استفسار عن موديل كابرس وطريقة فتحة

اول حاجة القزاز الخلفي للسيارة مكسور ادخل انت منه او اي ولد صغير يفتح لك ازرار الباب بشكل يدوي
لازم تغير بطارية وتسحب عيار الزيت تتأكد منه والافضل تخرط الزيت وتقفل الصرة وترجع تصبه مرة ثانية في المكينة وعبي اللديتر ماء وانزل تحت السيارة دق التانكي حتى تشوف فيه بنزين او فاضي لانك بحاجة لبنزين للتشغيل وقبل لا تشغل ضع قليل من البنزين داخل الكربريتر ( تنشيقة ) لانه فاضي وان شاء الله تكون طرمبة البنزين سليمة والبنزين يوصل للكربريتر,, السيارة كابريس موديل 88 تقريبا القير يبان انه مخبط في التغييرات البطء والتأخير في التغيير واذا معدوم مرة السيارة ما تتحرك لا ورا ولا قدام وتأكد قبل التشغيل من زيت القير مليان او فاضي لانه الوقفة الكثيرة للسيارة تعمل تهريبات ,, المكينة تكون مخبطة لو ما اشتغلت السيارة نهائي تسمى المكينة مصلبة او انها تشتغل بصوت مزعج ( كركركركر) صوت العمود رايح طبعا غير انه الزيت مخلوط بالماء ووو يعني المكنيكا بحر وعلمها واسع واسباب كثير مع الوقفة تعدم السيارة ي

اعتقد موديله من 87 إلى 90 بالنسبة لفتح السيارة القزاز الخلفي مكسور ممكن تفتحه من هناك إذا قصدك تشغله شوفلك حق مفاتيح بيشغله لك وقبل التشغيل شيك على زيت المكينة وزيت القير إذا فيها زيت شغله وأقرب بنشري غير زيوته

اذا بتشتريه غلطان 
اقل شي بتحط فيه 9000 

موديله من 88 الى -86 كربريتر 
90- 89 الصدام مافيه دعاميه 
الـ 90 حزام في الباب 
النوع هذا غير مرغوب شكلياً وليس استخدام  عشانه تنده كامله 

والله ياغالي هالسيارات تاكل فلوس ويبغالها الحين اصلاحات
حتكلفك واجد نصيحتي شوف لك شيء بديل والفلوس الي معك 
اشتري سياره ممتازه وعمليه ولا تخسر بهاذي السياره

اقول لو فيه خير ماعافه الطير 

لو فيه خير مانطلوه طول هالسنين موقف 


صدقني لو تاخذه ببلاش تضل خسران

كم يبيلك عشان تضبطه ويصير ينفع للاستخدام بيصير بقيمة كابرس ثاني 

بتقول لي من عشاقه على عيني وراسي لكن رح دور لك واحد في المعارض لو مكينته لك عليها بس راعيه يمشي به وقزازه وداخليه وكل شي في محله مهب ذا صاير مزبله 


هذا اطرف سطحة والتشليح ب ٥٠٠ ريال هذا حقه بصريح العبارة ما اجاملك 

الراي اشتر لك صغير جديد وفك نفسك من هالهم والغرباله كلها


بالتوفيق

ذكريات 

ترا قد غرقت بكابرس زي الي في الصوره في سيول جده

الكابرس هذا

مكينه وجربوكس ودفرنس 

والباقي كله حديد ... يمشي معك بس الله يعينك علي صرفيه البنزين

الكابريس هذا مفصله مفتاحين واحد يشغل السيارة, و الثاني يفتح الأبواب و الشنطة.

أذكر الوالد كان معاه نفس هذا بس موديل 87 أبيض كان معاه مفتاحين واحد حق السويتش يشغل السيارة شكله مربع و الثاني

شكلة دائري يفتح لك الأبواب يمين و يسار و الشنطة ورا.

راحت أيام التسعوي كان والله مكده كنت أحبه واجد أفضله على غيره و كان لي الشرف اني سقته و سواقته ما شاء الله عليه.

بعناه زمان في 2003 مادري الحين 2016 وين أراضيه عساه ماراح تشليح بس.

نصيحة لاتشتريه بتدفع اقل شيء عشرة آلاف ريال قيمة تصليحات هذا غير انه قديم من الثمانينيات ويشرب البنزين شرب

عليكم السسلام ورحمة الله 




انا كان عندي نفس هالكابرس 
اول شي يبلع بانزين وفله بانزين ٩١يوصل ٤٠ ريال و٩٥ يوصل ٥٥ ريال قبل يرتفع سعر البانزين الحين شف كم 
وثاني شي وجيه القزوز دايم تخرب 
وبراغي القزوز دايم ترتخي يبي لك كل فتره تشدها
وثاني شي بس تجديد البودي مع تنجيد التنده 
يوصل فوق ٥٠٠٠ التنجيد لحاله يوصل ٥٠٠ ريال وتحصل قماش ب ٣٠٠ بس مايطول معك 
والقزاز الخلفي سعره فوق ٣٠٠ ريال 
وعندك البليتين اللي راكب عالديلكو 
دايم يخرب تشوف السيارة تدق سلف وماتشتغل 
وماله حل الا تركب اصلي جي ام هذا اذا حصلته وسعره فوق ٣٠٠ ريال بعد اما التجاري 
تحصله من ٤٠ ويوصل ٨٠ بس حده اسبوع اسبوعين ويخرب وعلى هالموال 
الكابرس اللي كان عندي قبل كم سنه اسافر عليه اكثر من ٧٠٠ كيلو ومكيف شغال بس 
كنت مجدده قطع اصلي وماركب الا اصلي 
بس جنني بصرفية البانزين وقبل ابيعه 
جاه بلا بس يطفي وكل ماصلح شي يخرب
شي ثاني ومالقيت الا قطع تجاري وبعته وافتكيت منه 
انت احسب قيمة السيارة +نقل الملكية كم تكلف+تجديد البودي+القطع اللي بتغيرها +شغل اليد ويبي لك كفرات وتغير القطع الاستهلاكية 
واكيد تبي مكيف وشف كم يكلفك قطع + شغل اليد المهم السيارة بتخسسرك انحش عنها 
اذا تبي كابرس شف لك كابرس نظيف 
ومجدد قطع اصلي يكد معاك احسن 

اغلبهم الدقمة تكون مكسورة  يشتغل بدون مفتاح ههههه بصمة على غفله 

ولو طلع موب شغال جيب راعي مفاتيح شاطر يفك الدقمة ويصب مفتاح عليها والامر سهل جدا لا اليكتروني ولا شي

ابعد عن اي سيارة قديمة
وهذي نصيحة لوجه الله 
والله بتخسر فيه شي ماهو بسيط
لانك بتصلح شي وتلاقي شي ثاني ضرب عليك
وهذا الكلام من واقع تجربة بسيارتين

لاتخسر فلوسك نصيحة اخ اذا ملزم تبي مثله دور لك واحد نظيف فالمعارض بتحصل ابعد عنه ذا بيبهذلك بهذله - الله يرزقك