مساعده من أهل الخبراه ف الكابرس

شيك على طرمبة البنزين 

قرات قبل عن موضوع ماذكر ماهيته لكن فيه شي لازم يبرد في طرمبة البنزين عشان تشتغل مايشتغل وهو حار افحص كل شي متعلق بالطرمبة فيوز اواسلاك او افياش وو ي ليتك سالت هنا قبل تغير لان واضح المشكلة تدور حول الطرمبة

المشكله ف الطرمبه اخي الغالي والسلف ب كم غيرته ؟؟لايكون كثير

انا السلف عندي خرب وغيرت الدقمه وفحمات بس ب ١٥٠ القطع وشغل يد ب ١٥٠ اعطيتو ٣٠٠ ريال والسلف مشاء الله رجع جديد والدنمو نفس الشي يتصلح ب ١٥٠ توفير جداااا

الطرمبه لو هي السبب سوي زي الوالد الله يحفضه خربت عندو الطرمبه راح اشتره طرمبه حقت سياره معروفه مدري ايش اسمها ب ٢٠٠ ريال وولفها على سيارته وضبطت بنفسو فك التانكي واشتغل الله يطول ب عمره ويحفضه وفره على نفسه ف انتبه من الورش كل شي يتصلح مثل الوكاله حتا الكفرات ب يرجعو يصنعوها من الكفرات الي انتهت صلاحيتها بعضهم وترجع جديده

المشكله هي صاجة عند السلف 
اسال عنها ۔ ۔ 

الله يسلمك ويعطيكم العافية  ومقصرتو بس الطرمبه سليمه 
ننتظر باقي الاجابات وان شاءالله خير 

احتمااااال كبيييير حساس الكرنك وفيه حساس ثاني نسيت اسمه وظيفته قريبة من وظيفة حساس الكرنك

الطرمبة في الكابرس دور لك خط فاضي ومن الصفر اكبس له اذا طلعت تفتفه والبنزين تدعس مايمشي وطلعت علامه في الطبلون غير الطرمبه 

بس حالياً شتاء وما تحتر 

اذا في الصيف مايشتغل الا بدعسة بنزين ويطول تشغيله لا دقيت سلف هاذي بعد طرمبة

اذا عندك نتعه بالقير تظهر فجأة وصعوبة بالتشغيل حركات حساس الكام والكرنك