أضف سؤال أو موضوع جديد          

طال السفر .. سفرتي ونكبتي الشنيعه

up 64 down 5
ابو يزن 09 511
قبل 3 سنه و 8 شهر



السلام عليكم 
ياشباب بدون مااطول بالكلام قدر الله والحمدلله على كل حال بس اكلت علقة الييييمه جداً جداً 
الحاصل ياطويلين العمر والسلامه عندي كابرس 89 نظيف ماشاءالله عليه واسافر عليه دايم وبحكم 
المسافه بيني وبين نجران من المدينه المنوره تقريباً 1250 كيلو دايم اتفحصه قبل مااسافر
 واغير الاشياء الاستهلاكيه قبل ماامشي من المدينه بيومين اخذت السياره ونفظتها وسيخت الرديتر 
وركبت كومبروسر جديد + تنظيف المواسير وفريون اصلي واستعديت للسفر ونمت بدري وصحيت اليوم الثاني
الساعه 7 صباحاً وحركت على نجران من المدينة المنورة الساعه 8 تماماً
وانا ماسك الخط خرجت من جده الساعه 
12 الظهر وصليت في طريق الساحل الخط سافي والجو حار وغثاء والسافي كان قوي مرره 
المهم وصلت الليث نزلت البقاله وكنت مستعجل وحاط في بالي الساعه 8 العشاء وانا في نجران 
لاكن للأسف نسيت شي بسيط اثناء تحركي بالسياره من المحطه وقبل مااوصل القنفذه في منطقه المظيلف 
كأني بديت اشوف دخان يطلع من خلف السياره اشوف الحراره مزبوطه والسياره ممشاها اشوفه عادي 
وكل مااطالع اشوف السافي اكثر قلت ياولد بلاش وسوسه شكله من السافي وماهو بدخان 
لاكن الطامه يوم وصلت القنفذه في اول اشاره : (  
اطالع إلا السياره تدخن دخان كثيف لونه ابيض وجنبي شايب معاه هايلكس يدق بوري ويأشر لي 
واقطع الاشاره واوقف في اول محلات بناشر والعمال يوم شافوا السياره شردو يحسبوها تحترق ههههههههههه
والي راح يجيب طفايه حريق وانا نزلت من السياره سريع وكنت بربط الجلنط إلا اتفاجأ !!!!!
ان الجلنط مسحوب مسبقاً وكنت ماشي عليه ..؟؟!!!
ومشكله الجلنط عندي ضعيف يادوب يمسك لو بنزله بسيطه يوقف على الجربوكس 
الحاصل ياطويلين العمر عرفت ان السبب من الجلنط لاكن المفاجأه يوم شفت الهوب الخلفي اليسار والله 
ياجماعه الخير اني لقيته يغلي غلي تقول زيت محلات السمك 
وعمال البنشر يوم شافوا الدخنه صارت بسيطه
 قالوا مانصلحها ودلوني على سوداني قريب بمسافه 500 متر وهنا ابتدأت المشكله الفعليه 
رحت للسوداني ويقولي مااصلح كابرس قديم ودلني على واحد ثاني يماني ونفس الكلام 
وكل مارحت لواحد يقول ماانصلح قديم 
ودلوني على محل بالقوز واروح للقوز دقيقتين ماشي وخمس دقايق واقف من الدخنه <- تمرمط ههههههههه
واوصل القوز ونفس الوضع من واحد في واحد ومحد بيشتغل امريكي :( 
والله ياجماعه الخير حتى اني وصلت فيني اقولهم صلحوها بـ 1000 شغل يد بس ويتعذرو 
كرهت اوووم اوووم خط الساحل على الامريكي على كل شي وكلهم عذرهم بس نشتغل ياباني 
وامشي ياطويلين العمر لمنطقه اسمها تبراك ويدلوني على مصري فيها 
واروح والقاه نايم بغرفته واروح اصحيه 
وقالي اه راح اشتغل فيها وراح يغسل وجهه واخذ خمسه دقايق وجاء شاف السياره 
قالي 150 ريال قلتله ماشي توكلنا على الله ومن الفرحه قلتله لو تبغى 300 اشتغل فيها وخلصنا 
قال انا قلت 350 من اول  ههههههههههههه <- بداء ينصب ابن الكلب 
قلتله ماشي مافيش مشكله 
راح طلب عكس خلفي ورمانه وصوفه قالي جيبها 
وهنا ابتدت النكبه الثانيه 
فريت بالمحلات القريبه كعابي ووفيه واحد مطوع ماقصر وصلني كم محل وماحصلنا لاقطع ولاشي 
وراح ردني عند المصري واكلم المصري قلتله مالقيت تعرف احد يجيبها من التشاليح واعطاني ارقامهم 
وادق عليهم وماعندهم عكس خلفي ولاصوفه ولارمانه لأن الدفرنس عندي لبيوك رود ماستر 
وقالي الله يعينك تروح القوز وتدور واخذت القطع وحالتي حاله واوقف على الخط 
وكل من شافني ماسك العكس الخلفي بيدي سحب علي وتركني كلها زيت هههههههههه
ويجي ولد شباب وحسيت انه صامل ماعنده مشكله قالي وين قلتله القوز قال اطلع قلت شوف يابن الحلال
لك 100ريال بس بشرط بندور في القوز القطع الي ابغاها وتردني محلي قال تم اطلع انت بس 
وندور ومانلقى عكس خلفي واروح مخرطه ونخرط العكس بعد ملعنه كل مارحنا محل اعتذروا 
عشانه صلب ههههههههههههههه 
ونخلص وناخذ القطع بعد ماطابقناها بمحل يبيع قطع امريكي بعد العشاء 
ودزينا على تبراك وخوينا الي طلعت معه رأف بحالي وقالي اعطيني 50 ريال خلاص كافي 
قلت والله غير تاخذ 100 والاتفاق اتفاق بعد مامرمطته معي ههههههههههه
ونزلني المحل عند المصري الي يرفع الضغط اقسم بالله انه ميت وغثيث ولازم اساعده بكل شي 
لاكن غصباً عني دوامي الصبح الساعه 8 وفيه بصمه يعني محشور حشره بنت لذين 
ومن قوه النكبه يوم جاب العامل لمبه كوع عشان يشتغل على الدفرنس انفقعت اللمبه هههههههههههه
حسيت اني منحوس بقوووه مع اني كنت قاري اذكاري ودعاء السفر 
ولكم الله مااخلص إلا الساعه 1 في الليل بعد غثاء من الميكانيكي 
وادز بالخط ويجيني النوم والتعب كله ينزل علي وماصدقت وصلت ابها يوم حسيت بالبراد 
والعلوم الطيبه اني بغيت اوقف اكثر من مره ادقها نومه وجلست اقاوم لين مسكت خط نجران 
إلا وصلت حدي واصفط السياره وانسدح بالمقعده لاكن من قوه التعب والصداع والنعاس 
مافيني نوم واقوم اخذ فره كعابي حول السياره لين تنشطت واتوكل على الله
 وادز على نجران وصلت الساعه 6 الصباح 
من 8 الصبح الى 6 الصبح 22 ساعه بالخط ومابين الورش 
واروح شقه اعرفها واستأجرها واخذ دش واداوم وابصم واستئذن منهم وفكوني 
بتقولوا ليش ملزم على الدوام اقولكم المشكله اني في فتره تجربه وحضوري وانصرافي يأثر علي في التثبيت 
ولاكن كانت سفره الييييمه جداً جداً والغلط كان بسيط جداً جداً ( نسيت الجلنط ماسك ) والحمدلله على 
كل حال  ووداعاً للامريكي كرهتها معليش بسبب ان محد يبغى يشتغلها وورطتني بالقطع والان ادور ياباني : ( 
صوره السياره رفيقه السفر والنكبات هههههههههه









