أضف سؤال أو موضوع جديد          

أحسن حل لارتفاع سعر البنزين ..؟؟

up 2 down 3
foxzx 1593
قبل 5 سنه و 11 شهر



السلام عليكم ورحمة الله وبركاته 
كيف حال الجميع 
وجايب لكم حل لارتفاع أسعار البنزين وعندي لكم بديل لجيب السفاري واللاند كروزر والربع والشاص والهايلكس والددسن والكامري والماكسيما والسوناتا والالنتر والفورد والكابريس والموستنغ والكومارو وما يحتاج تعبي جراكل بنزين وتخزن بالبيت او تفضي بركة المويه وتفولها بنزين هههههه اتركم مع السيارات المستقبل والقادمة بقوة ..!؟ 
وتحياتي للجميع 























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ايه هاذي ممتاز للحاره الصغار لاكن لو قدر الله صدمك واحد او صدمت احد رحت غلطه بسبب حجمها خصوصا انا نعاني من ناس تسرع تساقط تقطع اشارات 


up 6 down 1
محمد ال سلمان 820
قبل 5 سنه و 11 شهر



السيارات هذي جديده من 30 وتحت اذا ماني غلطان

لنفرض انك تعبي بالاسبوع الواحد 100 ريال ( مبالغ فيه طبعا اكثر الناس اقل من كذا )

عندك 51 اسبوع بالسنه 

51*100 =5100 ريال بالسنه 

على 5 سنوات تفريبا 25الف 

يعني لوتشتري سياره صغيره ثانيه ماراح توفر عليك بالعكس الا تزود مصاريف صيانتها وبنزينها وقيمتها الاصليه اعلى من مبلغ التوفير

هذي السيارات للي ماعنده سياره بالاساس وتكون سيارته الوحيده



up 5 down 2
pt 2011 1389
قبل 5 سنه و 11 شهر



السيارات أبو مكينة 1000 و 1400 حل ، لكن كيف تقنع صاحب اليوكن والتاهو والاكسبيدشن واللاند والباترول .. الخ يتنازل 

ويركب زي هذه السيارات ما أعتقد ، مثل لو أقول لك واحد متعود يركب جمل وفجأة تحاول تقنعه يركب حمار أعزكم الله كيف 

بيقتنع ؟!!


up 12 down 5
النهراني 271
قبل 5 سنه و 11 شهر



ايه ايه عشان لا صقع فيها قلاب صارت مطبق أبو زيد

أنا اقول كل قبيلة تفتح لها محطة مايعبون منها إلا أهلها وبسعر الجملة خخخخخ


up 5 down 2
nader2002 1662
قبل 5 سنه و 11 شهر



بالعكس  هذي السيارات عزمها ميت  يعني راح تضغط عليها عشان تعطيك عزم يمشي الحال

أنا عندي هوندا سيفيك مكينتها  1,5  واقتصادية جدًّا  لكن عزمها مريض

ولو تدعس كامل الدعسة وخليت امبير دورة المكينة يعلى صارت صرفيتها كأنها جمس


up 4 down 3
nader2002 1662
قبل 5 سنه و 11 شهر



عقب الباثفايندر اروح لسيارات التصادم هذه مادري سيارات البزران بس عاملين لها سحر كبر حجمها.

الله لا يغنيني عن الباث حبيبي.


up 1 down 5
بدر الباثفايندري 1125
قبل 5 سنه و 11 شهر



يرفعونه والا ما يرفعونه ما ابغى اعبي الا بعشره


up 3 down 1
محمد عايض معوض -48
قبل 5 سنه و 11 شهر



يا جماعه المواتر الصغيره العيب الوحيد فيها انك اذا طلعت
من البيت تبغي تروح لمشوار ما تحصلها واقفه عند البيت تلقي 
البزران يشيلون السياره ويدفدفون فيها لحد ما يوصلونها اخر 
الحاره هههههههه الله يرحم ايام الطفوله كنا ندفدف بالسيارات 
الصغيره ونشيلها صدق ماضي اسود ..؟؟ 

وعلي كلام اخوي النهراني اقولك ما عليك راح يقتنعون اذا وصل
حد السكين للرقبه انا اذكر لما ارتفع البنزين بالتسعينات الناس حولت
للديزل وصارت تشتري سيارات قبيحه مثل سيات وسكودا اللهم انها ديزل 
وغير الددسن والهايلكس ديزل وغير السطحات الجموس يشيل ماكينة الجمس
ويركب ماكينة مرسيدس ديزل او ماكينة دينا ديزل ولدرجة ناس راحت رهمت مكاين 
بسوريا للجموس ديزل وسبحان الله لما نزل سعر البنزين اختفت كل هذي الظواهر وخاصة 
السكودا والسيات اللي انقرضن من الشارع السعودي . 
تحياتي للجميع 
وتستاهلون احلي لايك +1


up 3 down 0
foxzx 1593
قبل 5 سنه و 11 شهر



أفضل مكينه أقتصاديه هي 2000 cc على سيارة من حجم الإلنترا من تجربة شخصية سيارة ولد عمي 

