أضف سؤال أو موضوع جديد          

احدد اسباب ضعف هواء المكيف .

up 9 down 2
دحوم236 107
قبل 10 سنه



السلام عليكم ورحمه الله وبركاته .


انا انسان كنت اعاني من ضعف هواء المكيف رغم انه بارد لكن هواء ضعيف .

رحت المحلات الي يتفلسف ويقول مروحه والي يقول عب فريون رغم اني معبيه من شهر .

رجعت البيت وبحثت باليوتيوب طريقه فك فلتر المكيف . طبعا سياره الافيو ينفك عن طريق فك الدرج وتحصله مباشره


غسلته في بخاخ Acdelco وبنزين 95 وبمويه وحطيته على السطح ينشف ورجعته

حطيته ثاني يوم ولا المكيف صار ثلجججججج والله خفت احسد نفسي .. طبعا ثاني يوم بدلته بجديد وكاله لأن التنظيف كانت فقط تجربه وصار ابرد بعد وهواء اقوى

عموما قبل لا تروح الورش ويفتي ويسوي تجربه على موترك تأكد لأن يمكن حلول بسيطه وتدفع الاف .

بالتوفيق .







إبلاغ إبلاغ



الردود


صدقت الورش اذا شاف سيارتك مايفكر كيف يصلح يفكر وش القطعه اللي تضمن له اكثر فلوس
وبعدين وهو يصلح ينظر وش يمديه يخرب
عشان ترجع له
وتدفع
طبعا الاغلب مو الكل ومايحبون اللي ينشب لهم ويدفعهم قيمة الاصلاح يحبون اللي يدفع بدون مايناقش واذا قابلهم شخص حقاني وياخذ حقه مستحيل يشتغلون له تلقاهم يصلحونها وخلاص ماعد يقبلون يشتغلون له مثل ماحصلي مع ورشتين بالمدينة رفضوا يشتغلون لي بسبب اني حملتهم قيمة بعض الخرابات وقلت لهم انتم لو تعرفون شغلكم مارفضتوا تشتغلون لي لكنكم تبون اللي مثل الصراف يدفع وماينطق +1



up 2 down 0
جاسم 12 -251
قبل 10 سنه



فلتر المكيف اول ما تشيك عليه
و علامه تغييره المكيف تبريده بالنهار اضعف من الليل
كل سنتين او ثلاث يتغير حسب الاجواء بالمكان اللي تستخدم السيارة فيه


up 1 down 0
أبو نجوى 2442
قبل 10 سنه



المفروض ماتغسله الا بالموية فقط اما البنزين والمواد الاخرى قد تزعجك بالريحة والضرر والاخطار الصحية.


up 1 down 0
iadnuyh 842
قبل 10 سنه



ههههه يالطيب انا معي افيو ٢٠١٣ من طلعتها من من باب الجميح فكيت الفلتر وعطيته واحد جاي يبي يشري فلتر قلت هذا مجانا 

وخليت الموتر من غير فلتر يجيك هوا قوي صح صح 
لكن اذا صار غبار الله يعينك


up 0 down 4
abood-111111 244
قبل 10 سنه



صادق ياصاحب الموضوع شرينا كامري 14 وأول ماطلعنا الموتر 
وتكييفه تعباان لدرجة نحطه على الدرجه الأخيره ويالله يبرد 
رحنا الوكاله واعطوناا موعد بعيد شوي مرينا الصناعيه 
رحنا كذا محل وكلا يفتي من راسه اللي يقول فريون 
واللي يقول كومبرسر والسياره توها جديده إلا واحد قال 
غيروا فلتر المكيف شريناه الظاهر ب 100 ريال 
والآن الدرجه الثانيه فعز القايله ثلج ماشاء الله .


up 0 down 0



طيب واللي سيارته مافيها فلتر مكيف والدفع ضعيف وش يسوي ؟ 


up 1 down 1
عبدالله 78 184
قبل 10 سنه



فعلا الفلتر يفرق كثير جدا
بالنسبة لي صرت أخاف أحسد المكيف من الفرق


up 0 down 0
بياع حراجات 870
قبل 10 سنه



طريقة صح بس او انك مزوده بعد مانشف وجايب داوني حق الملابس ومعبيه في طشت الغسيل وحاط الفلتر فيه لمده 3الى 5 ساعات على شان ريحت البانزيل اذا شغلت المكيف انا سويت الطريقه في سياراتي وكل ماشغل المكيف تطلع ريحت بانزيل خفيفه بس مزعجه وسويت حركت الداوني وضبط اشغل المكيف تطلعلي ريحت داوني واستمرت تقريبن الى عشر ايام ثم اختفت جميع الروائح
اتمنى اني افتكم الله يوفق الجميع


up 1 down 0



عبدالله. ...

تحتاج غسيل لثلاجه المكيف... غالبا غالي لانه يحتاج فك للطبلون.. لكن بعض السيارات ما يحتاج والبعض سنظفه مكانه

ابحث في اليوتيوب عن

cleaning ac evaporator ......l

مكان النقاط اكتب اسم سيارتك


up 0 down 0
asalami 2179
قبل 10 سنه



اخوي عبدالله 78 
شوف هذا المنتج تنظيف المكيف رقم الاعلان في موقع حراج 8959341
واعطينا وش يصير معاك 


up 0 down 0
aburakan9479 148
قبل 10 سنه



طيب ياشباب لو الهواء بااارد لكن ضعيف ولايوجد فلتر للمكيف ... وش ممكن يكون السبب؟؟ وصف الحالة بالضبط اني اذا شغلت المكيف يجيني هواء بارد ودفع قوي لكن بعد عشر دقايق او حولها يبدأ يضعف الهواء الي ان يصير شبه معدوم لكن البرودة تضل كماهي باااردة ... احد عنده علم في المسألة .. السيارة باترول موديل 91


up 1 down 0
turkiq 178
قبل 10 سنه



السيارات اللي ما فيها فلتر تنظف ثلاجة المكيف
و الافضل فكها و تنظيفها لان بعضهم ينظف الثلاجة بدون فلتر
انا ما جربت لكن عندي نفس المشكلة بالناتيفا يبرد المكيف بالليل ثلج
و بابنهار لازم على رقم 2 او 3


up 0 down 0
أبو نجوى 2442
قبل 10 سنه



تحياتي لك ومشكور


up 0 down 0
مطيرجي 5 -1
قبل 9 سنه و 5 شهر