أضف سؤال أو موضوع جديد          

انتبه يالحرامي .. ترا ربك مايتركك موقف لي مع ورشه

up 53 down 10
السهل الممتنع 6392
قبل 7 سنه و 10 شهر



السلام عليكم ورحمة الله وبركاته
موقف حصل لاخوكم السهل الممتنع من 12 سنه تقريباً
المهم سلمكم الله
كان معي كابرس 1990 في عام 2000 تقريباً
والسياره كانت غاليه علي اي شي تبيه على طول اشري لها الاصلي الاصلي
وبيوم من الايام
أشغل ولابه دخان بسيط جدا جدا
المهم 
قلت فلان موجود
فلان اعرفه من فتره طويله
واي حاجه اروح له
وبالعربي اثق به زياده
ويشهد الله كنت معتبره قدوه ( لكن للأسف )
يجيكم بالشرح
الزبده..
وريته السياره وقال هذي تبي كذا وكذا وووو...
ورحنا انا وياه للقطع حتى يشوف وش يحتاج وانا احاسب
وحسبنا كل شي شراه 1805ريال ( انا وهو وابو القطع )
عاد من هنيه بدت القصه
!!!!!!!!!!!!!!!!!!!!!!!!!!!
مديت يدي على جيبي والا مابه الا 1800 ريال 
ويوم بحرت خطر ببالي  بدال ما اروح للصراف
قلت ارجع علبة زيت
لان اخوكم السهل الممتنع يكره الدين 
المهم
رجعت علبة زيت لاجل يصفي حسابي 
ابو القطع يعرفني على الخفيف ( قال اخوي مايصلح كذا )
قلت له انا ما ابي اصير مديون لك بشي
ولا ابي اتعنى للصراف مو ضروري اللي رجعته ( زيت اشريه بعدين وهي علبه )
قال انت زبون المحل 
ومهو انا اللي يرجع غرض بسيط لاجل 5 ريال
لو غالي ممكن ارجع اما هذي بسيطه
احرجني الرجال بطيبته ( راعي القطع )
..................................................
إلى الآن تستغربون مافي شي صح 
..................................................
المهم 
اخذت السياره والدخان راح
وبعتها بالسوق
.................................................
وبعد شهرين تقريبا
وانا ماشي بجنب القطع وتفطن علي ال5 ريال
مع اني دايم امر ولا تفطن علي
..................................................
جيت سلمت كيف حالك
واسحب 5 ريال وقلت له المعذره نسيتها
بس اشوى اني تذكرتها
قال وشي
قلت الخمسه ريال
قال اي خمسه
قلت له الخمسه الاوليه
قال ما اطلبك شي ابداً!!!!!!!!
قلت هذا اللي انا متوقعه يا انا انساها يا انت تنساها
وجلست امزح معه قلت له لو انها 1000 ريال مانسيتها
قال!!
!
!
يا اخوي انا مانسيتها بس انا ما اطلبك شي
قلت متذكرها وتقول انك ماتطلبني شي
قال
ايه ( نعم )
قلت كيف 
قال يوم الترجيع خصمتها
انا صفنت !!!...........
قلت له اي ترجيع 
قال يوم رجعت بعض القطع خصمت الخمسه 
قلت اي شخص رجعها قال نفسه اللي جا معك 
جاب الفواتير وقال اكتشفنا ان الاكثريه ماتلزم
وتم بفضل الله كشف حرامي القطع
................................................
نسيت شي 
انا يوم اخذت من الورشه
السياره قلت له ابي فواتير القطع لاجل اوريها للزبون الشاري
 قال ضاعت وين خلني ادورها اكيد بالمكتب
بس تراها موجوده( وصدقته بوقتها )
لان كل شي معرض للضياع
اثره مرجع بالفواتير وسارقني ويكذب علي
وحسبي الله ونعم الوكيل 
......................................................
...............................................................
عفوا على الإطاله
حبيت اعلمكم هذه القصه
وسبحان الله
ويشهد الله هدفي مهو اللايك 
هدفي توخي الحذر من اكثر الورش 
وتشوفون مشاركاتي قلت لو ابي نقاط تلقون كل يومين موضوع
والله يحفظكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وغير كذا اوقات يفك لي شئ بالسياره ويقول لا خرابها كذا ويوصيك تروح تشتري قطعه طبعاً كعابي على رجلك واهو يفك غير القطعه ويبدل

لعنت الله عليهم ابو يمن والسورين نصب عيني عينك والله لايوفقهم


up 9 down 6
aboamani 1148
قبل 7 سنه و 6 شهر



المفروض تطلب القطعة القديمة من الميكانيكي
انا بعمري مارميت أي قطعة قديمة أفكها من السيارة
تعال شوفها كلها مجمعة ببوكس على السطح
مو بسبب انعدام الثقة ، لكن علشان لو بدا رولمان شداد السير يطلع صوت مثلا ، خذيت الرولمان القديم وجبت خويه ولا اضطريت اوقف السيارة قت اطول علشان يفك الميكانيكي القديم وأروح وأدور مثله