أضف سؤال أو موضوع جديد          

تاهو LS 2007 قير خربان كم يسوئ انصحوني الله يجزاكم خير

up 2 down 1
ابو عبدالله دبي 58
قبل 5 سنه و 5 شهر



السلام عليكم ورحمة الله

اخواني انا ابي اشتري السيارة للأهل والوالد أرجوكم انصحوني . 

اخواني معروض علي تاهو 2007 دبل LS , اللون ابيض الداخلي جلد اسود خليجي ،
فية مشكله في القير ، اول ماتشغل السيارة ينزل زيت من القير . 

صاحب السيارة مايعرف المشكلة ولا عرضها علا اي ميكانيكي . 

كم قيمة تصليح القير ؟ 
كم قيمة القير نفسه؟
كم قيمة الدبل لان الا اعلم هل الدبل خربان او لا ؟ 
إِيش انواع القيور الي ممكن تركب للسيارة هاذي ؟ 

كم تقدرون قيمة السيارة علئ حالتها ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


 اول ماتشغل السيارة ينزل زيت من القير ... 

معناته احد مواصير المبرد فيه كسر 

بالنسبه للتصليح انا موظب قير جمس ملكي موديل 93 ب 4 الاف ريال في ترايستار بجده 

وترا القير اذا مافيه زيت مايعشق ولايمشي انت تاكد من مبردات القير

موفق 


up 4 down 0
abdulaziz al-malki 981
قبل 5 سنه و 5 شهر



السلام عليكم 

اذا بتغير القير قيمته من التشليح حول 8 الى 9 الألف 

والتوضيب

من 5 الألف الى 7 حسب الخراب والحساسات والمركز

تحياتي لك


up 1 down 0
ابواحمد.2007 2087
قبل 5 سنه و 5 شهر



عليكم السلام ورحمة الله 
مثل ماقال عبدالعزيز اذا الزيت يهرب والسيارة 
شغاله ولا طفيتها يوقف التهريب من مواسير مبرد 
القير وهذي شغلتها بسيطة وتافه 
انت افحص السيارة وشف بنفسك السيارة تناسبك ولا لا
حنا ماشفنا السياره ولا نعرف اي شي عنها عشان 
نعطيك كم سعرها 


up 0 down 0
w.asa 2027
قبل 5 سنه و 5 شهر



انتبه ثم انتبه ثم انتبه توضب عند  ترايستارنصيحه نصيحه لوجه الله انا موضب قير كابرس 2007 ب4200 ينتع القير وتحسه مع المشي بيفصل ويعلق بالغيار الثالث يفك ويشبك يفك ويشبك ولاجيتهم يقولون لك مشكله بالكهرباء خله اليوم ويدخلونه الورشه ويخلونه لين بكره ويسوون له برمجه ويقولون لك مافيه شي تطلع من الورشه نفس المشكله يطفشونك بخله اليوم وبكره تعال خذه وهم مايشتغلون فيه انت طبعا مو مستغني تخليها كل يوم عندهم 


up 2 down 1
وهم الشرقيه -35
قبل 5 سنه و 5 شهر



جزاكم الله خير وضحت الصورة ، بس ما قلتولي كم يسوئ الموتر علا حالته ؟ 


up 1 down 0
ابو عبدالله دبي 58
قبل 5 سنه و 5 شهر



تراه معروض عليك بس ... يعني منت مجبور في سيارة قيرها مخبط 


up 1 down 0
sarrar 130
قبل 5 سنه و 5 شهر



فيه لي من ليات مبرد القير يهرب 
يا ان يبغاله كبس او اذا كان المنيوم تلحيم او تغيير 
مدام انه بس يهرب مايحتاج توضيب 



up 0 down 0
fasool95 317
قبل 5 سنه و 5 شهر



مشكورين يا جماعه ، بس ياليت احد يقولي كم يسوا الموتر ، لان بقابل الرجال يوم الاربعا.
ما ابي ابخس موترة ولا ابي اخسر انا بعدين


up 1 down 0
ابو عبدالله دبي 58
قبل 5 سنه و 5 شهر



شف الي زيه في حدود كم هنا في موقع حراج واخصم منها قيمة القير 


up 0 down 0
sarrar 130
قبل 5 سنه و 5 شهر



وتراك اتوقع للحين مافحصت السيارة , افحصها يمكن يطع لك شي غير القير 


up 0 down 0
sarrar 130
قبل 5 سنه و 5 شهر



السلام عليكم ، السيارة طلعت ٢٠٠٨ و الرجال باعها ب ٣٢ الف ، رخيص او هاذا سعرها ؟
طبعا الموتر دبل اللون ابيض 




up 0 down 0
ابو عبدالله دبي 58
قبل 5 سنه و 5 شهر