الي له خبرة في الكابرس 90 او 89

والله كنصيحه مني ابتعد من هالسياره بالمره لالها قطع جيده ولا هي ممتازه 
ومكدوده كد ماعاد فيها تجمل وتتعب الواحد وصرفيه البنزين معروفه تشفط شفط
انا انصحك تلفت النظر بقوة اشتريت وحده ومافرحتني سنه ونص معاناه
وكل واحد يقولي ليش اخذت كابرس مع انه كان نظيف 
والفرق بين البروجهام كله مجرد مظهر خارجي المحركات وحده
واذا الطبلون مو شغال تلقاه مشي كثير وانقطع الواير حق السرعه
والحراره مشكله كهربائيه 
وارجع اقولك الفت النظر

والله الموتر موجود معي لكن بسالك المكينة 350 كم علبة زيت تاخذ مع سيفون وبدون و وش افضل زيت خفيف ولا ثقيل 
وبالنسبة للقير الظاهر انه 700 لكن كيف اعرف؟  وهل يوجد ضرر اذا غيرت زيت القير مع الفلتر

حطلها زيت ثقيل 20-50 واشوف افضل زيت الترا سفن

سمعت ان الثقيل يخرب طرمبة الزيت والخفيف انعم واخف للمدينة
وكم علبة مكينة حجم350

للمكينة *       

الخفيف للسيارات من موديل2003 وطالع ومو شرط بعد ينحطلها زيت خفيف
اما ان الزيت الثقيل يخرب الطرمبه فهو كلام فاضي ،
ميزت الزيت الخفيف انه يحمى بسرعه بالشتاء عكس الثقيل ياخذ شوي وقت لحد مايحمى بسبب لزوجته القوية
الخلاصه مكينت سيارتك قديمه وممكن لو حطيتلها زيت خفيف تشنبر وتدخن

انا كان عندي كابرس احط له زيت فوكس سوبر جي تي 
ثقيل ٥٠-٢٠
ياخذ على ماظن ٤علب ونص او ٥ مع السيفون اذا
المكينة ٣٠٥ او ٣٥٠ كلهن نفس كمية الزيت مافي فرق 
وبالنسبة للقير رح لقرب بنشري وشف القير من آخره 
مو من جهة المكينة من جهة عامود الدوران 
اذا المكان اللي راكب عليه العامود بدون براغي 
وتشوف جرم القير قطعه وحدة يعني حجمة ٢٠٠ 4R
واذا شفت فيه براغي قطعتين حجمة ٧٠٠ او ٣٥٠ 
٣٥٠ ثلاث نمر ٧٠٠ ٤ نمرات وبخصوص زيت القير 

اشتر فلتر اصلي وزيت ايسديلكو وشف لك مكيانيكي 
شغله مظبوط وامورك زينة

الواير اشتريه جديد اصلي وركبه عند كهربائي وشغلته سهله 
الامبير حق الحراره حساس حراره يركب بالمكينه وطريقته سهله بالكشف ويعرفها الكهربائي ويقدر يخلصها لك بظرف ساعتين
الزيت 4علب انا كنت احط له والزيت افضل شئ له عشان ماينقص بترومين الترا سفن لانه ثقيل ومكينه الكابرس تنقص زيت 
وهالشئ طبيعي حتى لو موظب ينقص زيت بس انتبه من الزيوت غير البرومين وصلح الامبيرالحراره  وركب له مروحه خارجيه
للمكيف عشان معروف انه يسخن بالوقوف وانت الامبير عندك واقف بتروح المكينه عليك اشتريله مروحه مرسيدس الكبيره اكبر مروحه بنز
حقت300مرسيدس 300وركبها بكتاوت اصلي مع المكيف 
الجيربوكس لو الزيت قديم غيره لو الزيت كويس لاتغيره

يعطيكم العافيه شباب ما قصرتو 
طيب عندي تندية او تهريب في صوفة القير الخلفية والدفرنس 
هل اغيرها وتضبط على طول ولا لازم خرط واشياء ثانية 
وبخصوص قطع الغيار الموجود في السوق وش افضل شي وكيف اسعارها 
ووش ارخص محل يبيع وهل فيه اصلي وكالة، وعندي جلد البيبان يبيلها تغيير وش افضل شركة 
ونوع البنزين المستخدم للمكينة احمر ولا اخضر ولا ما تفرق؟ 

صوفة الدفرنس.       