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله تبارك الله .. والحمدلله على سلامتك يابعدي
وابد دامك ظبطت العكس تطمن يبي له كم سنه مايخرب مرهه ثانيه
واذا لك خاطر تبيييع كلمني خاص وان شاء الله مانختلف 


up 1 down 0
w.asa 2052
قبل 3 سنه و 8 شهر



ابو دحومي
 
ونعم بالله ولك لايك : ) 

mohammed shareef

الله يسلمك من كل شر والله وانا اخوك مااعرف المنطقة زين لاكن اذكر مكتوب بالفاتورة تبراك وليس البرك 
واتوقع كلامك هو الصحيح  وهي تبعد عن القوز تقريباً 25 كيلو : )
نعم صحيح مغسله الجوافه : ) 
شكلك خوينا الي كل اسبوع نازل مكه ..؟!!

خالد2001

ممكن هي مااعرف المنطقه مزبوط : )


محب السنه
اللهم آآمين 
والله يرحم والدك ويسكن روحه الجنه ويرحم موتى المسلمين 
والله يعوضك بأطلق منه ذكريات  ايام زمان : (

turkiq
والله سيارات بس مااستخدم الحوض وسفريات وكذا الله ييسرها 

ahamd9477

يارجال والله ماله قطع وإن لقيت لقيت تجاري خذ العلم إذا كنت هاوي اشتري غيره لا 

w.asa

الله يسلمك من كل شر .. والله صادق لاكن خلاص النفس عافته 
وبالنسبه للسياره تم بيعها خارج الموقع والله يعطي صاحبها خيرها ويكفيه شرها والله يعوضني : )


ورسالتي للجميع نورتو الموضوع واشكر كل من شارك او ابداء رائيه بلايك او ديس لايك 
واسئل الله التوفيق لكم 




up 1 down 0
ابو يزن 09 511
قبل 3 سنه و 8 شهر