رجه على سرعة 100

يمكن الفحمات او ترصيص او ميزان 

مافيه شي يرج على 100 الا عمود الكرنك مع الاسف .. 

ثبت اعسه ع 100 اذا رج .. تراه عمود الكرنك بدا معك ..
شف له حل قبل ينكسر ويجيب العيد المكينه كاااامله .. واذا به حساه يقبل الخرط اما اذا انكسر يكسر عليك البساتم وتروح المكينه كاملله 

كلامي متاكد منه 100%

كلامي فقط اذا الرجه على سرعة 100

انااشك انو الرجه من العكوس لأنها تسبب رجه ولااحدث يتوقعها 
اول مره في حياتي اسمع انو عامود الكرنك الي جوة المكينه يرج أحيانًا 
اشلون هالعباره مافتهمت موراضيه تدخل مخي 
تدري انت وش معنى كلامك يعني لازم يفك المكينه واذافكها خلاص معناته توظيب 

حدد لنا الرجه تحسها في الدركسون اذانعم معناته 
العطل في
الكفرات 
الجنووط 
اوالعكوس 
وفي حاجه ثانيه تسبب رجه يكون كليبرالفرامل مزرنق ماسك في الهوبات حتى لوعلى خفيف بدون ماتحس راح ترج 
انااستبعد كليا رجة عامود الكرنك 

عضلات السياره جديده وانا مغير كل شي خربان معاد الرجة في البريك .و الرجه بدون بريك على سرعة 100 مدري ويش السبب. اخر شي غيرت عكس يمين و كالة وسعره 1500 .

الدفع الامامي مافيه عامود كرنك مكينة بالعرض على العكوس مباشره 

غالبا خرط هوبات اذا مسكت بريك لكن غير اقمشة معاها 

واذا مانحلت المشكله دودة الطاره 

مجرد توقعات لابد تشيك علي كل هالمشاكل
1- جنط الكفر : تأكد ان الجنط معتدل مافيه اي طعوج بسبب المطبات 
2- تأكد ان الكفر مافي أي تحبيلات أو انتفاخات 
3- تأكد من المساعدات واليايات أنها سليمه 
4- تأكد من كراسي المكينة 
5- بعد اصلاح العكس لابد من ترصيص ووزن كفرات من جديد
6- تأكد من صواميل الكفرات 
7- تأكد من الرمان بلي تبع الفلنجة 
8- اذا تحس الرجة في الدركسون شيك علي اصلاح الدركسون 
9- مقاس الكفرات والجنوط هل نفسها تبع الوكالة او لا ؟ لانها تؤثر اذا كان الحجم مختلف

انا صار لي قريب من سالفتك رصصت 3 مرات ومنها ترصيص ارضي 


والرجه زادت 

اخر شي كرهت الجنوط الكروم 


لاكن رحت محل وفك كل الكفرات وشال الترصيصات القديمه يمكن 3 ترصيصات فوق بعض 

شالها بسكين قرشها لين راحت وسوا ترصيص ولقي جنط مطعوج رصصه ورجعه ورا 

وبعدها الامور طيبه 

جربت اول شي ترصيص الكفر اذا سيارتك جديده ولا تخلي احد يلعب في الاذرعه والمقصات 

أول شي عالج رجة الفرامل  ارفع السيارة بعفريتة وبدون فك كفر وحرك 
فيه فضاوة رمان ادا ما في غير هوبات ادا مخروطة وبعدين تبدابالرجة 
بدون الفرامل وغالبا ترصيص لأن الترصيص لاينجح مع فضاوة رمان

اول شئ ابحث عن جهة المشكلة يمين ولا يسار ارفع السيارة بعفريته من اليمين وجرب امشي عليها وانتقل للجهة الثانية راح تلاحظ الرجه من جهة وحدة 
شيك على :-
العكوس الداخلية. الكفرات والجنوط انت تقول مغيرها خلاص . تأكد من الترصيص وجرب الترصيص الارضي  شئ مهم لازم تشيك عليه الرمان مع الفلنجه يمكن جاتها ضربه ولاشئ إذا الفلنجة تلعب راح تسبب رجه انا سببت عندي رجه في سيارتي
اخرط الهوبات مادام انها ترج ولاتغير اي شئ إلا بعد التأكد .والله يعينك 
ارجع وعطنا أخبارك

خذ العلم 
جميع السيارات بالعالم
فرامل وبعده رجه = خرط هوبات امام فقط 

Bin 6iكيف مافي عامود كرنك!!!! كيف تدور البساتم هههههههههه 
تقصد حبيبي مافي عامود كردان الوصله الي بين القير والدفرنس عشان السياره مافيها دفرنس اساسا 

مشي حاللك والله ياكثير هنا موعارفين غير الطاره والمفتاح ويقعد يقول من رأسه غير وغير ولوجبتله القطعه ماعرف حتى اسمها 
موعيب 
بس ليش تتفلسف في شي ماتعرفه وتوه السال مايعرف من الي جوابه صح من الخطاء 
الله المستعان بسس