أضف سؤال أو موضوع جديد          

السلام عليكم .. ممكن تتفضلون ..

up 5 down 0
عبدالرحمن المهل 108
قبل 8 سنه و 8 شهر



السلام عليكم و رحمة الله و بركاته ..

أخواني الأفاضل .. 
أخوكم ف الله طفيران و على قد حاله .. و عايش هاليومين على حافز .. 
و ما أدراك ما حافز .. باقي علي كم شهر و ينقطع عني .. يعني لا وظيفة
و لا ماده .. قلت خلني ياولد أستفيد على الأقل منه لو كسرة سيارة .. 
و طالعت منا و منا ودربلت من فوق رجم و لا عينت ضالتي ..
فجأة دون سابق أنذار .. و أخيراً ..
وقفت على موتر قالوا أنه 
يخدم الطفران و لا يقطعه بخط ولا يطفره قطع .. بمعنى لا فقر و لا نقر ..
هذا بعد ما شفت السيارة من خلال تلسكوب وكالة ناسا وهي بدورها أثنت عليها 
و على التقرير أعلاه .. 

أخواني بعد هذا السرد المطول ..
أنا معي ( 14 ) ألف أنشاء الله راح تكون في جيبي
إذا نزل حافز القادم ( يالله السلامة ).. 
الموتر الممدوح أعلاه من شفرولية ( أوبترا) من موديل 2005 و طالع 
بشرط يكون أتوماتيك .. 

السؤال :
هل هو فعلاً يخدم و عملي ولا يطلب قطع واجد .. !!
و هل قطع غيارة رخيصة .. !! 
و هل ينسافر عليه خصوصاً أني في الشمال و مراجعتي للرياض كثيرة .. !!
و هل هذا المبلغ كافي أم سأنتظر إلى حافز ما بعد القادم .. ( يالله دخيلك ).. !!

ثُم إنهُ .. 
جُزيتُم خيراً .. 
وبالله التوفيق . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي الشفرولية اوبترا وافيو وابيكا .. كلها من شركة دايو وحتى لو تفتح المكينة بتحصل شعار شركة دايو .. انا انصحك توخر عنها ..
شوفلك النترا الشكل القديم او صغيرة اليابان الياريس اشوفها خدومة وممتازة زود على الفلوس الي عندك ولو تتسلف .

او صغيرة اليابان الياريس


up 4 down 0
شهري 507 2305
قبل 8 سنه و 8 شهر



آخووي آبعد عنهآ و بترتآح شوفلك آكسنت موديلآت من 2006 و تحت تمشي حآلك لين آلله يرزقك ..


up 1 down 0
saeed 7 330
قبل 8 سنه و 8 شهر



گانت عند ولد عمي اوبترا وگل يوم بالورشة وآخر شي باعهـا تشليح


up 1 down 0
السلطي 1383
قبل 8 سنه و 8 شهر



تبي ترتاح من الورش موتر يكرف خذ لك كورولا راح تدعيلي انا كان معي كورولا موتر يكد وقطعه رخيصه مررره ومايصرف بنزين كثر الاستغفار وانا اخوك والله يرزقنا بالجنه يارب


up 4 down 0
نواف 2000 n -101
قبل 8 سنه و 8 شهر



يا حبيبي انتبه من (الاوبترا والابيكا والافيو) كلها من شركه دايو الكوريه
انا معي دايو الحين والمكينه ودعت ويوم رحت اسال عن المكينه قالو لي ب 3500ريال
قلت اصلا السياره ما تسوى 5000ريال لو كانت كويسه
دور لك سياره تسد حاجتك مثل كيا اوبتيما 2003_2004
اوكيا كلارس 1999_2000 او هيوناي سوناتا 2003_2004

بالتوفيق



up 1 down 0
b or not be 1423
قبل 8 سنه و 8 شهر



انصحك  نصيحة لا تقرب  الا وبترا  شوف لك اكسنت او ياريس او ايكو نظيفة 


up 2 down 0
كوكو888 561
قبل 8 سنه و 8 شهر



الله يجزاكم خير ..
إي والله .. 
خيرة يوم نزلت موضوعي ..
و لاكان آخذ ها العلة .. اللي ما به أحد مدحه .. 
أنرتوني بردودكم .. الله يبيض وجيهكم و يسدد خطاكم .. 


up 1 down 0
عبدالرحمن المهل 108
قبل 8 سنه و 8 شهر



ما لك إلا الأكسنت 

معي اكسنت 2005 شاريها على ايام 2006 وحتى الآن وهي معي رغم اني اقطع بها مسافة 120 كيلو اسبوعياً وحتى الآن 

والله يرزقنا وياك من واسع فضله 

بس نصيحة محب لا تيأس في البحث عن وظيفة 
 
انا جلست سنة ونص وانا أقدم منا ومنا 

ودخلت دورة حساب 6 اشهر 

ودرست اهليه لعدة اشهر 

والحمد لله رزقني الله بوظيفة حكومية بتوفيق من الله 


up 1 down 0
abo mbark 613
قبل 8 سنه و 8 شهر



اشووف انسب شي أكسنت 


up 1 down 0
ss 2007 1799
قبل 8 سنه و 8 شهر




الله يجزاكم خير ..


و البحث هذا انا ابحث من سنين ..




س البلا و المصيبة لا صرت في قرية لا فيها جامعة و لا كلية .. بس أشوى من تالي أفتحوا عندنا معهد ثانوي صناعي وأبي ادخل دبلوم كهرباء الترم الثاني و بالله التوفيق ..








up 0 down 0
عبدالرحمن المهل 108
قبل 8 سنه و 8 شهر