أضف سؤال أو موضوع جديد          

رسوم الجمارك للسيارات

up 3 down 2
ksa-999 143
قبل 3 سنه و 5 شهر



السلام عليكم 
ياجماعه اشتريت سياره من الإمارات وصدرتها وبحكم أني مستعجل سويت وكالة للبسامي يشحنونها للسعوديه ويخلصونا من الجمارك  مع العلم ان موديل السياره ٢٠١٥ وطلعت لها ورقة مقاصه واليوم تفاجئت  برساله على جوالي من الجمارك برسوم ٣٠٦٠ ريال ؟؟؟ ماني عارف وشهالرسوم مو مفروض المقاصه مايكون عليها رسوم اللي عنده خلفيه يفيدنا جزاكم الله خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا يمكن ان يتم ترسيم سيارة مرتين في دول الخليج 
تأكد ان السيارة مدفوع جمركها عند وصولها للامارات

اذا ورقة المقاصة معك رح لأقرب دائرة جمركية واشرح لهم

اذكر ان ورقة المقاصة والبيان الجمركي الاماراتي للسيارة أو البضاعة
 لازم يكون من ضمن المستندات المقدمة للجمرك السعودي


up 1 down 0
naac 2 2717
قبل 3 سنه و 5 شهر



موجودة المقاصه وعطيتها للبسامي والغريب ان حتى لو قلنا ماقبلو المقاصه مفروض يكون الرسوم اعلى من ٣٠٠٠ آلاف على أساس ٥٪ وسعر السياره فوق ٢٠٠ الف مدري هالثلاثه آلاف وشهي رسومه ؟


up 3 down 0
ksa-999 143
قبل 3 سنه و 5 شهر



لان لوحسبنا الثلاثه آلاف بتطلع رسوم سياره بسعر ٦٠ الف 


up 2 down 0
ksa-999 143
قبل 3 سنه و 5 شهر



ممكن يكون المخلص ما قدمها مع المستندات 
وممكن ان المعاين ما اعتمد المقاصة 

في الحالتين لازم تخاطب الجمرك بموضوعها
بحكم تجربتي في مجال التخليص موظفين الجمرك دايم يغلطون ويفوتون 

ولازم نقولهم عشان يعدلونه


up 1 down 0
naac 2 2717
قبل 3 سنه و 5 شهر



الله يجزيك خير يعني لو صار انهم غلطو يحق لي استرجاع المبلغ لان المشكلة للبسامي ماله شغل بيحاسبني على الرسوم اللي دفعها زايد قيمة الشحن 


up 0 down 0
ksa-999 143
قبل 3 سنه و 5 شهر



اهم شي تروح للجمرك وتقدم لهم المقاصة 
وتشوف ليه ما اعتمدت 

في حالة انك دفعت المبلغ تطالبها من المخلص الي خلص لك الاوراق اذا انت مفوض مخلص 
لأن أي شي مرسم في الخليج ما يترسم مرة ثانية سواءا بضايع ولا سيارة 

وكلم البسامي وقلهم ليش انحسب علي رسوم 

موقفك قوي مادام انك مسلمهم مقاصة 


up 0 down 0
naac 2 2717
قبل 3 سنه و 5 شهر



بيض الله وجهك وجزاك الله خير بكره فاستفسر منهم والله يكتب اللي فيه الخير


up 0 down 0
ksa-999 143
قبل 3 سنه و 5 شهر



الله يوفقك ويسهل أمرك .. خبرنا وش يصير معك عشان نستفيد .


up 1 down 0
الـشـعـيـري 39
قبل 3 سنه و 5 شهر



الحمد لله كما توقعت طلع موظف الجمارك مدخل جوالي على معاملة سياره لشخص ثاني أنا سيارتي دفعوني بس حق المقاصه 
وشاكر مروركم واهتمامكم


up 1 down 0
ksa-999 143
قبل 3 سنه و 5 شهر



انا اخذو مني 3500على كابرس 2013ولابعد الموظف يقولي رحمتك وعطيتك السعر هذا 


up 0 down 0
faisall2004 -4
قبل 3 سنه و 5 شهر