أضف سؤال أو موضوع جديد          

زيت المكينة أسود

up 2 down 3
salah.e 472
قبل 5 سنه و 10 شهر



               السلام عليكم ورحمة الله 

مــــــســــــــاء الـــخير 

اخواني ابغى استشيركم  بموضوع 
عندي المكينة زيتها اسود يعني لما 
امشي عليه 1000 كيلو كأني ماشي 
4000 ينزل اسود  الزيت الي استخدمه 
كاسترول 20/50 بعدين غيرت  الى 
موبيل 20/50 ونفس والمشكلة  عرضت 
مشكلتي فيه ناس قالولي فك كارتير 
المكينة اكيد فيلو وساخة وطبعا انا 
اقتنعت بهذا الشي لانه لما افضي 
الزيت يطلع فيلو زي البراده رحت 
ابغى افك الكارتير قالولي صعب 
لان السيارة شيفروليه كابرس V8 
موديل 2004  الامريكي صعب 
رحت عند واحد قلي سوي غسيل 
للمكينة وان شاء الله تنحل المشكلة 
فأنتم وش رايكم 
والي غسل مكينة استفاد بشي ولا
كلام فاضي  وانا اعرف الغسيل 
حظوظ بعضهم تخبط وبعضهم 
تصير ممتازة  الي غسل مكينة 
يقول نوع سيارته ايش الايجابيات 
وايش السلبيات طبعا انا قلت اغسل 
مكينة قبل لا افك الكارتير  وايش 
احسن زيت غسيل للمكينة؟ 

والي دخل على الموضوع وما يقدر يفيدني بشي اشكر مروره 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لاتغسل مكينة نهائيا


up 4 down 0
السكاكي 122
قبل 5 سنه و 10 شهر



السبب اخوي السكاكي 
وايش حل مشكلتي  
+1


up 0 down 0
salah.e 472
قبل 5 سنه و 10 شهر



في مشاكل غير ان الزيت اسود؟


up 0 down 0
x-bariq 183
قبل 5 سنه و 10 شهر



اهم شي اللزوجه كان عندي سياره يتحول زيتها اسود من اول الف كيلو ولا صار لها شي احيانا امشي عليه 8 الاف كيلو وبعتها وهي تعدت 250 الف 


up 0 down 0
fanar1 665
قبل 5 سنه و 10 شهر



لا اخوي فقط الزيت اسود 
X-bariq
اللزوجة كويسة 


up 0 down 0
salah.e 472
قبل 5 سنه و 10 شهر



أخي أنا كان عندي نفس مشكلتك لكن سيارتي أكسنت 2002

الحل اللي سويته إن اشتريت علبة اسمها Liqui moly engine flush سعتها 300 مل

ليكوي مولي شركة ألمانية معروفة تنتج الزيوت ومشتقاته ولها زيوت تستخدمها مرسيدس وشركات أخرى في سياراتهم

طريقتها قبل لا تغير الزيت تحطها مع الزيت وتشغل السيارة 10 دقايق وهي واقفة بدون ما تدعس بنزين

ثم تطفي السيارة وتنتظر دقيقة ثم تغير الزيت

بعد ما تحط الزيت الجديد امش عليه ربع المسافة اللي تغير بها الزيت اللي هي 1000 كم وتغير الزيت حتى تضمن إن بقايا المنظف تروح مع التغييرة 

بالنسبة لسيارتي الزيت رجع نظيف وكأن السيارة وكالة

صورة العلبة:
http://media0.takealot.com/covers_tsins/39685821/4100420083747-1-zoom.jpg


up 2 down 0
فيصل الرماح 37
قبل 5 سنه و 10 شهر



تابع لردي

إذا تبي تستخدم زيت 20w50 فأفضل زيت بالنسبة لي هو شل الأصفر لأن في مواد تنظيف وتمنع الترسبات في المكينة 


up 0 down 0
فيصل الرماح 37
قبل 5 سنه و 10 شهر



افضل زيت عند تجربه 20w50
رقم واحد ( قلف اسبيشل علبه ذهبيه)

بخصوص قلب الزيت اسود شي طبيعي وممتاز

وهاذه يدل ع قيام دور الزيت بتنضضيف المكينه

اهم شي الزوجه تكون ممتازه وهاذه اهم شي


up 1 down 1
الـتاجر الـكبير 726
قبل 5 سنه و 10 شهر



الاه يعطيكم العافية 
+1 للكل


up 0 down 0
salah.e 472
قبل 5 سنه و 10 شهر



الله يعطيكم العافية 
+1 للكل 


up 0 down 0
salah.e 472
قبل 5 سنه و 10 شهر



اخوي انا سمعت ان تغير لون الزيت شي طبيعي بس اهم شي لزوجه ماتتغير


up 1 down 0
مهراس الزهراني 1338
قبل 5 سنه و 10 شهر



دامه يقلب لونه بسرعه ف اتوقع ان ف المكينه بنزين ماتم حرقه موتري كان يبغاله تصفيه صفيته وغيرت الزيت والحمد لله ماعد قلب بسرعه 


up 1 down 0
عبدالاله بن سعيد 16
قبل 5 سنه و 10 شهر



اخي الغالي تغيـر لون الزيت بهده السرعــة دليل عـدم إحتراق متجانس في دورة الوقــود








