قطع ابلاندر

بدورها بالحوش عندي يعني !! اخوي التشاليح ياكثرها لا تتعلم. على الكسل 

شف في واحد دايم اشوف اعلاناته بموقع حراج
عنده او يدبر لك قطع ابلاندر و غيره من السيارات الامريكية
انا مرة دقيت عليه بسأل عن قطع الابلاندر كنت ابشتريه لسواق
و هونت عن الموضوع كله اكتب بالبحث فوق قطع غيار ابلاندر 

اما بالنسبة للرد الاول مدري بعض الناس اخلاقه شينه من وكالة اهله
مسوي فيها النشيط و الذيب و هو ممكن ما دبر اموره لو بيشتري خبز راح سأل كم واحد 

انت اخ وعزيز يابو نجوى بكتفي بهذا الرد 

اللهم لك الحمد قنوع بالعلم اللي عندي 

تراقب الموضوع كل شوي تشوف ردة الفعل الله يهديك
تنتقد ابراهيم التركي الله يستر عليه و انت مثل اسلوبه

ابراهيم التركي رجال شرواك وكلامه حق مايتبلى على احد اعرفه اعز المعرفة 

شرواك الطيب
زين اجل قدر ظروف اي واحد يستفسر
يا تفيده او منت ملزوم ترد و تتهمه بالكسل او غيره
ما تدري وش وضعه 

معنا بلندر ٢٠٠٧ وطلع تهريب في الدوده سويت اصلاح 
ضمان على القطع وشغل اليد ٣ شهور ولاعمري اشتكيت منها لها سنه في الصناعيه القديمه 
الاصلاح امريكي وان كانك في الرياض دليتك على المحل 
انت وش علت موترك فضاوة ولا تهريب ولاطقطقه حدد العطل 

يعطيك العافيه يابو نجوى .. انا سالت في تشاليح الرياض وماحصلت وجيت سالت في المنتدى والموتر في الجنوب 

ابو عائض 99 فيه تهريب في الدوده 

الله يعافيك و يسهل امرك
دور لها تصليح او مالك الا التشاليح الله يعينك