افيدوني قبل امغط مشوار على الفاضي

الموديلات ذي فيهامشاكل بالقير ابتعد عندها حاول تاخذ من موديل 2014 وطالع

شكرا لك .. بانتظار الشباب 

شكل قبيح وموتر خابور ..
لو تشتري كابرس بقيمتها أزين لك

ماليبو معروفه بالخربات الغريبة و خصوصا القير خويي معه 2010 و بعد 129 الف كلم غير مخ القير 

الماليبو الاربع سلندر و الكروز قيورها سمعتها غريبه بالخراب
ما اعمم لكن ممكن اللي ما يحافظ على زيت القير و يدعس بالتغييرات
حساسة زياده و مالظاهر بتبوك تحصل قطع غيار الا من الوكالة
ما دام عندنا بحائل و بالقصيم  قليل ما تحصل
ممكن بالرياض و جدة و الشرقية تلقى اللي تبيه بسهولة

سياره ممتازه بس تخوف عند تغيير الزيت ... لكن الباقي ممتازه وراسيه بالخط

انصحك تبعد عنها نصيحه 

اي سيارة امريكية تجي اربع سلندر ابعد عنها والامر مختلف في السيارات اليابانية الاربع سلندر مثل الكورلا والله أعلم

انحش عنها   مثل الداب الاسوود
  خايبه والدليل اسعارها  التي في الحضيص 
شوف لك كامري نظيف. لاتقع. في بئر ارتوازي

القير معيوب ما يوصل 100 الف الا وهو مخبط عيب مصنعي

سيارة ما تسوى تراب 

الله يسعدكم ويحرم وجيهكم عن النار ماقصرتوا

وعليكم السلام ورحمة الله وبركاته 

نصيحتي شوف لك غيرها حتى لو السعر مغري 

خذ موتر ترتاح له ويريحك بالقطع والصيانه

ابعد عنها ونا اخووك وخدلك شي اجددك وبالتوفيق

ابعد عنها ونا اخووك وخدلك شي اجدد وبالتوفيق

الموديل هذا صعب تحصل قطعه وصراحة يطلب رغم ان رساوته ترد الروح
الموديل الجديد 13 وفوق جودتها افضل وقطعه منتشرة اكثر

الرساوه والعزل فيها  ممتازه مقابل سعرها  بنفس سعرها ماراح تلقا الا  سوناتا 2007 مكروفه او كامري 2007 مصدمه من كل جهه

عيبها قطعها ماهي متوفره بكثره
قطعها دايم غاليه
القير لو ما اتهميت لتغيير الزيت يطيح عليك بعد ممشى 120 تقريبا  فلازم تغيز زيته بالوكاله الافضل

اذا اللي لقيتها نظيفه وسعرها حلو  توكل ولا تتردد بس حط في بالك اذا بتبيع  بيعتها ثقيله شوي

غريبه ان عيبها الجيربوكس هذا ماحد عرف السبب المبرد حق الرديتر صغير 
ممكن والله شفت واحد معاه كروز ونزل اعلانه انه ركب مبرد جيربوكس
لان الجيربوكس كان لامشى بخط او بزحمه كان يقول ينتع ويعلق بالنمر
ركبله مبرد ومدح المبرد ان المشكلة عنده انتهت بشكل كامل
وانت جرب تركب مبرد يمكن تنتهي مشكلتك