ما هي العدسات الأفضل لأنوار الزينون ؟

كيف حاط العالي اقل. من الواطي 

مفروض 55 العالي والواطي 35 

العدسات اللي انت مركبها تجاري

ركب اصلي هيلا 55

او راسل محمد الغامدي

المحترف

ويعلمك بافضل العدسات

والله يوفقك

لاتراسل المحترف ولا شي 

انت يبي لك إعادة ضبط وتهيئة 

اللحين 

بخصوص العالي أفضل جهاز له الهيلا الجيل الثاني 
+
لمبات اوسرام معدله ....

كامل الاضاءه من اول ثانيه ....



بخصوص الواطي انت وميزانيتك 

العدسات من الأفضل الأقل  راح ارتبها لك 

واحتمال بعضها يركب أو لاء 

1/ rx350  عالي وواطي سعرها ب850 تقريبا 

2/ fxr الجيل الثالث 3.0  سعرها 450 

3/ هيلا e55 وسعرها حدود 450 كذلك 

4/ Q5 

جميع العدسات المذكورة فوق مقاس اللمبات d2S 
وسعر الاوسرام تقريبا 300 ريال للطقم 

شغل يد بحدود 500 ريال 

وإذا احتجت شي تعال خاص 

الاضاءة كيف مكسرة يعني تقصد النور متشتت ولا تقصد في كسرة في النور يعني زي حرف v ولا احد فوق واحد تحت ولا كيف بالضبط اعطينا وصف دقيق
بالنسبة لتغير العدسات مررره مالها داعي اذا كانت العدسة خط واحد اذا كانت خطين ممكن نعيد النظر 

و عليكم السلام و رحمة الله و بركاته
يالغالي أنا أيام الدراسة هناك رحت للوكالة بغير عدسات سيارتي جيب هيونداي سانتافي و طلع سعرها غالي تقريبا الواحد بألف و غضيت النظر، و بحثت بالنت و لقيت بأقل من نصف السعر و شريتها و للأسف طلع النور مكسر و كنه فيه خطوط و اللي بين الخطوط مظلم ما يفرش الخط، سألت الخبراء هناك قالوا هذا مثل التجاري عندنا ، شغل مش حالك ، بالتوفيق لك

بالنسبه للنور اللي عارضه ما يركب له عدسات لأن الجرم لثبته في العدسه اللي معه

تبي اضاء ممتازه وعندك ميزانيه ركبها على حقة الوكاله 
ركب عدسات الأتش ون السوبر 3 أنش في العالي وفي الواطي راح يكلفك بحدود 4000

النور أفضل له درجة لون 4300 كلفن
وما فيه محولات تكشح على طول لا فكسار ولا غيره  
المميز في المحولات الأصليه 
الدينسو والهيلا والمتسوشيتا  أنها تحتفظ بشحنات كهرب بحيث أذا كشحة من اول مره ويتفرغ الكهرب اللي فيها 

وعليكم السلام ورحمة الله وبركاته 

.. أخوي الغالي وش الزينون الاصلي اللي أنت مركبه !

ثانياً بخصوص الزينون الاصلي والتسخين .. على حسب اللمبه والمحول 
وظيفة المحول يعطي اللمبه الطاقه كامله
نجي لدور اللمبه - اللمبه تعطيك اللون المطلوب والكشحه المطلوبه يعني بسرعه
يعني اذا تبي الكشحه تكون سريعه ايضاً اللمبه لها دور لازم تكون اصليه
وبعدين 3 ثواني انا اشوف انها سرعه قياسيه


مثلاً انا مركب محولات ديسنو الجيل الثاني .. ولمبات كوري - لابد من التحميه ايضاً مايقارب 3 ثواني مثلك

بالنسبه للعدسه انا اشوف أن افضل عدسه هي عدسة الهيلا .. وضوح كت اوف ازرق ، ايضاً العالي جداً جبار
وكلها بشمعه وحده يعي اذا شغلت العالي بيكشح معاك بسرعه فائقه ما يحتاج تحميه لانها هي لمبه وحده للعالي والواطي
ويوجد فاصل في حال انك تبي العالي الفاصل يفتح 
وممكن تستغني عن عالي الوكاله

العدسه e55 او اسمها هيلا

بالنسبه لطريقة التركيب صعبه شوي .. هذا مقطع فيديو .. لعدسة الهيلا على دينالي شوف الاضاءه 

https://www.youtube.com/watch?v=yJPjvvbUCRI

من ميزة العدسه هذي .. أنها تركب عليها لمبات اصليه .. اغلب الشمعات مايمديك تركب عليها لمبات اصليه

موفق ياغالي 
وبالنسبه للمحولات ، اذا تبي محولات الهيلا .. ممكن اوفرها لك بسعر طيب ..

بالتوفيق ..