وكيف قطع غياره بالتشليح خصوصا الداخلية متوفر وكيف الاسعار؟ 

وين موقعك يالغالي

السلام عليكم

كان مع الوالد كابريس 1987 نفس شكل 88 يفرق ل اس عن العادي شكل التندة من برا.  بالنسبة الداخلية نفس ما هي بس أحزمة الأمان

قدام حق السايق و الراكب تجي على الباب راكبة مع ديكور الباب.

موتر مكدة و خدوم قعد عند الوالد اكثر من 10 سنوات.  سعره الحين تلقاه تحت العشرة آلاف.

السلام عليكم انا بكرة انشاءالله بشتري كابرس من موديل 90 الي 79 تنصحوني اشتريه ولا 

79-84-88-89-90
أفضل موديلات الكابريس
والي يقلك تصرف نظر عن الكابريس
لا تسمع له خذ كلام مني مواتر جبارة
يكفيك اذا بوش قدامك ثلاث أو أربعة سنوات
يمشي مايخبط وتزيد قوته بس حاول تنتبه لزيته
لا ينقص كثير زيده
فما بالك اذا أخذت واحد نظيف
الصلاة على النبي وحش وصرفيته عادية جد
ا مثله مثل أي سيارة 8 سرندل في البلد يصرف
شوية في الخط ولاكنك مشيت به صرفيته بسيطة
بخصوص الفرق بين البرقهام والآي اس في اختلافات
في المظهر والاكسسوارات والمحركات الأفضل ìs
القير اذا 700 المكينة 350 ضروري لأنه قوي القير
أما إذا كانت المكينة 305 ضروري 350 القير ماتتحمل 700
وابعد عن القير 200فور آر هو بقوة ال700 يزيد او ينقص
شي بسيط مشكلته جداًحساس ينقص الزيت مرة
أقرى عليه السلام كيف تعرف القير 700 او 350 في الحجم 700 و 200 فور ار كبيره حجمها 350 صغير
تتمنىأكون افدتك ولو جات متأخرة الإفادة
انا شوفني عندي كابريس89 is الحمد لله نظيف وقوي وعزوة ماابيعه
لو بخمسين الف أي سؤال انا في الخدمة إن استطعت

زيت القير اذا القير ماشي تمام يغير ولو في تأخير بسيط
لا تغير أبد في له ميزانية ينوزن ويزبط لأن في الغالبية اذا
تغير الزيت والفللتر انت وحظك يا انه يزبط يا انه يجاوب
وهذي دايم يسويها الي القير عنده يأخر ويحرق بعدها يعشق
هو وحظه البعض يجاوب والبعض تمشي أموره
إضافة is 89-90 فقط ربع ونص تندا
تحت هذا المديل كلها برقهام
شد بلد is دفرنس مربع مايجي دائري
وقير 700 او 200 4R ومكينة 350 غير كذا
لا أحد يقلك شد بلد فمن أفضلالموديلات
آداء هذي 90-89 ومافي فرق إلا في الحزم باب فقط
اما في الشكلية الكلاسيكية التسعاوي 79 وهو التوب
ايضاً 80-84 كلاسيكية وحلوة
الدفرنس اذا في تندية أو القير ترا بسيط جداً
ماتنقص كثير زي التهريب انت وميزانيتك
وفي كلا الحالتين تهريب أو تندية
تزود زيت ماتغير وهو الافضل المكينة فقط تغير زيتها
اذا هي نظيفةواذا بوشت تنظم لاخوياها
تزيد زيت الين ربك يفرجها وتغير مكينة أو توظب
وسلامتكم جميع