رأيكم بسيارة شفرليه كروز 2010 ال اس...؟ تنصحوني بيها ؟

انا جربت ابيكا 2008 وهي اقرب ماتكون للكروز ؛

كانت كويسه و سواقتها حلوه بس جلست عندي سنة وبعدها انفقع لي الرديتر و ارتفعت حرارتها وراحت المكينة واشوف ناس كثير عندهم سيارات شيفرولية من هذي الفئة يعانون من نفس المشكلة ..

وبالنسبة للشكل برضة شكلها وداخليتها مو حلوه فأشوف انك تحدد ميزانيتك وعلى حسب الميزانية ممكن تأخذ سيارة افضل منها من نفس الفئة او فئة اعلى اذا ميزانيتك تسمح :)

توي مسجل ف المنتدى و اول مشاركة لي هالرد و يسعد لي صباحكم ، اما من ناحية الكروز انا شخصياا كنت اتمنى لو اخذتها بدلاً عن النترا ك اعجاب بها ! و لكن بعد ماسمعت شكاوي الاشخاص الي يملكونها ؟ قلت الحمدلله اني ما اخذتها طبعا ل اسباب مثل قطع غيارها يقولو ماهي متوفره و سعرها غالي ب الحيل ؟!  و الله يرزقك ب الموتر الي تبيه و الي يكتب 

مشاكلها كثيره 
و بعد ١٠٠٠٠٠ كيلو تبدا تظهر المشكل وفي المقدمه
القير 

ابعد ابعد ابعد 

70 الف والجير يخرب وسعره من 4000 الى 5000 مستعمل اذا حصلته 

عن تجربة ٤ سنوات ومشي خلالها ماوصل ٦٥ ألف كلم وما سويت أي حوادث ولله الحمد:
الموديل كروز ٢٠١٠ LT نص فل
السيارة ثابتة وقيادتها ممتعة وشكلها أحسن من سيارات ثانية كثير،ومريحة وإمكانياتها جيدة مقابل سعرها،
صيانتها الدورية في ACDelco أسعارها معقولة لحد ما، مقارنة بالوكيل




وفي تجربتي أقولك أنتبه من الأتي حصل معي مع إني محافظ على صيانتها في المواعيد المحددة وما أغيرلها غير قطع أصلية:




- السيارة حساسة جداً  لأي شيء بمعنى الكلمة (فيها كل شيء بحساس وكثر الحساسات يجيب مشاكل وإنذارات في الطبلون مالها أول من أخر)
- السيارة قومتها بطيئة، ما فيا ذاك التسارع على مكينة ١.٨
- ما فيها فتحة شنطة من الداخل
- كمبيوتر السيارة غيرته مرتين على الضمان وسعرة حول ٤٠٠٠ ريال
- الجير الناس تشتكي منه، وأنا كان فيه بطئ في التنقيلات وحليتها على الضمان بعد ٩ شهور استخدام وبعدها صار تمام (وللعلم زيت الجير ما يتغير حسب كلام الوكيل والزيت حقها يخدم مدى الحياة)
- حساس ABS غيرته ٣ مرات في أربع سنين، لو جا عليه تراب يخرب بنسبة ٩٠٪
- الوكيل (الجميح) صيانته غاليه مرة، وقطع الغيار كذلك
- لمبة Check Engine لعبت فيني بمعنى الكلمة و ولعت أكثر من ٢٠ مرة خلال ٤ سنوات
- لمبة ABS ولعت أكثر من ٥ مرات خلال ٤ سنوات
- لمبة حساسات الرجوع للخلف ولعت مرتين خلال ٤ سنوات
- الفرامل حسب رجلك، لكن أظن أنها جيدة جداً
- غيرت لمبة العالي ٣ مرات يمين ومرتين شمال




نصيحة من مجرب:
الشركات الأمريكية ما نجحت بالسيارات الصغيرة، الياباني يعيش معاك أفضل وأقل خراب، وكروز للأسف أصلها دايو وأنا مجرد ما الضمان أنتهى بعت السيارة على طول وإلا كان صرفت عليها قيمة سيارة ثانية
الأمريكي قيادته أفضل لكن ما أظن بتكون فرحان مع الخرابات، 
الأن أنا جبت ياباني ومرتاح




بالنهاية ربي يوفقك 

السيارات الامريكيه ذو الدفع الامامي فشلت كليا تبي امريكي خذ دفع خلفي كالفورد والكابرس وغيره

الفورد و الماركيز هي المشهودة لها بقلة الخربات والقطع الرخيصة

من الأمريكي كلهههه


الكابرس لا تقربه كله حرارة لا القديم والا الجديد عند أخوي مببتلش فيه ولومينا معهاااا

ابتعد ابتعددددد بتبهذلك بمشاكلها وكومبيوتراتها

وللعلم زيت الجير ما يتغير حسب كلام الوكيل والزيت حقها يخدم مدى الحياة)
كلام الوكالة غير صحيح واحد من الزملاء معايه نفس السيارة موديل 2010
راح الوكالة في الاحساء قالو ما يتغير الزيت راح المدينة نفس الكلام 
لما خبط القير راح فرع الدمام وقالوا له الزيت حقها يتغير متى اخر مره غيرته ؟
يعني الصيانة مضيعين 
معلومة ما في سيارة زيتها ما يتغير ؟
لابد له عمر افتراضي 

ما أنصحك فيها ، ولديك خيارات كثيرة غيرها ، كورولا ـ ألنترا ـ كيا . 

بكلمه واحده.... خابور
اعطالها طنات بدون مقدمات وخصوصا بالقير والحساسات
الكويلات قطعه وحده.
تخيّب هقاويك الزينه فيها تمسي زينه وتصبح عله
المكيف وشيش وصوت ودفع هواء ضعيف بدون تبريد
ماكل الورش يعرفونها ولا يعرفون لها
محدودية اماكن قطع غيارها (بالمدن الرئيسيه وقليله جدا)
مراتب اماميه صغيره ولا تناسب الاحجام الكبيره 
وفيها ضيق بالمساحه واضح بين المقاعد الاماميه والخلفيه.
اشترتها زيرو LT واستخدمها من 2010 الى هاللحظه
خسايري عليها تساوي قيمتها .. كمبيوترين ومكينه وقيرين من غير الاستهلاكيات
ممشاها الآن 113الف 
مافيها الا الرساوه والشكل والمتانه خصوصا للسيارات اللي بفئتها
من مشاهداتي كثير ماتشوف الـ LT بالورش والـ LS  بالشوارع
وماذكرته هو تاريخها معي

اعتقد انك بعد هالمعطيات تقدر تقرر تشتري أو لا واذا هي عمليه او   لا.