عادل جابك الله 


تعال ابي طقم هيلا كم توفره لي 


ههههههه

بارك الله فيكم ياشباب على التوضيح والمساعدة السريعة ربي يسعدكم

طيب انا الأن لو قلت خلونا على عدسات الهيلا HELLA E55 الخاصة بالمرسيدس 
هل تركيب على الشمعات التجاري الي معي ذي ؟؟

طبعا انا ادري البعض بيقول ما تنفع والأفضل تركيب تبع الوكالة !! انا يا شبابا ما شريت هذي الشمعات المزيونة عشان اركب زينون بشمعات الوكالة
مثل منتم شايفين شمعات الوكالة شوي احس شكلها مو مقنع مع انوار الزينون ! وودي اغير من شكل الشمعات وهذي اشوفها بشكل جمالي افضل من شمات الوكالة
ونفسي اركب الزينون على هالشمعات التايوانية 

لما ركبت العالي 35 واط طبعا صاحب المحل نصحني بمحول VXR حسب كلامه ومكتوب على المحول تويوتا vxr وركب لي لمبات 35 واط يقول افضل 
الواطي ركب لي محول كوري مدري تايوان ولمبات 55 واط وهذي نصيحته في التركيب 
ومثلكم عارفين لما ينصحك شخص بتتبع نصحه لأنه افهم منك في هالموضوع .. ولأنه في محل ويركبها باستمرار طعت شورة 
ولو دريت انها ما تنفع وكلفتني الشغلة الفين ريال مع الشمعات كان من اول اختصرتها ولا ركب زينون الا بشمعات شد بلد عند المحترف .. مع اني مريت المحترف السنتين الماضية وكل ماروح لمحله الاقي زحمة .. تنسد نفسي واروح 
الأن انا بالرياض والمحترف بالباحة يعني مانيب رايح له الا مع الصيف القادم ان الله احيانا وكتب لي صحة وعافية 

بخصوص الشمعات واللمبات 
احتاج بس تدلوني على نوع العدسة + نوع اللمبة الداخلية
انا ماعندي مشكلة ممكن اشتريها من مواقع اكسسوارات متخصصين في العدسات واللمبات من امريكا او من موقع امازون او اي موقع مختص في هالامور بجيبها منهم 
بس ودي اعرف وش النوع الي مطابق مع شمعات سيارتي !!
عجبتني حقت المرسيدس HELLA E55
بس فيه شغلة ثانية !
ابغاها تكون خط للعالي و خط للواطي يعني كل خط بلحاله مابيهم لمبة وحده بخطين (( هذي وش تنصحون فيها ؟؟ ))
اذا ما تنفع انصحوني بالخط واحد وش اخر فيهم ؟
ايضا احتاج تعلموني من الشخص الي يركبها في الرياض ( شرق الرياض ) اذا فيه شخص مختص فيها ؟

واذا سعرها مناسب هنا سواء اللمبات او العدسات عطوني خبر بسعرها ربي يسعدكم 
اهم شي احتاج كتابة اسم النوع بالعربي او الانجليزي عشان ابحث عنها في المواقع المختصة لأني بطلب اغرض من برا بحدود 7 الاف ريال وبالمرة بطلب معها العدسات والمحولات واللمبات اذا سعرهم مناسب 

مدرس عاطل 
مشكور على المعلومات :) 
اتمنى تفيدني عن Q5 !!!! وش وضعها ؟؟

وياليت تدلني على المكان الي بركبها عنده ربي يسعدك

ي طويل العمر واحد مم الشباب معه دينالي 2010 
طلب طقم fx-r من امريكا وطقله اصطبات من التشاليح
وخلا اسطبات الوكاله بالبيت ورهم ع الي شراهم محولات
الانفنتي ولمباتهم وفيه واحد بجده يبيع لمبه اصليه معدله قاعدتها
يعني يعدل المحول واللمبه يصير زيه زي حق الوكاله بلمحه كشح
وانا مسويها بموتري معدل المحول ولمبات d4r ع قاعده لمبات 
9005 وماشيه معي زي الحلاوه كلفتني 1300 مع الشحن لجده

ركبت عدسات لكزس rx قويه لكن بيضاء عادية

ركبت عدسات E55 قويه والوان الطيف ماشاء الله وممتازه بالعالي والواطي




ركبتها عند التمران 2 البرنس


ملحوظه بعد سنتين صار نفس مقاس العدسه طابع على الشمعه الخارجيه وخف النور فالحل يكون بنوع تجاري ترمي الشمعه وتركب القزاز الخارجي فقط

ايضا تركيب العدسات اذا كان غير مثبت بشكل صحيح فالجلد او الحفر او عيون القطط يرمش
بشكل عام العدسات الاصلية والزينون الاصلي متعه السفر والقياده بالليل .,,

بارك الله فيك على هالمعلومة

اجل كذا بركب عدسات Q5 بعد ما بحثت لقيت عليها مدح 

الان احتاج من يركبها وانا بطلبها من امريكا 
اهم شي يا اخوان دلوني على من يركبها بسعر مناسب ما يلزخ بالسعر
1- تلفونه
2- موقعه 
3- اسمه

طبعا بالرياض .. واذا فيه شرق الرياض يكون افضل

احتاج نفس الشمعات هذي وفين ممكن تحصلها