أضف سؤال أو موضوع جديد          

احدد اسباب ضعف هواء المكيف .

up 9 down 2
دحوم236 106
قبل 2 سنه و شهر



السلام عليكم ورحمه الله وبركاته .


انا انسان كنت اعاني من ضعف هواء المكيف رغم انه بارد لكن هواء ضعيف .

رحت المحلات الي يتفلسف ويقول مروحه والي يقول عب فريون رغم اني معبيه من شهر .

رجعت البيت وبحثت باليوتيوب طريقه فك فلتر المكيف . طبعا سياره الافيو ينفك عن طريق فك الدرج وتحصله مباشره


غسلته في بخاخ Acdelco وبنزين 95 وبمويه وحطيته على السطح ينشف ورجعته

حطيته ثاني يوم ولا المكيف صار ثلجججججج والله خفت احسد نفسي .. طبعا ثاني يوم بدلته بجديد وكاله لأن التنظيف كانت فقط تجربه وصار ابرد بعد وهواء اقوى

عموما قبل لا تروح الورش ويفتي ويسوي تجربه على موترك تأكد لأن يمكن حلول بسيطه وتدفع الاف .

بالتوفيق .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقت الورش اذا شاف سيارتك مايفكر كيف يصلح يفكر وش القطعه اللي تضمن له اكثر فلوس
وبعدين وهو يصلح ينظر وش يمديه يخرب
عشان ترجع له
وتدفع
طبعا الاغلب مو الكل ومايحبون اللي ينشب لهم ويدفعهم قيمة الاصلاح يحبون اللي يدفع بدون مايناقش واذا قابلهم شخص حقاني وياخذ حقه مستحيل يشتغلون له تلقاهم يصلحونها وخلاص ماعد يقبلون يشتغلون له مثل ماحصلي مع ورشتين بالمدينة رفضوا يشتغلون لي بسبب اني حملتهم قيمة بعض الخرابات وقلت لهم انتم لو تعرفون شغلكم مارفضتوا تشتغلون لي لكنكم تبون اللي مثل الصراف يدفع وماينطق +1



up 2 down 0
جاسم 12 -244
قبل 2 سنه و شهر



فلتر المكيف اول ما تشيك عليه
و علامه تغييره المكيف تبريده بالنهار اضعف من الليل
كل سنتين او ثلاث يتغير حسب الاجواء بالمكان اللي تستخدم السيارة فيه


up 1 down 0
أبو نجوى 2430
قبل 2 سنه و شهر



المفروض ماتغسله الا بالموية فقط اما البنزين والمواد الاخرى قد تزعجك بالريحة والضرر والاخطار الصحية.


up 1 down 0
iadnuyh 842
قبل 2 سنه و شهر



ههههه يالطيب انا معي افيو ٢٠١٣ من طلعتها من من باب الجميح فكيت الفلتر وعطيته واحد جاي يبي يشري فلتر قلت هذا مجانا 

وخليت الموتر من غير فلتر يجيك هوا قوي صح صح 
لكن اذا صار غبار الله يعينك


up 0 down 4
abood-111111 243
قبل 2 سنه و شهر



صادق ياصاحب الموضوع شرينا كامري 14 وأول ماطلعنا الموتر 
وتكييفه تعباان لدرجة نحطه على الدرجه الأخيره ويالله يبرد 
رحنا الوكاله واعطوناا موعد بعيد شوي مرينا الصناعيه 
رحنا كذا محل وكلا يفتي من راسه اللي يقول فريون 
واللي يقول كومبرسر والسياره توها جديده إلا واحد قال 
غيروا فلتر المكيف شريناه الظاهر ب 100 ريال 
والآن الدرجه الثانيه فعز القايله ثلج ماشاء الله .


up 0 down 0
ابو فيصل 12 0735 215
قبل 2 سنه و شهر



طيب واللي سيارته مافيها فلتر مكيف والدفع ضعيف وش يسوي ؟ 


up 1 down 1
عبدالله 78 184
قبل 2 سنه و شهر



فعلا الفلتر يفرق كثير جدا
بالنسبة لي صرت أخاف أحسد المكيف من الفرق


up 0 down 0
بياع حراجات 873
قبل 2 سنه و شهر



طريقة صح بس او انك مزوده بعد مانشف وجايب داوني حق الملابس ومعبيه في طشت الغسيل وحاط الفلتر فيه لمده 3الى 5 ساعات على شان ريحت البانزيل اذا شغلت المكيف انا سويت الطريقه في سياراتي وكل ماشغل المكيف تطلع ريحت بانزيل خفيفه بس مزعجه وسويت حركت الداوني وضبط اشغل المكيف تطلعلي ريحت داوني واستمرت تقريبن الى عشر ايام ثم اختفت جميع الروائح
اتمنى اني افتكم الله يوفق الجميع


up 1 down 0
العنزي ابوسامي 1
قبل 2 سنه و شهر



عبدالله. ...

تحتاج غسيل لثلاجه المكيف... غالبا غالي لانه يحتاج فك للطبلون.. لكن بعض السيارات ما يحتاج والبعض سنظفه مكانه

ابحث في اليوتيوب عن

cleaning ac evaporator ......l

مكان النقاط اكتب اسم سيارتك


up 0 down 0
asalami 2027
قبل 2 سنه و شهر



اخوي عبدالله 78 
شوف هذا المنتج تنظيف المكيف رقم الاعلان في موقع حراج 8959341
واعطينا وش يصير معاك 


up 0 down 0
aburakan9479 150
قبل 2 سنه و شهر



طيب ياشباب لو الهواء بااارد لكن ضعيف ولايوجد فلتر للمكيف ... وش ممكن يكون السبب؟؟ وصف الحالة بالضبط اني اذا شغلت المكيف يجيني هواء بارد ودفع قوي لكن بعد عشر دقايق او حولها يبدأ يضعف الهواء الي ان يصير شبه معدوم لكن البرودة تضل كماهي باااردة ... احد عنده علم في المسألة .. السيارة باترول موديل 91


up 1 down 0
turkiq 158
قبل 2 سنه و شهر



السيارات اللي ما فيها فلتر تنظف ثلاجة المكيف
و الافضل فكها و تنظيفها لان بعضهم ينظف الثلاجة بدون فلتر
انا ما جربت لكن عندي نفس المشكلة بالناتيفا يبرد المكيف بالليل ثلج
و بابنهار لازم على رقم 2 او 3


up 0 down 0
أبو نجوى 2430
قبل 2 سنه و شهر



تحياتي لك ومشكور


up 0 down 0
مطيرجي 5 -1
قبل سنه و 6 شهر