عندي ريو 1400 cc إذا ركب فيها 4 نفر تصرف صرفيه عاليه التانكي يمشيني 250 كيلو أو أقل بالسفر

أحياناً السعه الأكبر بشيء بسيط لا تعني صرفيه أكثر بل صرفية اقل 

و عندك الجمس الجديد يشتغل 4 سلندر لو كنت تمشي بسرعه اقل من 120 و صرفيته كويسه 

المشكلة عندك في الياباني 8 سلندر الباترول و السكويا هذي تصرف صرف غير طبيعي 


up 3 down 1
legaacy -315
قبل 5 سنه و 11 شهر



لا ميزة السيارات هذه لصغر حجمها انه الواحد لو جا لمواقف و ما حصل مصف له بسيطة يحط السيارة في جيبه و يمشي

ههههههاي


up 1 down 3
بدر الباثفايندري 1125
قبل 5 سنه و 11 شهر



التاهو الجديد 2015 و 2016 السرعات المنخفضة اللي اقل من 100 تمشي السيارة 4 سلندر و لين اسرعت السيارة يعني تعديت

ال120 اشتغلت الاربع سلندرات الثانية وهالحين صارت 8 سلندر.  ميزة حلوة من الشفر في صرف الوقود.

ها شباب وش رايكم نصبح لحبيبنا الجميح؟ 


up 1 down 1
بدر الباثفايندري 1125
قبل 5 سنه و 11 شهر



انا معي اكسنت ١٣ الحين عرفت قيمتها صرت اوقفها بمظلة وال بي ام تحت الشمس ههههه


up 4 down 4
benz lover -75
قبل 5 سنه و 11 شهر



السيارات ال ٤ سرندل هترتفع اسعارها 
وال ٨ سرندل هتطيييح سعرها 


up 4 down 2
شقاوي الشقاوي 2
قبل 5 سنه و 11 شهر



اؤيد الاخ اللي يقول الحجم المناسب للمكينه 2000 cc
يجمع بين العزم و الصرفيه المتوازنه 
حتى سيارات السيدان المتوسطه و جيوب كروس اوفر 
تجي بحجم مكينة 2.0 او 2.5
و مع قير الCVT انا اشهد انه يوفر خط او فرفره
صرفيه ثابته ايام ما كانت معي الالتيما
الحين الباجيرو كل مشوار له صرفيه حسب الخط و الهوا و الطلعات و السرعات تقول مزاج وحده دلوعه ههههه
بس من وين له الدلع هو و شكله القديم


up 2 down 0
أبو نجوى 2442
قبل 5 سنه و 11 شهر



البدايه الناس تزعل بعدين تتعود عادي جدا وبعد م ارتفع كثير شي عادي جدا مقارنه ب الاردن وغيره من الدول 


up 0 down 1
سمرمد 234
قبل 5 سنه و 11 شهر



اخوي النهراني المسئلة مو مسئلة كيف تقنع صاحب اليوكن او الاكسبدشن 
انه يركب سيارة صغيرة

المسئلة كيف صاحب اليوكن بيقدر يركب عائلة من ٨ اشخاص في اكسنت

واغلب ملاك السيارات الكبيرة الا القليل عنده عائلة كبيرة

الا اذا بيكرتنهم او يحطهم في صناديق ويحطهم بالشنطة ممكن


up 2 down 0
ksasp 74
قبل 5 سنه و 11 شهر



تعقيباً على رفع الاسعار في البنزين والغاز والكهرباء تذكرون مقطع اللي يغسلون يديهم بدهن العود واللي يكنس الفلوس بالمكنسة والانعام اللتي كانت ترمى في مزاين ام رقيبة والحمام (اعزكم الله) اللي مهديه الاب لبنته المكون من الذهب الخالص... قال تعالى :
















﴿ وَضَرَبَ اللَّهُ مَثَلاً قَرْيَةً كَانَتْ آَمِنَةً مُطْمَئِنَّةً يَأْتِيهَا رِزْقُهَا رَغَداً مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ ﴾
[ سورة النحل: 112]
 
















ربما هذي البدايات نسأل الله العفو والعافية.. 


up 2 down 1
الوليد الأسمري 171
قبل 5 سنه و 11 شهر



على فكره للتنويه  , ترى فيه ناس مادرت ولا راح تتأثر بغلا البنزين للمعلوميه 

يعني اللي يبي يتأثر هم الطبقه الاقل من المتوسطه  ام المتوسطه والعاليه  ارتفاع البنزين يعتبر عادي عندهم

ولا راح يأثر عليهم البته   لا اللي معه يوكون ولا اللي معه مرسيدس ولا راعي الاكسبيدشن ولاجيب ولاغيره

وكلن يغني على ليلاه  والله ييسر الامور ويرجع الوضع الى سابق عهده وييسر امر المسلمين اجمعين


up 0 down 0
الوافي 1392 116
قبل 5 سنه و 11 شهر