الرفاعي والاسعاف والمعاناة حياكم
45
7
إضغط هنا للإخفاء
السلام عليكم ورحمة الله وبركاته....
""
"""""
مساء الخير على اخواني اعضاء منتدى حراج'،'
اخواني الافاضل اليوم بتكلم عن موضوع مهم جدا
والصراحه هالموضوع شي يرفع ضغطك من بعض الاشكال المرضى نفسيا وعقليا
الموضوع يخص الاسعاف والحالات الي تحتاج تحويل من مستشفى ذو امكانيات محدودة
الى مستشفى ذو امكانيات اعلا وامكانيات متكاملة
اخواني بحكم ان عملي ميداني في احدى مستشفيات وزارة الصحه
وبالذات في قسم الطوارئ ///التحويلات الاسعافية..-
اود ان ابين نقطه بان قسم الطوارئ يعتبر من اهم الاقسام في المستشفيات
لما تواجهه من وصول مصابين حوادث طارئة او حروق او امراض مزمنه او غير ذالك
يعني انت تعمل في قسم الطوارئ خل صدرك وسيع وتحمل جميع الضغوطات الي تواجهها وساعد الجميع ولك الاجر باذن الله
المهم اخواني
انا بتكلم عن حالات تجينا في قسم الطوارئ
يجب تحويلها باسرع وقت ممكن عن طريق الاسعاف
ناخذ الحالة ونحرك وطبعا الطبيب معك يعطيك التعليمات
نعاني من بعض الاشكال الي اسأل الله ان لايكثرها
وخاصتا عند الاشارات .......،،،،،،
بالامس طالع بالاسعاف ومعي حالة رجال كبير في السن عمرة يقارب 85 عام
الرجال حالتة مهددة للحياة معناته خطيرة
وصلت اول اشارة في الباحه
الصراحه قدامي مايقارب 20 سيارة
الكثير تعاونوا الي جنب والي اخذ يمين مع الاشارة
الا راعي ونيت غمارتين ماشي انا وراة
لما وصلنا عند الاشارة تماما وقف ويعاند
اكلمه بالجهاز الميكرفون اعطية ونان متوسط اعطية ونان قوي ولا كأن وراة اسعاف
والمشكلة ماهو صغير عمرة فوق ال35
وفي الاخير ان دقيته ولا صدمته بيحصل مشاكل وانتضار مرور
والحالة مستعجلة
لاكن راعي الكرسيدا جنب الونيت من يسار ووراة كامري
افتحولي المجال وعديت جزاهم الله خير،،،،،،،
وراعي الونيت في يوم من الايام بيكون اخوك ولا ابوك ولا امك
في نفس الموقف و5 دقايق ولا 10 دقايق فيها حياة وموت وتفرق الكثير مع المريض او المصاب
وكل شي بيد الله سبحانه......
ايضا اخواني
قبل اسبوع طالع بحالة ولاكن مستقرة مو مستعجلة
قدامي بزر يسوق برادو ومعه بزارين
مادري وش قصتهم هاربين من المدرسة
المهم يقطعون اوراق من كتب ويطشونها مع القزاز
هيا بالله وش تسوي مع هالعينات الفاشلة
وش تبي بالضبط تطش اوراق على شان صوت الونان مزعجك
الله لايكثرها هالاشكال
طبعا على طول ياخوان بلغت بلاغ للعمليات مضايقة تحويل حالة اسعافية
والعمليات تبلغ المرور والمرور يجيبهم
هاذي موقفين حصلت معي خلال شهر؛؛؛؛؛؛؛؛؛؛
والثالثة صاحب جيب كبسولة
يعاند معي طبعا حالة حروق ناتجه عن كهرب وطارئة
اجي اطوف من يمين يلف يمين
اروح يسار يروح يسار حسبي الله على عيناتك
يالمريض معي حالة طارئة
وفيها حياة وموت عسى الموت ياخذك
والله ياخوان انه لمدة 10 دقايق يعاند
الين وصلت طريق مختصر يمين ورحت معه وهو راح سيدة
والله العالم انه يامريض عقل ولا نفسيا ولا الاثنين معا
ونعاني ونواجه الكثير والكثير من هالعينات
ولاكن الله يصبرنا عليهم؛؛؛؛؛؛؛؛؛
واما بعضهم والله انه ينحط على الجرح يبرى على طول يتجاوب معك
واول مايسمع صوت الاسعاف يفتح مجال وقبل ماوصلة ب200 متر او اكثر
طبعا بيقول بعضكم مابقطع الاشارة عشان ساهر،،
الباحه مافيها ساهر ومع ذالك فية ناس تعاند لاكن الدنيا دوارة
واما الي في المدن الكبيرة الله يعينهم
تتسجل عليك ساهر بس تروح المرور يشيلونها عنك
بس يبيلك وقت تراجع وتتعب ........
حبيت اعطيكم نبذة عن بعض الناس المريضه الي تحاول عرقلة وصول الاسعاف باسرع وقت ممكن
وفي الاخير ياخوان كلكم عارفين ان دقيقة ولا 5 دقايق مهمه خاصتا للحالات الخطرة
هاذا مالدي اليوم ...'''
اسفين على الاطالة وموفقين
اخوكم ::الرفاعي 33 ......
إبلاغ
الردود
اخوي الرفاعي اشكرك على مواضيعك الطيبة
بالنسبة لي اذا وراي اسعاف كأني اصير دورية اضغط فلشر وادقدق بواري للي قدامي وذا عاند انزله عشان الاسعاف
وليش مايكون فيه ريموت لسيارات الاسعاف اذا جا عند الاشارة تصير خضرا ويسكرها بعدين !!؟؟
0
0
ابو حمدان هلابك كلامك في متمة وتحصل كثير وهاذي يعاقب عليها مستلم الاسعاف
لان معروف الاسعاف مايستخدم الا لتحويل الحالات
عند الانتهاء من التحويل ممنوع تشغيل الونان او استخدام الاسعاف لاي غرض كان
خلاص تنتهي من الحالة تطفي الونان وجميع الاضواء التحذيرية
وترجع سيدة الى نقطة البداية
وشكرا لك يابعدي على المشاركة
قبل 8 سنه و شهر