رجه والسياره واقفه

كراسي المكينه 90%

للاسف المكنيكي سباك التايمن اذا مو موزون بالظبط رجة واذا مركب غلط تتكسر البلوف
هذا رابط الوزن الصحيح من المصنع للاسف يبيلك تشرحة لاحد السباكين في الصناعية او تروح للورش الكبيرة وتدفع مبلغ وقدرة
http://ww2.justanswer.com/uploads/TR/tracker40/2013-09-28_235749_123.pdf

يعطيكم العافيه 
طبعا الرجه خفيفه جدا وتقوي شي بسيط جدا اذا شغلت المكيف
علما انه قبل تغيير سير التيمن ما كان فيها اي رجه بس كان في صوت كبير من السير 

سوي تصفية خاصة الثروتل

100 بالمية من التايمن هذا اسمة interferance type يعني السير متداخل حق كل شي اذا انقطع تتكسر البلوف وتعدم المكينة خله يوزنة مرة ثانية لانه هو السبب وممكن ما شدة زين امسك السير من جهة الفضاوة وحاول تبرمة لازم مايزيد ولا يقل عن 90 درجة يمكن مرتخي

اخوي يشهد الله على كلامي انه حصلي نفس سالفتك سابقا باوبترا 2008 لكن قدري ان السير انقطع مباشره بعد اول مشوار من تغييره
نفضه في السياره
تحسها تروح ورا وقدام وتزيد مع المكيف

وصوت المكينة اختلف
لما كلمت الميكانيكي مدري السباك قال هذا لانه جديد اصبر شوي وتروح وقدر الله اني ماكملت شارع الا السيارة طافيه انفلت التيمن ونص توضيب كلفت 4000
مع شغل اليد تحملها السباك ريال ينطح ريال مادفعت ولا ريال انا
تبي نصيحتي اناا ارجع له الموضوع مايحتمل صبر وحاول ماتسرع لو قدر وانفلت عليك احتمال تثقل الطارة والفرامل
بكره الصبح ارجع له وخله يوزنه انا متأكد انه ماوزن الشداد وهو السبب مثل ماحصل عندي ان الشداد انفلت وقتها من مكانه والله لايوريك اني قعدت شهر تقريبا او حوله بسبب قطعه ماحصلتها فـ اقولك لاتدخل بمتاهات مثلي ومباششره ارجع له دام السيارة ماخبطت
ولو رفض دق ع الشرطه لاتتردد
خذها مني ترا السالفه فيها مكينة ونص توضيب
ولاتتملق له اكرشه وخلك ع راسه لين تستلم السيارة مثل ماكانت
واذا انت بالمدينة علمني افزع معك ونروح له سوا اعرف شغلي مع السباكين انا
اهم شي بكره الصبح تروح له وبمجرد رفضه دق ع الشرطه

يَ اخوان الرجال سيارته ماكان فيها شي قبل يغير السير كيف تقولون كراسي وتصفيه؟ كانت سليمه وغير السير ونفضت معناها من السير التيمن هذا مشكلته مشكلة
خصوصا لاطاح بيد واحد غشيم مايوزنه صح

شيك علي كراسي المكينة وبعدها تشيك على كرسي الجير بوكس لأن الأكثير ما يفحصو كرسي الجير بوكس 

يعطيكم الف عافيه على تفاعلكم ونصايحكم 
وان شاء الله ارجعها للمكنيكي 
وجزاكم الله الف خير