يجـب فحص نظام الإحتراق / بخاخات / بواجـي / اسلاك بواجـي / فلتر هواء/ فلتر بنزين
لا تقلق ليس هناك مشكلة فقط نظام الاحتراق لايتم بشكل ناجح بما معناه عند وصول الوقود لغرفه الاحتراق واغلاق الصمامات ووصول الشرارة الكهربائية من البواجي يحدث احتراق يسمى انفجار اذا كان كامل وناجح لا يخلف وراءه كربون اسود واذا كان هناك احتراق غير كامل مثلا ضعف الشراره الكهربية من البواجي او وصول كميه وقود كبيره او قليله سيكون هناك احتراق غير كامل بالتالي لايحترق الوقود بشكل كامل ويبقى جزء بسيط من الوقود يحترق ويتحول لكربون اسود هذا الكربون يعلق بجدار السلندر ويأتي الزيت ليقوم بدوره في التنظيف فيزيل الكربون الاسود ويختلط مع الزيت ويظهر الزيت بلون اسود وهذا دليل وجود احتراق غير كامل وايضا دليل على جوده الزيت لان الزيت الجيد يزيل جميع الاوساخ ويعود بها لفلتر الزيت ويمنع الكربون او الاوساخ من التجمع والالتصاق بالسرندل وببقيه اجزاء المحرك وتغير لون الزيت دليل جودته،،، اخي الغالي ان استمرت المشكلة تحتاج تغيير البواجي وفلتر الهواء وفلتر البنزين لضمان ان هذه الاشياء تعمل بشكل سليم ليتم الاحتراق بشكل كامل بدون كربون،،،، وايضا قد تحتاج الى تنظيف البخاخات فيما لو استمر الوضع حتى بعد تغيير البواجي والفلاتر




هذا في حالة ان الزيت استمر باللون الاسود فالمشكله عندك في نظام حقن الوقود




وبالتوفيق


up 4 down 2
باترول 2020 2623
قبل 5 سنه و 10 شهر



^ صادق ياباترول 
واحتمال المشكلة من حساسات البخاخات 
تشوف البخاخات تعطي بانزين اكثر من اللازم 
او البخاخات متوسعه .. صارت معي بكابرس قديم 



up 1 down 0
w.asa 2027
قبل 5 سنه و 10 شهر



الله يعطيكم العافية  ولكل شخص +1 
بس المشكلة يقلي لا يجب التقييم 7 مرات متتالية بس وعد اعطيكم لايك 


up 0 down 0
salah.e 472
قبل 5 سنه و 10 شهر



عندك مثل ما قال فيصل الرماح نظف ب liquid molly واذا ماراحت معناته مو الكرتير وصخ ولاكن احتمالين لا ثالث لهما
1 بلف التبخير اذا خرب يسود الزيت لانه ما يطلع الغازات برا المكينه ويسبب انه يسود بسرعه 2 نفس الغازات اللي عدت من الشنبر ونزلت تحت قبل ما تطلع من بلف التبخير تسود الزيت لانها مليانه كربون يعني عندك مشكله بالاحتراق اسبابها كثيره


up 2 down 0
ابوزياد123321 208
قبل 5 سنه و 10 شهر



السلام عليكم ورحمة الله  ،، شوف أخوي صلاح أنا مجرب زيت غسيل المكينة على 8 سيارات

والحمدلله ماواجهت مشاكل إلا في سيارة وحدة  منهم  وهو جيب نيسان موديل 80 صار ينقص زيت بسرعة

وأعتقد  السبب يرجع لحالة المكينة  
إذا كانت المكينة فيها رواسب احتراق وبرادة حديد متراكمة بكميات كبيرة وملتصقة بجدران حجرة المحرك

راح تتحرك من مكانها بسبب زيت الغسيل ومو كلها راح تتطلع مع زيت الغسيل
 وراح تتسبب احتكاك  وتأثير سلبي على المكينة وكذلك ممكن تنسد طرمبة الزيت وتخبط المكينة لاسمح الله

فالقرار بيدك وانت ادرى بحالة مكينة سيارتك  وانصحك تسوي غسيل بالجهاز 

أنا قد سويته لسيارتين هوندا بوكالة هوندا  والأمور ممتازة  وتحصله عند مراكز خدمة بترومين
وأنا كلفني الغسيل للسيارة الوحدة 250 ريال لكن عند بترومين ب280 ريال

اسم الشركة اللي يتبع لها الجهاز CARE4CAR

واسم الجهاز ادفانتج  وهذي طريقة عمل الجهاز

https://www.youtube.com/watch?v=azc5cZKN7PM

وهذي الطريقة اكثر امان لأنه السيارة تكون طافية  يعني الرواسب ماراح توصل لطرمبة الزيت

أما زيت الغسيل اليدوي  افضلهم هو زيت غسيل المحرك من فوكس وماانصح فيه إلا إذا المكينة ممتازة وممشاها قليل

وبالتوفيق إن شاء الله


up 2 down 0
nader2002 1662
قبل 5 سنه و 10 شهر



وعليكم السلام اشكرك على اهتمامك 
ولك لايك 


up 1 down 0
salah.e 472
قبل 5 سنه و 10 شهر



العفو  ، عندي إضافة ممكن يكون كلام العضو باترول  صحيح  فشيك على نظام الوقود عندك يمكن تكون المشكلة منه
سواء بخاخات او بواجي او اسلاك بواجي او فلتر بنزين او فلتر هواء

دائماً ابدأ بالشي السهل  وبالتوفيق  إن شاء الله


up 1 down 0
nader2002 1662
قبل 5 سنه و 10 شهر