أضف سؤال أو موضوع جديد          

كيف تتعامل مع سيارتك اذا غرقت

up 14 down 5
هل تعلم 199
قبل 6 سنه






السلام عليكم ورحمة الله وبركاته

كيف حال الجميع ان شاء الله بخير وعافية


الحمد لله على نزول الأمطار، والله يجعلها أمطار خير وبركة ويعم بنفعها أرجاء البلاد

موضوعي اليوم يا أخواني عن غرق السيارات وبالتحديد مشكلة دخول الماء إلى مكينة السيارة ..


فأنا أقول إذا الماء دخل للمكينة في حساس في المكينة راح يطفي السيارة، في المرحلة هذه البعض يقوم بمحاولة إعادة تشغيل السيارة وهذا أكبر خطأ وهذا السبب اللي يخلي المكينة تخبط ( تخلط الماء مع الزيت) ..

إذا طفت سيارتك في الماء بسبب دخوله للمكينة فلا تحاول تشغل السيارة مرة ثانية، والواجب عليك إنك تحاول تسحبها لمكان جاف وأكثر أمان لها ..


وبعد ما تسحبها وتطلعها من الغرق توجه بها إلى الصناعية وبالتحديد إلى ميكانيكي شاطر




وخله يفك التالي/

1- رأس المكينة
2- كارتير زيت المكينة
3- كارتير زيت القير



إذا فكيت رأس المكينة خله ينظف المكينة من داخل وينظف على طريقه الأشياء التالية/

ثلاجة المكينة + البخاخات + الثروتل


وغير القطع التالية/

البواجي + فلتر هواء المكينة + زيت وفلتر المكينة + زيت وفلتر القير + صفاية البنزين


وبعد ما يطبق رأس المكينة ويركب الأغراض كاملة ، ويعبي المكينة زيت جديد خل السيارة تشتغل لمدة 10 دقائق وهي واقفه مكانها ولا تحاول تدعس على دواسة البنزين ولا شيء ، خلها تشتغل فقط لمدة 10 دقائق ..

ثم طفي السيارة وغير لها زيت ، واذهب بها مشوار بسيط دون أن تسرع عليها أو تشد على المكينة وحاول إنك تسمع إذا واجهت صوت طقطقه في المكينة أو أي شيء لا قدر الله


وغير زيت المكينة والقير مرة ثانية بعد 100 كيلو (عشان تضمن انه لا يوجد أي ماء داخل المكينة) وبعدها ان شاء الله تكون مكينتك سليمة ..


الموضوع هذا إجتهاد شخصي مني ، وقد غرقت سيارة أخي الصغير العام الماضي ودخل الماء للمكينة (كورولا 2012) وعملت الخطوات السابقة والحمد لله السيارة اشتغلت تمام وما واجهتنا فيها أي مشكلة إلى الآن ..

الخطوات السابقة قد تكلفك مايقارب ألف ريال، ولكن أنا أشوف إنك تخسر ألف ريال ولا تخسر مكينتك بسبب الإهمال وعدم معرفة التعامل معها في حالة الغرق لا قدر الله


والحذر ثم الحذر وقت الأمطار من دخول المستنقعات أو أماكن تجمع الماء ودرهم وقاية خير من قنطار علاج فانتبهوا رعاكم الله ..


أرجوكم يا أخوان إذا في نقاط انا غلطان فيها أو غفلت عنها ذكروني بها واطرحوا لنا أراءكم وتجاربكم، لا حرمكم الله الأجر والثواب


أتمنى للجميع التوفيق والله يحفظكم ويرعاكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تسلم يالغالي على المجهود الطيب و لا تحرمنا من جديدك :)


up 1 down 0
mstx05 163
قبل 6 سنه



شكرا يا صاحب الموضوع   و لكن لاداعي لفك الراس و الكارتير  اذا دخل الماء للمكينه  اللي تسوسه  تسحب السياره اقرب بنشر و غير الزيت مرتين و راح تشتغل السياره و ترجع مثل نا كانت   و هذا الشي مجرب 


up 5 down 1



معليش اعتذر منك ياخي وش هذا حساس المكينة ؟؟
اول مره اسمع به 
والسياره لما تطفي وقت المطر والسيول مو علشان حساس 
السيارة تطفي لما يغرق مدخل الهوا تحت الرفرف 
علشان كذا تشوف راعين الجيوب مركبين سنوركل لسياراتهم علشان يخشون السيول
وبالغالب المكينة بتطفي قبل حتى تدخل الموية للمكينة من الثروتل 
وحتى دخول الموية للمكينة بنسب قليلة مافيه مشكله 
انا مادري وش صار معك...  بس لظاهر طحت لك في ميكانيكي ابن حرام 


up 5 down 0
als7aimy 1176
قبل 6 سنه



انا اشوف ان فك الكارتيير يكفي فقط
و تغير الزيت لو 4 أو 5 مرات ولا تفك راس المكينة


up 2 down 0
m-baz 337
قبل 6 سنه



مشكور 

اضيف على كلامك تغيير كل زيوت السيارة زيت الدركسون زيت الجيربوكس زيت الدفرنس 
غيرها وامشي عليها شوي وغيرها مرة ثانية عشان تكون متاكد ان مافيها موية
طبعا تغيير بعد ما تنظف علبها 



up 1 down 2
برياني 39
قبل 6 سنه



مايحتاج تفك شي فقط غير زيت المكينه مع الفلتر 


up 2 down 0
abdulaziz al-malki 981
قبل 6 سنه