وزنية ديلكو

والله الكابرس معقد شوي الديلكو حقه بس دور ورشه فيها اتراك واوزن على الشرط اهم شي يعرف يوزنه على بستم 1 يعني يعرف رقم البساتم ويفك بوجي 1 ويدور بكرة عامود الكردان لين يطلع البستم فوق وعلى حسب المعلم يوزنها صح بحيث تكون السياره خفيفه بالقومه وخط ولا تسخن في السرعات العاليه لنه بعضهم يفتح الوزنه مره وتكون قويه بالقومه والخط بس ماتقدر تواصل تسخن السياره بالسرعات العاليه 

لامعقد ولا شي الديلكو مايبي له شي وترى له قطعه (الشاكوكش) دايم تخرب فيه
الديلكو لاتزونة الا اذا العزم خاق مرة يعني السياره ماتمشي فوق 160 او ماتشتغل من اول دقة زي كذا

نصيحه اخوي اتركك من الورش مافيهم احد صاحي
اهم شئ في وزنية الديلكو يكون الموتر محتمي يعني ماشي مشوار ثم اوزنه على الوسط بعدها ابدا فره باتجاه عقارب الساعة
على شوي شوي لين تسمع صوت المكينه مرتاحه يعني لامسرعة ولا مكتومه مثل صوت النفس
بعد كذا عطه دعستين وطفه ثم خله دقيقه وشغل ان اشتغل من نقره وزنيته تمام واذا عض معناها توه يبي وزن
والوزنيه عموماً تعتمد على صوت المكينه والإنسان مايخلق متعلم يعني مره مرتين وتضبط معك
الشغل ماتبي ورشه والا مهندس متخصص هذا كابرس اسهل مابه شغلته
وماحك جلدك مثل ظفرك،،،،،وسلامتك اخوي،،،