كم تكاليف شراء سياره كلاسكيه من الخارج؟

كنت أشوف كدلك وفورد وكابريس 79 - 84 بحدود 30 - 35 ألف شامل كل شيء ،
لكن سمعت إنه ممنوع تدخل السعودية الآن،ما أدري عن مدى صحة هالمعلومة ،،

وفقك الله ورعاك ،،،

اللي اعرفه ياخوي تقدر تدخل اي سيارة عمرها اكثر من ٣٠ سنه بس تدخل على انها تراث ما تمشي في الشارع بس للإقتناء

اذا السيارة من عام 1986 او قبل تقدر تدخلها بلوحات تراثية مو خصوصي

لكن فيه طريقة واحد اعرفه مسويها (مو واحد انا ههههههه) المهم اشترى سيارة تراثية

واثناء م السيارة تنشحن لهنا قعد يدور مثلها تشليح الين حصل وحدة بسعر  حول ال2000 ريال

لمن وصلت سيارته فك اللوحات ورقم الهيكل (طبعا فك القزاز الامامي للاسف) وحطها ف سيارته اللي جابها من برا

والمشلحة مخليها واقفة قريب من بيته عشان لو احتاج منها كم قطعة يفكها

ع حسب الي سمعته تدخل ع انها تراثيه. لكن غريبه ماتمشي بشارع احطها زينه يعني!! 


حلوه فكرتك لكن الي بجيبها ماضن بحصل زيها تشليح

قبل فترة طلع قرار من الجمارك بعد اصدار بطاقة جمركية للسيارات القديمة وبالتالي لا تستطيع استخراج لوح واستمارة من المرور لعدم وجود بطاقة جمركية وبالتالي تصير السيارة حالها حال أي قطعة أثاث في البيت لذلك يسموها تراثية ويا للأسف على مثل هذا القرار.
حرمونا من استيراد سيارات نظيفة وشبه جديدة والحين نشبوا الينا وحرمونا من السيارات الكلاسيكية يا عسى الله يجازي اللي كان السبب.

حسبي الله عليهم طيب انا اشوف سيارات كلاسكيه تمشي في الشوارع ايش وضعها ذي!؟

بخصوص الاسعار تتوقف على نوع السيارة وندرتها ونظافتها يعنى موتر مجدد 100%
 من 90 ونازل يوصل ال 40 كحد أقصى بكل تكاليفه وفوقها ربح معقول
اما بخصوص اللي ركز عليه الشباب .
أخذت امريكي مستورد 85
طلعت لوحاتها والاستماره وكل أوراقها بيوم واحد عن طريق المعرض 
هالكلام قبل شهرين وكنت متخوف مثل باقي الشباب.
 بانها تراثية ومالها لوحات وما تقدر تبيع 
وطلع كلام فى كلام واشاعات