بيع الزيوت بالجملة نصيحة لكم

انا مافهمت موضوعك انت تنصح بالزيت ولا تبيع زيت !!!

موجود زيت ادينول 5w40

الله يعينك على البنشرجيه اللي فالمنتدى 

تجي تنصح وتقول الصانع ذكر كذا وكذا والتغير كل 5 الاف او 10 الاف او 15 الف 

يجي واحد مثل ( قنقام ) ويقول لا حرارة الجوء عندنا كذا صيفا وكذا شتاء

والزيت ابو 5 غيره على 4999 وابو 10 غيره على 9999 لعانه بس

مادرى ان ابو 5 الاف يتغير على 10 وابو 10 يتغير على 20 

ولان الصانع ادرى وبعد دراسات ذكر لك المده الامنه لكن لاحياة لمن تنادي

واللي يقول حرام البنشر اجاره غالي ليه الحسد طيب دامك تبي تشتري بسعر دبل مع نفسك

غيرك يبي يوفر 

المهم انا مع الجمله والاعتماد على النفس

حتى انصح وبقوه انك تغير الزيت بنفسك 

حتى المهايطيه انصحه انه يغير بنفسه 

وانصح اللي يحبون الخير لاصحاب البناشر انه يغير بنفسه 

حتى اللي يحب الايك والدس لايك يغير بنفسه 

القافله تسير والكلاب تنبح   ^_* 

انا اشتري جملة للبي ام واغيره بحارتنا في بنشري يماني ممتاز اعطيه ٣٠ يغير زيت مع سيفون من الصرة موب شفط يعني اصعب ويفك فلتر هوا الماكينة وفلاتر المكيف يدلع الموتر لذلك يستاهل ال ٣٠ لان الامر صعب ماعندي عدة واشتري عدة عشان تغيير زيت كل ٣ شهور لاني ما اطلع ع الموتر كثير اشوفها صعبة ادفع ٣٠ اريح عمري

يا عبدالعزيز المالكي 
انا اختلف مع بعض الاراء واقول وجهت نظري
لكن ماتصل فالنهايه باني اقول القافله تسير والكلاب تنبح وانت وانا وغيرنا عارفين انت تقصد فيها من

وللعلم اوا اوفقك الراي في شغلة التبخر والخرابيط هذي الي من روسهم
لكن الواحد مهما اختلف الراي يبقى الاحترام موجود

ووفر امثالك ذي لمكان ثاني
وبالتوفيق

بنز لوفر

اكثر الناس ماعندهم بي ام فيها صره بمفك مقلوب وفيه صاجه وفلتر تحت غطاء المكينه 

الاكثريه معاهم سيارات سهل التغيير فيها وحتى لو اشترى بالجمله يقدر يغير ب 20 ريال في بنشر 

لكن تشتري زيت جملته 10 ريال وتغيره ب 17 ريال والسياره تاخذ من 5 الى 8 علب انا اشوفها غاليه 

حتى لو انك تغير كل 3 اشهر 

الكلام للي يبي يوفر فقط 

شويخ

اقصد بها  لناس تدور اي رد لك فقط عشان كذا اقول لهم القافله تسير والكلاب تنبح 

اعتقد انت مو محامي لهم ^_^ 

في البيت اشتري كرتون لكل سيارة لان كل وحدة لها لزوجة محدد و اغيرهم كلهم بالبيت الحمدلله  مريح راسي من للبناشر 

ماني بمحامي بس محد يرضاها لغيره ولنفسه
وانت بكيفك
الله يوفقك

بكم سعر زيت بترومين a1  العلبه الذهبيه   بكم الكرتون والحبه لني بسعرها عندك وعند غيرك ماني فاضي تاخذ علي ربح فوق ضهري اخذها من المحلات الجمله ابرك لي 

الذين يشترون الزيت جمله بحجة انه ارخص ثم يدفعون 30 ريال مقابل تغيير الزيت اقول لهم  (كأنك يابو زيد ماغزيت )
ولواخذت زيتك من عند البشري يمكن يلع لك ارخص

