تم حل المشكله ولله الحمد ..
20
3
إضغط هنا للإخفاء
اولا اسعد الله اوقاتكم بكل خير ..
ثانيا يا اخوان بتوفيق من الله عرفت سبب مشكلتي اللي جننتني اكثر من شهرين ومن سباك إلى سباك و راح اقولكم عنها ..
اولا انا نزلت كذا موضوع عن الصوت اللي يطلع معي و السياره ماشيه صوت زي الطقطقه او القرقعه (جغجغه) مع العلم إن الصوت ماطلع الا بعد فترة بسيطه من تغيري للمساعديات الاماميه و موتري تاهو 2010 .. المهم
كل يوم لزوم اخذ لي قصدير باندول و احرك للصناعيه للبحث عن السبب .. ومن ميزان لميزان ومن سمكري سمكري .. وماخليت شيء ما فحصته .. اللي يقووول جلد بدي .. و اللي يقول يبي لها تشحيم .. واللي يقول الصوت بالمساعديات .. واللي يقول عطني مبلغ و قدره و اترك السياره وماتستلمها الا و الصوت مختفي .. المهم
ذات مرره الصباح كنت بروح الدوام .. و اوقف عند الاشاره الا القى لوحة دعائية لميزان اليرموك .. و اللي لفت انتباهي فحصهم مجاني و عمالتهم فلبينيه و هنود .. الوكاد و اديور لهم ويوم جيتهم و يجيني مديرهم و اعلمه بالسالفه ويركب معي و اسمعه الصوت قال ارجع .. ونرجع للميزان و اوقفها و الله وينتشرون 4 عمال تحت السياره وماخلوا شيء إلا شيكوا عليه حتى كراسي المكينه فحصوها .. الوكاد قال نبي نهز السياره وهي واقفه ونشوف مصدر الصوت .. قلت له الله يقويك .. ويهزونه و يطلع الصوت .. طلع من المساعدي الامامي الايسر ..
المهم استغربت المساعدي جديد !! وبعد طول تشييك وفحص قالي اللي ركب لك المساعدي مركبه وهو ما نظف الجلد من التراب .. او مركبه و الياي ملتف عن مكانه .. قال لازم نفكه وننظفه ونرجعه بمكانه صح و اذا ماراحت مشكلتك لاتدفع ريال واحد .. قلت على مسؤليتك ؟ قال على مسؤليتي .. مشكلتك لا جلد ولا هذه ولا هذيك .. كلها بكرسي المساعدي فيه وصخ ويحك الياي بالوسخ اللي ماسكه بقاعدته .. وقالي اذا تبي تتركه مامنه خوف ولا مشكله بس مجرد صوت .. الوكاد قلت له خشمممك .. و الله و اطلبه يشد المساعديات بالمفتاح وهنا المصيبه ؟ مسامير المساعديات محلوله مرتخيه ع الاخر ؟؟ الوكاد و اركب و احرك .. وهذه مشكلتي وحلها بإختصار
بغت تطير مني مبالغ على اشياء ماهي خربانه ولا لها دخل بالسالفه ..
فنصيحتي ياخوان لكم إنكم لاتثقون بأي كلام ينقال و تروحون لناس فاهمه ومتخصصه ولا تسوي الشيء الا وانت متأكد من 100 بالمئه ..
وهذا اللي عندي وسلامتكم .. والله يسعد اوقاتكم بكل خيرر
إبلاغ
الردود
ثانيا صادق بكلامك .. و اللي يرفع ضغطك بعضهم يكون عارف المشكله بس مايقولك عنها ويقولك اتركها عندي و انا اضبطها لك وبمبلغ كذا .. وبعضهم يكون عارفها بس يضخمها عليك ويحسسك إنك لو سويتها عنده بتنحل مشكلتك كامله .. وبعضهم والله مايدري من وين جايه .. مثل سمكري جيته وقلت له ابيك تفحص لي جلد البدي .. ونزل تحتها وشاف وقال كل الجلد معدومه لازم تغيرها !! الجلد مافيها شيء ولاهي متقطعه ولا بها بلا ..
ما اقول الا الله يرزقنا بالصاحي منهم
1
0
جيت عند ورشه في الطايف وقلت عندي صوت قدام طقطقه
قال جيبها عالميزان واشوفها لك المهم شيك عليها قال بطلع نجربها
طلعنا ورجع للمحل وقال اسمع فيها جلد مقصات وفيها مسمار التوازن
وهذي لو بتغيرها بتكلفك كثير لكن باخذ منك 1500 شغل يد واضبط لك الباقي
قلت وقطع الغيار قال مايحتاج قلت كيف مايحتاج وتقول فيها جلد ومسمار توازن وش بتسوي فيها
قال هذي نوديها المخرطه نعملها كبس المهم قلت كم بتاخذ وقت قال تحتاج ساعتين طيب كم تاخذ اخر شي
قال التورس فكها يحتاج وقت وتركيبها وهذا اخر شي 1500 ريال عرفت انه نصاب كيف تقول يبي لها جلد ومسمار وفي الاخير تبي توديها للمخرطه
قلت طيب دقايق اخلي اخوي يجي هو قريب قال كلمه واحنا بنشتغل في السياره لين يجي قلت يمكن مايوافق قال طيب اتصل فيه واذا ماوافق عطني قيمة التشييك
طيب ياحيوان ليه ماعلتني في البدايه وقلت راح اشيك عليها بكذا واذا بتصلحها عندي ماباخذ عليك شي ليه تخليني ادخل السياره بعدين تقول عطني قيمة التشييك
قلت ابشر خله يجي وتفاهم معه والله اركب سيارتي وادق سلف واسحب عليه كثير منهم سباكين وهمهم ياخذون شي مايستحقونه
4
0
ما اقووول الا عسى الله يرزقنا باللي ينفعنا ويبعد عنا ويكفينا شر هالسباكين .. اسعدني مرووركك
0
0
ويقولي لازم تغير جوز واذرعه للسياره وطلب شغل يده 400 ريال وقطع غيار ب 600 ريال لمن سألت عنها ويومها والله ما كان معي غير 50 ريال واطلع اشوف لي صاحبي
ونويت ادين 1000 ريال من شان اصلخ السيارة ... وروحت البيت ةقلت برجعلة بكرة .. وانا مروح البيت قلت بمر اخلي معلم اتذكرته قريب من البيت واحكيله كل شي واول ما طلع بالسيارة وسمع الصوت رجع الورشه ونزل تحت السيارة ... قالي سيارتك ما بيها شي بس بدها شد برغي( صاموله ) الجوزه وشدها يا اخوان وراح الصوت ... سبحان الله اخذ عشرين ريال تخيلوا من 1000 الى 20 ريال .. والحمد لله والسياره ما شاء الله عليها الان ...
1
0
0
0
0
0
ورشة يشييك واللي يرتاح له يصلح عنده،،،واللي رحت عنده أتمنى أشوفه وشلون
يطلب ١٥٠٠ على شغل ساعتين
ياشيخ هذا موب حرامي هذا مفتري .
0
0
المشكلة ان ما احد يفهم بالسيارت والمشكلة تحس ان معظم الميكانيكيين نصابين الا من رحم ربي
تحس ان اشطر واحد فيهم هو الي يسحب اكثر مبلغ منك
وكويس انك لقيت واحد فاهم ولة الميكانيكية يعوفوك السيارة
قبل 8 سنه و 8 شهر