مشكلة صوت التكايات بمكاين الشفر ومطلوب ورشه بالرياض ثقه

و عليكم السلام ورحمة الله وبركاته

انا اشوف انك ما تسوي شيء ولا تلعب فيها 

صوت التكايات خصوصا موديلات 2007 و طالع موجوده بشكل خفيف ما تسمعه الا لو فتحت الكبوت

يعني والسياره شغاله وواقفه عند الكبوت ما تسمعه لازم تفتح الكبوت عشان تسمعه

اذا هذا الموجود عندك لا تسوي شيء ولا تخسر نفسك الصوت طبيعي

صحيح المكاين الجديده لما تفتح الكبوت تحسبها ديزل زي بعد مكاين الفورد الجديده..
لاكن السياره موديلها 2004 والمكينه LS1 
الصوت واضح من جنب السياره تك تك تك 
وماهو طبيعي لاكن خفيف 
وحبيت اتدارك المشكله واذا فيها خساير نخليه لان مابيضر الا على المدى البعيد

ما فيها اي ضرر خله عندي باللومينا من شريتها وهي كذا واللحين ماشيه 300 وعليها 

ولا زاد الصوت ولا شيء اسمعه فقط لو فتحت الكبوت 

بعدين لازم تسمع صوت وش تبي مكينه وش كبرها شغاله بدون صوت نهائيا ما تجي 

لازم فيه صوت بسيط 

الصوت زي هذا بالضبط 
https://www.youtube.com/watch?v=y6o5MAbomRw

احيانا تسجيل الصوت ما يعطيك الصوت بقوته الحقيقية يعطيك اعلى او اقل من الواقع

ولكن لو كان بالواقع هذا الصوت بنفس هذي القوة اللي تسمعه فهو عالي ومزعج و يكون فيه مشكله

لكن بالغالب يكون الصوت على الواقع اقل من كذا بكثير

صحيح اللي بالمقطع عالي جدا 
لاكن بالواقع اقل لاكن مسموع وواضح
عموما الله يعطيك العافيه وشكرا ع تجاوبك معي
وبأنتظار اراء الاعضاء و ورش ممكن نمرهم وناخذ العلم الاكيد 

ب الله عليك ب تفك كتارتير وصدر مكينة علشان ربله !!

انا كان عندي هادي المشكله بدات خفيفه لاني كنت استخدم زيت ثقيل 

ف بدء الصوت مع مده على خفيف الين ماسرت تسمع صوت السبايك تضرب ف بعض وصلت لمرحله انها سارت تتكتك وتلقلق 

وكثير قالواي جلبه ب الاخر طلع طرمبه وغيرتها جديده وحطيت زيت خفيف والحمد الله سلمت المكينه 

سيارتك كم ماشيه ف الغالب سيارات الشفر بعد 150الف كيلو لازم تخرب يالطرمبه ياتنشف الجلده وهاده عيب مصنعي من 200الى 2010والان تفادو الخطاء وعدلو 

وسعر اليد خرافي 250بس انا احد عليا شعل يد تقريبا 800ريال من غير القطع واغلب الورشات الي لفيتها نبغا1200شغل يد !!

ف انتبه انصحك تغير الطرمبه والجلده كامله الطرمبه تقريبا 300والجلبه تنباع لحالها اصليه ب 30او 40ريال زخد اصلي ونصيحه حط زيت خفيف خلك على 10-30ممتاز بترومين او كاسترول او موبجيني او موبيل 1كلها ممتازه موفق خير ..

معليش على الاخطاء الاملائيه اكتب ب سرعه^♡

يارجال ماحد يدقق على الاخطاء الاملائيه اهم شيء مضمون الكلام
بالنسبه لفك الكاريتر مايحتاج فك صدر المكينه
وكلها كم مسمار وينزل ويطلع الشفاط حق الطرمبه وتتغير الربله على ماشفت من مقاطع
والله ييسرها 
اجل نغير الزيت ل 10@30 ونشوف

لا مانصحك تغير الزيت دحين راح تزيد المشكله وتخرب انا انصحك غير الطرمبه مرا وحده دام قربتها علشان تضمن الشغل وبعدها حط زيت خفيف لان يمكن لا سمح الله يطلع العيب مم الطرمبه وتتبلش وتخسر عيد التفكير والله ييسرلك

انا شريت شفر سوبربان وسالت الرجال وش تحط زيت قال 20-50 على طول غيرت اس ديلكو 10-30 ولا اروع صوت المكينه خف والحين مشيت على الزيت الف كيلو ولا صار شي الحمد لله الموتر شاريه جديد

الصوت معك دايم  ولا بس بدايت التشغيل 

عمومن انا يمكن ماارد عليك بكره لكن خذ التجربه هذي  حصلت لي بلومينا ss v8 2004  صوت تك تك تك الصوت مستمر معي سوا بدايت التشغيل  او معي دايم  غيرت طرمبه الزيت بحكم ان السياره معدله ركبت لها طرمبه زيت اسكلد  وغيرت الربله والشخال وغيرت الزيت والسيفون اصلي gm  وراح الصوت  اختفى 

 الصوت هذا من طرمبه الزيت  هذا اذا الصوت مستمر اذا كان في بدايه  التشغيل ويختفي لا تعب  نفسك وتخسر نفسك  الصوت طبيعي 

لا الصوت دائم ومستمر 

اشكر كل من شارك معي
هاليومين انشغلت بالسياره ولا فضيت اخش الموقع
ياخوان حصلت عندي مشكله ثانيه
ياليت اللي عنده الافاده يفيدنا وماقدرت اطرح موضوع
الباب الامامي حق الراكب مايفتح نهائيا .. البته
وديتها المحلات 
الكهربائي يقول رح لسمكري
والسمكري يقول رح لكهربائي
مرييييييت نص الصناعيه ولا احد افادني
اللاصبع اطلعه ونزله ولايفنتخ الباب
ولاحد يحل المشكله لان الباب مسكر ولا حد يقدر يفك ديكور الباب 
وش الحل ياخوان 
والله بلشت