رأيكم يا ملاك التاهو و اليوكن و السكويا و الاكسبيدشن

نعم تنفع لكل شي هي سيارة للتنقل والسفر والمشاوير القريبة والبعيدة وحلوة ومريحة واعطالها قليلة وصبورة وخلك من اللي يقول كبيرة وبالزحمة ما تصلح هي سيارة داخل مسار صغيرة او كبيرة معي تاهو قرب علی 400000 الف ولا يحتاج الا القطع الاستهلاكية فقط ان ستر الله عليك وسلامتك

ما شاء الله يا بو سعدون
طيب و كيف صرفية التاهو يعني كم تفلله و كم بيمشي و الصيانة كيف أسعارها ربي يحفظك و موترك

انا مع كلام الاخ ابو سعدون الوالد معاه افلانش (الافلانش نفس االتاهو اللهم حوض)
والله ما شاء الله ما قصر فيه سفر وبر ويحمل علف وبرسيم  وغنم ومقاضي البيت ويوصل اخواني مدارسهم ويطلع به طعوس ويوميا يمشي مسافة 25 طريق مكسر رايح جاي 
ودخل ال400 الف وما شاء الله ما طلب الا قطع اسلاكيه وما طلب غير قطع اسلاكية بس طلع له كذا مشكلة واغلبها زي طرومبة الزيت بسبب انه كان يحط زيت ثقيل وطلعة له لمبة الايرباق وهذا عيب شائع في التاهو والسوبربان والافلانش موديل 2007 
يفلله بنزين ب70 ريال ومكتوب في الطبلون انه يمشيه 950 كيلو 

قيمة البنزين ووالكفرات والاستهلاكيات 
قيمة سيارة صغيره 

طبعا
انا اتكلم من تجربه اخوي 
معه تاهو ٢٠١٢ 
صار دافع استهلاكيات وبنزين وكفرات 
قيمة سيارة صغيره 
وفوق كذا الموتر صار ماشي ومستهلك 

واول ما طلعه ازعجته ياخذ سيارة صغيره للدوام ومشاوير الرياض 
بس سبحان الله 
بعض الناس ما يتعلم الا بعد ما ينقرص 

كل الشكر لـ ms3al و توات أرائكم مميزة
و ننتظر بقية الأعضاء يشاركونا

موضوع مميز و الله لأن كل سيارة و ليها استخدام حسب الغرض من الصناعة ان كانت عائلية و لا مشاوير كثيرة داخل المدينة و لا حقة خطوط الخ ....

و يا ريت الاخوة ملاك السيارات الكبيرة يعطونا فكرة عن اسعار الصيانة و القطع الاستهلاكية 
مع الشكر للجميع

إذا أنت بجيزان أو أبها أو الشمال السيارة الكبيره تكفيك 
أما إذا بمدينه كبرى و مزدحمه لا بد من سيارتين وحده منها صغيره للمشاوير 

و الأفضل تاخذ جيب وسط يكون لكل شيء زي الإيدج أو السنتافي 

اكلمك كمالك لسياره تاهو من 2009 طلعته وكاله وهي سيارتي الوحيده لي والعائله والاستخدام اليوم للدوام 

صراحه سياره كرف وتحمل 
صرفيتها مثل صرفيه اي سياره اخرى من ناحيه والقطع وخلافه
السياره تنفع لطبيعه شوارعنا الحفر والمطبات ومريحه في السفر 
حافظ على جدول صيانه الوكاله وامورك في السليم بإذن الله تكد وتمد معك السياره 

اي سياره تهملها ابشر بالخرابات والنكد والصناعيه رايح جاي
واي سياره تعتني فيها بتعتني فيك وتخدمك قد ما تخدمها 

الشي الكايد الي غيرته في السياره وبعد ما مشت 110 الف كيلو هي طرمبه الزيت ويقول لك هذا عيب مصنعي في هالنوع من المكينه وخويي ايضا معه واحد ونفس المشكله صارت معه على 115
كلفت 1400

والباقي استهلاكيات لكن خلني اقول لك شي ممكن تستغرب منه الفحمات الاماميه تجلس معي سنه والخلفيه سنتين وتوني شيكت عليهم قال فيهم النص 
فالحمد الله السياره اعتبرها صبوره وخدومه ومريحه وحقت بر اذا بغيت وحقت مدينه اذا بغيت وحقت سفر لكن يا تاخذ جديد او نظيف جدا اذا جيت ببيع سيارتي علمتك :)

البنزين انا اعبي 95 لاني يوم طلعتها ماكان فيه الى هو مافيه 91 الموديلات الجديده كلها 91 ويفللونها 40 اظن انا افلل 55
الفل يمشيك 700 كيلو رحت الشرقيه بنص تانكي او اقل من النص يوم وصلت كان العداد

فتوكل على الله ديرتنا ماينفع لها ولشوارعها وجوها الى هالكبار

وبعدين راعي الاكسنت يخاف يقرب منك 

legacy
بالفعل مثل ما قلت يمكن لو سيارة وسط تنفع لكل الاستخدامات بيكون أفضل

mrx15 ما شاء الله ربي يحفظك و سيارتك
شجعتني على التاهو ربي يبارك بيك