استخدام بعض القطع المستهلكه

18 27

لايمكنك التصويت حتى الحصول على 20 نقطة على الأقل
إضغط هنا للإخفاء

التركي 1403 17
قبل 9 سنه

السلام عليكم ورحمة الله و بركاته

الاختلاف بطريقة استخدام الاشخاص لبعض القطع بالسيارات

مثلا الكفرات 

البعض يدور كفرات تخدمه اطول فترة ممكنه حتى لو كانت قاسية المهم تخدم فترة طويلة

ولكن انا طريقتي المهم كفرات لينه حتى لو عمرها قصير ماهو مشكله 

لكن ما يكون عمرها قصير وغاليه

يكون عمرها اقصر تمسح قبل غيرها ولكن سعرها معقول و بالمقابل مريحه ولينه هذا يكفيني

مثلا المساعدات

البعض يدور مساعدات بديله للوكالة و بعض المساعدات عمرها اطول من حقت الوكالة 

و لكن قاسية اكثر

وش الله حادني طول الوقت اناقز عشان عمر اطول

اخذ مساعدات لينه اكثر و مريحه اكثر لراحتي انا عمرها اقصر ماهو مشكله المهم اكون مرتاح

الفرامل مثلا

قبل فترة بسيطه بموقع حراج واحد معاه جيب لكزس اعتقد موديل 2014

نزل موضوع تشهير بواحد اشترى منه فحمات سيراميك و يقول عمرها اقصر من الوكالة

و مصور الهوبات وهي محفرة من كثر الاستخدام والفحمات منتهيه

طيب معك جيب قيمته نص مليون و ركبت فحمات سيراميك الا تبي تحلل ابوها حتى راحت كلها

و باقي تسمع اصوات وحكحكه وباقي تستخدمها و تجي تسب وتلعن وتشهر بصاحب الفحمات

اذا موترك 2014 المفروض ان فحمات الوكالة باقي ما تغيرت حقت الوكالة نفسها انتهت بسرعة معك

وش تبي فحمات تبقى معك طول العمر

حتى لو عمرها اقصر من الوكالة المهم وقتها استفدت منها و فكتك من حوادث قد تكون لو مركب

فحمات غير السيراميك كان صدمت هذي لحالها تكفي جاي يتشكى من واحد باع له فحمات 

قيمتها 300 ريال يقول راسلته عشان يرجع فلوسي وسحب علي الله ياخذ عقلك

المهم موضوع سريع و اترككم مع بعض مقتطفات سنابي وولدي العزيز

لا احد يجي ينصح ما ناسبك المقاطع قفلها واطلع
https://www.youtube.com/watch?v=Jmckt5xzPKw
https://www.youtube.com/watch?v=ZQtYcK97NxQ
https://www.youtube.com/watch?v=kbnel_q1J3M
https://www.youtube.com/watch?v=2FlZkLhATdE
https://www.youtube.com/watch?v=-GRapEgqoGE
https://www.youtube.com/watch?v=yD1Ux4aF2XE
https://www.youtube.com/watch?v=RsTzHA8BOFE
https://www.youtube.com/watch?v=zuwaSdrt1gw

إبلاغ

الردود