخذ 8 علب زيت
المهم قالي وش تبي زيت .. قلتله الزيت معي خخخ
قلب وجهه اللوان .. قالي طيب والفلتر قلتله برضوا معي
صار يقول طيب قدامك سيارتين ومشغول ومن هالحكي .. قلتله ابنتظر مو مشكله
نزلت سالته بكم الكاسترول 30/5 ماجنتك نفس الي معي
قالي ب 30 ريال .. والفلتر ب 20 .. وما تدري عن تاريخ ام الفلتر ووش صناعته
المهم انتظرت واتفقت معه ع 20 ريال شغل يد
والحمدلله طلعت وانا مبسوط من عنده
نجي للرياضيات
نحسب اذا جيت اغير عنده كم بيكلفني
30×8= 240
+
20 ريال فلتر
=
260 ريال
نحسب كم طلع علي تغير الزيت
23×8=184
+
15 فلتر
+
20 ريال شغل يد
=
219 ريال
الفرق
41 ريال
ممكن انك تشوفه فرق ما يستاهل هالعناء .. لكن احسبها 5 مرات توفر فيها 41 ريال
يصير معك 205 ريال يعني التغيرة السادسه تطلع عليك ببلاش تقريبا
هذا غير اني ما شريت الزيت بالجمله
لو اني شاريه بالجمله بيطلع علي ارخص
والفلتر كمان نفس الشي
وشغل اليد يفترض ما ياخذ اكثر من 15 ريال بس اعرف الرجال من فترة وما حبيت اقعد اكاسر فيه كثير
هذي تجربتي واتمنى انها تفيدكم لو بالقليل ..
بالتوفيق
إبلاغ
الردود
إنما نصف تخليقي
بترومين A1 تخليقي بالكامل وسعر الكرتون 230 بالقصيم
وايضا ac ديلكو ديكسوس الذهبي سعر الكرتون ب210
ريال
وكل كرتون فيه 12 علبه
هالاسعار في بريدة وعنيزه
وايضا كذلك بالطايف
يعني لايخمونك أصحاب الجمله
العلبه تطلع جمله ب 17.5 تحديدا
وجب التنبيه والتحذير ........
واحذروا زيت كاسترول ماجنتيك الأخضر
يباع بأغلى من سعر التخليقي بالكامل
وهو ليس تخليقي بالكامل إنما مواصفات تخليقيه
نسبة الاظافات تقريبا 30 بالميه
بينما بترومين A1 واي سي ديلكو 100 % تخليقي
كاسترول التخليقي لديها هو كاسترول ايدج فقط لاغير
أما الماجنتيك فهو نفس شل هيلكس الأزرق
نصف تخليقي
عمليات عمليات وصل التعميم !!!
5
2
ع طريق الجنوب تلقا الموزع عندها
ابد انا شاري من عنده اي سي ديلكو 5w30
ب 220 احشششششره
وطق لك كرتون
ولاعاد تستخدم ماجناتيك سعره مبالغ فيه
ومواصفات ضعيفه
علم علم !!
3
0
كيف تشوفه هالزيت
صراحه انا متخوف منه .. المالك الي قبلي الله يهديه يستخدم
زيت 50/20 .. وانا غيرته ل 30/5 .. بغيره كل 7500 كيلو بإذن الله
اخوي مدرس عاطل
الله يعطيك الف عافية
ادري انه نصف تخليقي
وبالنسبه للجمله بإذن الله التغير الجاي بيكون كرتون من الجمله بافضل نوع ممكن
ويعطيك الف عافيه ع التنبيه
0
2
حاول تشوف اي سي ديلكو ديكسوس 1
ثم
بترومين A1
اي سي ديلكو افضله بحكم انه مختوم بأمريكا
والجوده راح تكون أعلى ....
0
0
الشباب مجربينه ع الكوابرس ويمدحوه
0
0
اذا الطايف تقصد المحل الي جنب المحطه
اخوي ليزو هالزيت استخدمه سنه واغيرة على 9500
حليو ولا ينقص بس يتغير لونه بعد مسافة 5000 الى البني فاتح
اما كا أستخدام رائع جدا
1
0
بالطايف وبالخلف منه فيه موزع لزيوت شل
لكن زيوت شل أسعارها بالعلالي 5w30
جمله ب31 للعلبه هذا أقل سعر بالمملكه
وقد كلمت مسئول المبيعات بالمملكه وقال أقل سعر ممكن
ب27 للتر
الله أكبر والله لو يمشي 50 الف ههههههههه
1
0
0
2
فهمت غلط يابعدي
0
0
1
0
الكابرس 2007 وفوق ياخذ 8 علب زيت
رغم الاختلافات البسيطه الي صارت بالمكاين
لان الكابرس من 2007 وفوق نزل بكذا اصدار
L98 بدون نظام توفير وقود بالغالب من 2007/2009
L76 نظام توفير وقود
L77 نظام توفير وقود
كلهم نفس بعض من ناحيه القوة والاداء والحجم
اختلافاتهم بارقام الرؤوس وعمود الكام والتكايات وهالاشياء
0
0
ال 6 سلندر ما اعرف عنه شي
0
0
لكن ولا عمرك تفكر تاخذ الفلتر من عنده ابداً
الفلتر دربه درب الوكالة ولا تفكر تشتريه من غير الوكالة او موزع معتمد
اغلب الفلاتر اللي في البناشر مضروبه وانا شفتها بعيني شركات شبيهه بايسديلكو نفس الالوان ونفس كل شيء بس اسمها يختلف
وشركات شبيهه بتويوتا نفس كل شيء لكن بعد الاسم يختلف ..
وجب التحذير والتنبيه .. الله يعطيكم العافيـة
1
0
الاول اسمه كاسترول ماجنتيك وهذا النصف تخليقي
الثاني اسمه كاسترول ماجنتيك بروفشينال هذا تخليقي بالكامل
للمعلوميه فقط
ياليت لو تقولون لناا الافضل بين الكاسترول ماجنتيك بروفشينال
و فوكس تيتلن سوبر سين كلها تخليقيه بالكامل و كلها 5w30
بصراحه محتار بين الاثنين .. السياره ماهي كابرس
0
0
عفوا تيتان ***
0
0
ماشفت كاسترول ماجنتيك بروفيشنال بصراحة
ولو قريت بيانات العلبة ممكن اعرفه
وبخصوص فوكس تيتان مبيعاته ضعيفه وهو نادرا وقليل اصلا
لكن في يوم لقيت ان مواصفاته SM
عموما لازم تسوي مقارنه بالداتا بين النوعين
0
0
بخصوص فوكس يعنيىم تنصحني فيه ؟ وممكن القاه بمحلات الجملع
0
0
الجمله**
0
0
انا اغير نفس الزيت الي تقول ماجناتيك
والله صلخ في البناشر ليته ب30 مثل ماقالك صاحب البنشر
عندنا في الباحه ب35 ريال بعد حب الخشوم
ولا عندنا محلات جملة
لاكن ان شاءالله اول طلعه على الطايف ولا جدة اباخذ كرتونين جملة
وانوفر مع الي يوفرون
قبل 9 سنه و 3 شهر