تهريب زيت مكينه من الصوفه الاماميه

صوفة المكينة الأمامية أهون من الخلفية. تقريبًا يطلبون شغل يد200 - 300. كل ما في الأمر فك السيير ثم إزالة بكرة الكرنك بالزرقينه وتشيل البكره وتركب الصوفه بي لقمه مساويه لشفه الصوفه وتقنن كويس وتضرب بي الشاكوش حتا تسمع صوت طق بس يكون ضرب مقنن ومساوي لاقوي ولا ضعيف السعر ترا للخلفيه يوصل 600 و 800
الورش ماهي مثل اول ارتفعت صراحة بشكل كبير بسبب الايجارات وانا اشوف انك تلف ع كم ورشة وخل نظامك اذا رحت لورشه قلهم انا والله ادور افضل وارخص ومريت كم واحد قالوا لي حدود 250
انت كم بتعطيني وشوف كم يعطيك
انا يوم كنت بغير صوف ورمانات العكس
ابتدأت الاسعار بـ 400
ورحت لواحد ثاني قال 300
رحت للثالث والرابع قالوا 250
الاخير بالمكاسر وتقطيع كلام قال 200
موفق واخر الاعطال.

الله يعطيك العافيه ياجاسم ردك كفى ووفا بكره نشوف الورش مير الله يعين الحفريات هادي هيا السبب حسبي الله عليهم

لك كل الشكر والتقدير ياجاسم

العفو. ...... ماسوينا شي

انا مغير صوفة خلفية وصوفة كرنك وصوفة طرمبة الزيت مع الربلة مع ربلة العيار وطبات الموية وسير تايمن مع الشداد وصحن كلتش كلهم ب700 قبل تقريبا 3 شهور

تغيير الصوفه الخلفيه ب 1500 ريال

مين قالك ب 300 ريال

وانت يا

mahamad alyazal
حدث العاقل بما يعق

ايش الي ب 700

لا يكون راكب دباب انت ؟؟


واذا انت صادق عطنا اسم الورشه عشان نروحله او رقم تلفونه

لاني ما احب الكلام الي بالهواء

ي متابع وش جاب الصوفة الخلفيه حنا كلامنا عن الاماميه.

جابها يا جاسم ان صاحب الموضوع تكلم عنها بمعلومه غير صحيحه ويقول ان تغييرها يكلف 300 ريال

وحبيت اصححله فقط