رأيكم بكل أمانة- سوبربان

اهرب عن القديم يحتاج صيانه .

موفق خير

انت الي اهرب عن المنتدى و لا تقعد تخوف الرجال ب ردك البايخ ، 
عندي خالي معه جمس 2002 يشهد الله ماشيه 670 الف قبل يومين شايفه ، و حنا ماسكين خط بعد 
و الموتر شد الوكاله لا عيوب ولا صرفيات ولا شي ، .. 

الامريكي يصك مليون كيلو بدون خرابات 

لا تشيل هم و انا اخوك دام السياره شغاله و بعيده من المشاكل اللي ممكن تمنعك من استخدامها فأقول رح يقول اختيار مناسب

و الأمريكي معروف بطول العمر الأفتراضي للمكينه و ماشاءالله السعر ممتاز

فأقول توكل على الله

القير يبغاله تغيير زيت و انت بكيفك
بتصبر عليه ممكن ما يخبط
و ممكن تغيره بس انتبه لا تشد عليه علطول
اسأل عن اسعار القيور بالتشليح قبل ما تشتري السيارة
استخر و الله يكتب لك اللي فيه الخير

وعليكم السلام ورحمة الله وبركاته
بخصوص الممشى اشوف طيب بالنسبه لموديله
الحين موديلات 2009 تلاقيها ماشيه هالممشى
والممشى ما يضر السياره اذا كان محافظ عليها
ويغير القطع الاستهلاكيه اول بأول

السعر اذا كان مابه صدوم فهو طيب جدا

اذكر قبل سنه ونص كنا نبحث عن هالموديلات
ما لقينا اقل من 35 الف (الكلام على النظيف طبعا)

200 الف ميل تساوي 320 الف كيلو طبيعي ع موديله 

الان شوف موديلات من 2006 الى 2008 الأغلب وصلو 300 الف وتلقاهم بموقع حراج اغلب انواع السيارات وخاصه الامريكيه 

ممشاه طبيعي ... والسعر اراه مناسب حسب خبري قبل 3 سنين ... يمكن انخفضت الاسعار الان مدري عاد

شريت واحد موديل ٢٠٠٠ امريكي وماشي ٣٠٠ الف ميل ومافيه الا العافيه اشتري ولاتخاف سيارات جباره ماشاء الله

مشكورين جميعاً ولكم احلى لايك

وانا من كلامهم سياره ممتازه وسعرها ممتاز والنتعه تروح مع الوقت 
يمكن مايحركه كثير 
اهم شيء اهتم بالمويه والزيوت وحافظ عليه يوصلك لدبل ممشاه الحين
وانت مانت دافع عليه شيء سياره ممتازه 

بيض الله وجهك يا احمد انت والشباب 
بفحص كمبيوتر علشان النتعه واشوف 
وان شاء الله شي بسيط 

السلام عليكم ورحمه الله وبركاته ...            وبعد ...

الجمس بصفه عامة قوي ويتحمل والموديلات من 2000 الى 2006 مشاكلة قليل من ناحية الحساسات .
بخصوص الممشى لا تشيل هم الجمس حق خطوط والممشى ما يأثر عليه ابدا ( لو كان مو مهربد )
قراءة العداد مناسبة جدا لموديل السيارة ماهي كثيرة ابدا
وبحكم ان السيارة متماسكة يعني انها اغلب استخدامها خط طويل مو وسط البلد .
ومسألة القير اكشف عليه ممكن يحتاج تغير زيت وفلتر و حساس بس .
واذا غيرتها ولا زالات النتعه موجوده يحتاج توضيب ( ع مدى بعيد ) يمشيك 3 او 4 سنوات .
ومن ناحية السعر مناسب جدا ( بغض النظر عن اللون والمواصفات ) .
والافضل يكون من دون دبل ( صيانته اسهل ) .
هذا والله اعلم ...

تحياتي للجميع .

الممشى مايضر السيارة إذا كان محافظ على السيارة وأسأل مجرب والجمس قطع غياره رخيصة ومتوفرة