^^^^^^
 من قالك ارخص ومن قالك كانك ياابو زيد ماغزيت انا اتكلم عن الزيت االتخليقي الي البناشر يبعونها 50 45 ريال سوق الجمله اخذه 22 ريال  احسب فرضنا سياره تاخذ 5 علب لو غيرته من البنشري بياخذ علي 275 ريال مع السيفون سعر السيفون عن البناشر 25 ريال 

 طيب فرضنا لو اخذته من الجمله كم يطلع مع شغل يده الي تقول انه 30 ريال وسيفون  بيطلع 165 ريال كيف تقول كانك ياابو زيد ماغزيت  احسب الحساب مع ان في بناشر يغيرونه 10 ريال لكن انا حسبته بحسبتك انت  الي هي 30 ريال 

فيه عندك زيت توتال 5w30

غيرو الزيت باانفسكم 
الزيت الخفيف افضل
لاالزيت الثقيل افضل
لاا زيت تخليقي لاازيت نص تخليقي
غيرو الزيت كل خمسة الاف لاااا كل عشرة الاف
زيت بترومين احسن وافضل زيت 
لااا زيت تايوتا احسن
وكن شركات الزيت لها مندوبين مبيعات في هاالمنتداء 
وانا مااستبعد هاالشي الموضوع خذا فوق حقه وزيادة
كلن يفتح كتلوج موتره ويشوف اللزوجة الموصا فيها
واللي ماعنده كتلوج يمر الشركة يسالهم
وبخصوص اللي يقولون غيرو الزيوت باانفسكم نقول لهم شكرا
وانا عن نفسي اغير عند بنشري حارتنا له عشرين سنه
عندنا ياخذ ع علبة الزيت ريالين والسيفون اشترية من
الوكاله بعشرة ريال وخلصنا
وباالتوفيق

اغلب الزيوت العادية الي ينقالها تتغير ع 5000  تمشي اكثر  بس جوجتها ماش    الزيت الي ينقاله يوصل 10000  يوصل 15 بالراحة بس هي فكرة تسويق

جيت اقيمك بس سدحتوني - 5   

ابو عبد الله الطائفي : كيف يابو زيد ماغزيت ؟؟ انا اشتري زيت لموتري 40/10 لوكي مولي الماني يجب جالون 5 لتر نفس سعر الكاسترول ماغناتيك تمام الاخضر  يباع جمله 23 ريال للتر وبالبناشر 35 ارخصهم وموتري ياخذ 9 علب مع السيفون لانه 8 سلندر بحسبه بسيطة لو قلنا 23*9=207 ريال ولو شريتها من بنشري 35*9=315

الفرق 108 ريال !!!! اطرح منها 30 اجور تغيير 78 ريال !! اشتري سيفون 35 ريال الباقي 43 اعبي بنزين ب 20 ريال يوصل النص و 20 اغسل موتري وصلى الله وبارك 

انا بقولكم تجربتي بعد الجملة

كنت اشتري بترومين  10  30 من البنشري ب 21 + سيفون ب 20  سيارتي تاهذ 7 علب  =  167  وزيت ع بعد ال 5 الاف صار محروق  كل شهر تقريبا ادفع ذا المبلغ

بعدين رحت خذيت من الجملة زيت موتركرافت ب 14 ريال للعلبة + سفون ب 15 وزيت يمشي 10 الاف وعليه علامة ديكسوس وتصنيفه جديد  خلنا نحسبا   علما بان العامل اخذ 20 شغل يد  بيطلع اجمالي الشغل 133 ويمشيني عشرة الاف  فرق 37 وزيت افضل وادفعها كل 10 الاف مو 5 الاف            

وكيف كأنك يابو زيد ماغزيت

 و الي غيرتها لزوجه 5  30

السلام عليكم ورحمة الله وبركاته 
اخوي مالك جزاك الله خير على النصيحة 

وحاب اسألك إذا متوفر عندك كرتون  زيت شل هيليكس  لزوجة 5W30 تخليقي 

عندنا بجدة  فيه واحد يبيع الكرتون ب270 ريال 
لكن فيه واحد بالشرقية يبيعه ب220 ريال  لكن مهو عضو معنا في المنتدى 

فإذا عندك بنفس السعر المذكور اشتري منك افضل  واضمن  وانت تستاهل كل خير 
تحياتي لك وبالتوفيق