بالفيديو سرقة منزلنا لمن يتعرف على سيارة السارق

الله يعوض عليك 

سود الله وجيهم 
طيب يالغالي بلغ اقرب مركز عندكم وبيشاهدون الفيديو
وبيجيبونهم ان شاءالله وشكلهم شغالين على بيوت خلق الله سرقات
يبغالهم تاديب وباذن الله تجيبهم الحكومه
الان فية اجهزة متطورة وكل شي متطور
لو حتى صورة ماهي واضحه يجيببونهم
واضن في الفيديو الوحه راكبه على الجمس
يعني الي عليك تبلغ وتترك الباقي للجهه المختصه

والله هذي من دناءة النفس وانها حقارة سواء من الي يسوق والي الي سرق 
ياخي ما تسوي تحط في بطنك حرام جعلها سم في بطنك ان شاء الله 
وليتها تسوا الي سرقها راس مالها اسطوانة غااز ياليت قيمتها الشي الفلاني 

والله اني اعرف واحد من الشباب يوم الاربعاء الي فات ضاقت الدنيا فيه وطفر ولا وده يتسلف من احد 
قام شغل سيارته ودق سلف وراح يكد 
ربي بارك له وذيك الليلة جاب 300 ريال خلال 4 ساعات بس 
وعلى فكرة 300 ريال تكفيه وزيادة بحكم انه طالب جامعة 
بعضكم يشوفها ما تسوى بس في النهاية مال حلال 
لما يشتري عشاء ولا غداء لنفسه يطمن انها مال حلال 

عسا الله يرزق الجميع الرزق الطيب الحلال اللهم امين 

الله المستعان فيه شلة مبزره مافكروا لا في حلال ولا حرام وبعضهم يبغى يجيب قيمة جرعة مخدرات او مسكرات لكن نسأل الله السلامه والله يهديهم ويصلحهم 

الله يعوض عليكم
وحسبي الله عليهم..
واضح من شكل اليوكن انه من اهل الفره 
يبغالك تستقعد لهم على حزام ابها وفي اماكن التجمعات 
اقلها لو شفته تبلغ او حتى تاخذ رقم اللوحه او تفقع وجهه

مغبر اللوحة الله لايوفقه

الله يعوض عليك 
وأكتب لك موضوع وأنشرهـ على سبق وأرسال كل الاثباتات وبا كذا راح يطلعونهم من تحت الارض وبعدين هم اللي 
يدورون عليك مو أنت أللي دورهم ولا تتنازل عن حقك 

السيارة اكيد مسروقة بيرمونها بعد كم سرقة اجهزة تحسس الحركة ممتازة ولكن عيبها اي قطو ممكن يطلع صوت قوي ولكن آمن بعد الله سبحانه

الله يعوضكم عساها تنشل يديه اللي سرقكم

ياليتها انفجرت فيهم وقطعتهم قطع قدام الكاميرا 

تدري ليش السرقات منتشرة عندنا السبب طال عمرك هو إنك اليوم تبلغ عن سرقة الأسطوانة بكرة تمسك الشرطة الحرامي

تجي أنت وتتنازل بكل بساطة طيبة منك أو غصب عليك لهذه الأشكال لأن الحرامي إما رجع القيمة لك بأي طريقة . . . . 

أو لأنه جاك أبوه أو شيخ قبيلته أو الضابط والعسكري . . . . . 

 وحبوا على رأسك وخشمك تكفى وماتكفى وتراها أسطوانة غاز . . . .  .

والرجال تنازلوا عن أرقاب مو أسطوانة ومن هالكلام . . . . 

لين يخلونك كأنك أنت الحرامي مو ولدهم . . . . . .

ويالله تنازل وتعهد يالحرامي إنك ماتكررها وأطلع من التوقيف . . . . 

كم شهر ويالله لواحد ثاني نسرق أسطوانته أو سيارته أو جواله أو استراحته . . . . 

وعلى هالموال لين ( يمل ويطفش ) الحرامي ويوقف هو من نفسه عن السرقة  . . . . 

لكن لو كان عندنا يسجن السارق وإن تنازل صاحب الحق الخاص ( لسنوات ) . . . . . 

لما كثرة جرائم السرقة عندنا ولأرتدعوا المجرمين من أول مسكة . . . . . 

وإلى الله المشتكى . . . .