أضف سؤال أو موضوع جديد          

بعض الكائنات الغريبه في الموقع.

up 29 down 4
sultan-07 2445
قبل 6 سنه



بسم الله الرحمن الرحيم
السلام عليكم ورحمة الله وبركاته

يا اخوان انا عندي مشكله مع موقع حراج..

عندي سيارة عرضتها للتنازل قبل فتره بسبب مشكله 
في العمل وحاولوا ينقلوني من مكاني اللي انا فيه وبتروح
عليه بدلات باكثر من قيمة القسط..المهم ما نقلت الحمد
لله لكن نفسي عافت السياره وصرت متخوف في اي لحظه
ينقلوني..

مالكم في الطويله..
يوم كنت عارضها للتنازل اكثر اللي اتصلوا فيني يبغون 
يخلصونها كاش..!!

الآن عارض السياره للبيع كاش واكثر اللي كلموني يبغونها
اقساط ههههههههههه
والمشكله ما احد صمل منهم..!!

يضيعون وقت بسومات كذابه وماخذين الموقع طقطقه

__________________

شخص راسلني يقول كم السوم وكم حدك
موتري مسيوم ب105..

اخذ واعطى معي في الكلام وسألني عن الموديل رغم اني 
مسجله في الاعلان وطلب مني صور وانا منزل حوالي 15صوره

وفي الاخير يقول بتبيع ب80..!!!!!

شخص آخر كلمني جوال يقول السياره ماهي مرغوبه 
ورخيصه...
طيب يابن الحلال ماهي مرغوبه..تدق عليه ليه دقوا لحيك..

الله يعين على بعض الاشكال اللي موجوده في الموقع
وياليت الشخص قبل يرد يفكر انه اقسم يكون جاد واقسم
على عدم البخس...

دمتم في رعاية الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله ييسر امورك

، بس اعجبتني ( دقوا لحيك ) هههههههههههه



up 0 down 0
احمد204 53
قبل 6 سنه



كلامك صحيح لو عرضت سلعه الاغلب حب استطلاع وسوالف واحد جاني للبيت علشان سلعه وبعد المفاوضه ماشرى قالي فاضي قلت 
ليه قال فيه واحد عارض غنم تخاويني وهو اول مره اشوفه قلت لاوالله مشغول الله معك 


up 1 down 0
reduces 171
قبل 6 سنه