عندي مشكله في التاهو

افصل اصبع البطاربه واشبكه ثاني وشوف وش بيصير معاك

بجرب وربي يسهل 

رجعه للي ركب لك السلف وخله يظبطه 
بس ضحك عليك وخسرك سلف 
وانت من اول المفروض شارط عليه ماهو بس بكيفة يغير السلف
اتوقع الشغلة ماهي شي حساس او اكتاوت

اخوي معه لومينا وعنده مفتاحين واحد يشغل السياره بعد 10 محاولات واحياناً تطفي بعد ماتشتغل
والثاني يشغل السياره من اول محاوله و 100% ماتطفي
شف سيارتك لايكون مشكلة مفتاح وبس

احتمال بطاريه المفتاح او يمكن فيوز سلف سهاله ان شاء الله بس ارجع للي ركبلك سلف نصيحه

حنا معى يوكن نفس المشكله .. 
لكن اءا عيا يشتغل انزل اطق السلف بعصى ويدق 

اشتغلت السياره بعد تغير السلف عند كهربائي جنب محل المليون وانا داخل الخضريه علي اليمين  ومشيت لين البيت وبالليل جيت اشغل عيت تشتغل اتصلت عليه 
ياولد كيف كذا وخسرتني 550 قال جيها جبت كهربائي ثاني جرب السلف من تحت عيا يشاغل قال شيل سطحه ودي سوي برمحه 

ونركبها سطحه مره ثانيه وادور في الخضريه فحت كمبيوتر عيا يطلع معلومات قلت خلني انزلها محل الدوليه وخليتها عندهم  والصباح دقو علي قالو السياره جاهزة 

وش طلع العله منه من الضفيرة صلوحها بقيمه600 ريال والحين تمام وطلع كم شغله تحتاج تنظيف وبرمجه