رأيكم بزيت موتر كرافت

وعليكم السلام
صراحه موتر كرافت مادري عنه لاكن يفيدونك الاعضاء
انا استخدم بيترومين A1 لزوجة 5w30 جدا جدا ممتاز
طبعا اللزوجه نفس الي ذكرتها انت
ودامها مكتوبة على غطاء المكينه خلك عليها 
والسيفون اذا تقصد المكينه
تغيرة مع كل تغييرة زيت 
بالنسبة للزوجه هاذي بالراحه تمشيك 10000

بالنسبه للزوجه مهندسين الشركه درسو افضل نوع للزيت الواحد فيهم له 30 سنه يحدد انواع الزيت وفي الاخير تصفطهم وتعبي على رأي الناس وبعدين تقول ليه محتاجه تسقيط شنبر

وعليكم السلام ورحمة الله وبركاته

ياخوي اضغط على اسمي وابشر بالخير
بتلقى موضوع شامل عن الزيوت ومنها زيت موتر كرافت 
واستفيد من الموضوع والردود والله يوفقك

زيت موتور كرافت لايعلى عليه ياغالي وزيت ماخذ افضل جودة
وافضل تصنيف وافضل تصنيع ماينعاب هالزيت جدا ممتاز
ويمشيك بالراحه لمسافات عاليه تصل ل10الاف كيلو بالراحه
وزيت بترومين برضه زيت ممتاز الذهبي الجديد برضه ممتاز

ايسيديلكو ديوكس 5-30 لاتتعداه هذا اللي تستخدمه الوكاله
والفلتر كل تغييره زيت او تغييرتين بالكثير

وعليكم السلام ورحمة الله وبركاته
على كثر ما بحثت في الزيوت انواعها واشكاله
والناس بين مادح لنوع وساب لنوع آخر
ما لقيت أحد يسب زيت موتر كرافت
أنا ما جربته لكن اشوف ناس واجد يمدحونه

وبخصوص 10/30 او 5/30 ما فيه فرق كبير بينهم
غالبا إن لم يكن دائما 5/30 يكون تخليقي بالكامل
وغالبا 10/30 يكون نصف تخليقي او معدني

الحاصل من هذا كل أن الزيت ممتاز
و 10/30 طيب و 5/30 أطيب

والفلتر اذا قصدك فلتر الزيت يتغير مع كل تغييره

واذا قصدك فلتر الهواء يتغير كل 50 الف كيلو
وينضف بين فتره وأخرى ..

جزاكم الله خير ماقصرتو كفيتو ووفيتو بيض الله وجيهكم 
واحلى ﻻيك للكل

ابوناصر جعل عمرك مديد 
كلامك مافيه قصور لكن زيوت موتر كرافت 
بجميع لزوجاتها مافيه نوع معدني ابدا
الموجود فقط نصف تخليقي وتخليقي بالكامل فقط 
وزيت موتر كرافت بشكل عام ممتاز جدا في الاختبارات 
التي عملتها معهد البترول الامريكي للزيوت APL
والله الموفق

وعمرك يا عبدالله ..

لكن انا أتكلم بشكل عام ماهو بزيت موتر كرافت

زيت ممتاز توكل على الله انا مجربه يكفيك تصنيفه sn وغير كذا رخيص
اشتري كرتون فيه 12 علبه ب 155 ريال يعني العلبه ب 13-تقريبا وافضل من كاسترول وارخص بعد