قصة عشق لا يفهمها إلا من أقتناها .. بالله عليكم يا أهل الشفر

وعليكم السلام .

حبيبي المواتر تختلف اسعارها باختلاف نظافتها يعني ممكن تحصل 90 ب30 الف وممكن تحصل 90 ب3 الاف مثال يعني

حسب نظافت الموتر لاكن خل معك من 18 الف وتحت بتلاقي النظيف . والله يرزقك .

هلا بك اخوي الغالي
الكابرس سياره (الخليج) الرسمية بلا منافس ماعليها غبار
استخدمتها في كل المجالات واذا ماكانت زينة في محل فاعرف انها ماهي شينة
رساوة + قوة + امان ( حتى بالقديم اللي مافيه لانظمة ولا ارباقات)
قطع رخيصة وانواعها كثيره وماينقطع منها شي اصلي امريكي تجاري
بس البعض يشتكي منه يقول حرارة واللي يقولك يهرب هوى بالخط
واللي يقولك يسحب بنزين
والله ياخوان اللي يركب اصلي (غير موجود بالسوق حاليا) انه مايندم
عندي موتري كابرس 1988 كربريتر والله ماحط له الا زيوت وفلاتر كل فتره
والبنزين 95 اعبية فل 45 لمده اسبوع يكفيني دوام وطلعات العصر
هذا ان دل على ان الامريكان يوم صنعوه كانو ( يطحنون من مطاحين هتلر هههههههههه)
الاسعار تاخذ من 3000 الى 30000 الف على حسب النظافة وانصحك بمواتر الحسا دامك بالشرقية
الدمام كله مواتر اهل القطيف وناس ماعندها ذمه ولا ضمير
والفحص رح لصناعية الدمام الخضرية وافحص عند اي ورشة ترى مو مهم الورشة تكون معروفة وكذا
اهم شي الشغل الزين وانها تكون بعيده عن المعارض عشان الشريطية

الله يجزاكم خير ..
والله أني أستفدت مما كُتب في أعلاه .. 
جعله الله في موازين حسناتكم ..

خد نصيحه من مجرب وراعي شفر 

انظف كابرسات في الطايف واسئل عشاق الكابرس 
وبالنسبه لئسعارها يعني تلقى نظيف بال20 وحولها

مشكور اخوي ..
لم يسبق لي زيارة الطائف .. 
بس وش أسم معارض الطائف .. وش الفحص المتخصص فيها ..!!
و تنصحني يعني أروح للطائف أفضل من الشرقية !!

اذكر في معرض من زمان مشهور بالطايف ( اسمه معرض السلطان )
اثنين من اقاربي اشتروا كابرس ٩٠ قمة النظافة 

لكن الكلام ذا يمكن قبل ٨ سنين 

يعطيك العافيه و يجزاك الجنة

والله شف اخوي النظافه على قد فلوسك فيه واحد شفته من كم اسبوع في معارض صفوى بالشرقيه كابرس 90 ب 60 الف _ فيه نظافه ما شاء الله تبارك الله 
لدرجة ان لمعان المكينه من جوا نفس اللمعان الخارجي للبدي وانا توي شارلي واحد 89 نظيف من سيهات 

الطايف لا تروح رح الشرقيه القطيف او الحسى افضل شي