شوركم في دبل السوبربان

لا تفكه و لا شيء
استخدمه عادي
استخدام صحيح
اذا بغيت تشغله او تطفيه لازم توقف السيارة 
و لا تحطه اوتو
بس صرفيه البنزين اكثر من العادي

طيب اشتر بدون دبل وريح راسك 
انا اخذت يوكن قصير بدون دبل لاني ماحتاج الدبل
والدبل غير جبوب تويوتا لاتدور

الجمس بدون دبل ما يسوى وانا اخوك
اذا انت راعي رحلات وصولات وجولات فكمل سيارتك بالدبل ..

انا عندي سوبربان 2007  ما شاءالله تبارك الله . كل هالمشاكل الي اسمعها من الناس عن الدبل في السيارة كلام فاضي
ليش ؟
لأن الناس اعتادت على مشاكل الدبل القديمة في سنة التسعينات وبداية الألفينات
الأن انت في موديلات حديثة .. تسوق جمس كأنك تسوق سيارة صغيرة 
انا بكل صدق راعي سفريات ورحلات داخل المملكة عائيلية طبعا .. وسفريات لدول الخليج ايضا عائيلية ، واللهم لك الحمد ما عمري اشتكيت من الدبل 
ولا فكرت في يوم من الأيام افصلة ..
قل ليش بعد ؟
ههههههه
سافرت من الرياض الى الطايف ومنها لمكة وثاني يوم رحت جدة والمدينة ونهاية الأسبوع راجع على طريق الرياض لقيت سيارتين مغرزين ( تاهو 2010 وفورد اكسبلورر 2008 )
التاهو 2010 بدون دبل
الأكسبلورر 2008 معلق القير عنده ولا يشتغل 
وقتها العالم في رمضان والعائيليتن مغرزين من قبل صلاة المغرب لين جيتهم انا الساعة 9 بالليل 
والحمدلله طلعتهم من الحوسة الي هم فيها ولا حد انقذهم .. وهذا الموقف موب اول موقف .. يعلم الله اني كثير الاقي ناس مغرزين على الطريق سواء عائلة او شباب 

انا من الناس اذا سافرت بطريق الطايف ومعي عايلتي اسفط على الطعوس الي يمين الخط وافطر داخل البر ثم اكمل مسيرتي 

فلا تتهاون في نفسك وأهلك .. خذ لك دبل وتعلم عليه و أتقن استخدامه بشكل صحيح وبعدها ما عاد تحتاج تنسم كفرات لأنك بتكون متمرس على الرمل 

اما بالنسبة للأخ الرفاعي تقول ما ينفع الدبل الا لجيوب لاندركوزر !!!! اذا بشتري لاندكروزر عزالله بقيمته أخذ 2 فورد اكسبديشن 
صحيح سناعة اسرائيلي الأصل ولكن  عليه قوة لا يجيبه لاندكروزر ولا غيره .. ولا تنسى ترا فيه كثير راعين جيوب يشتكون من الدبل
اما الجموس محد اشتكى منها الا القديمة لأنها تثقل على الموتر 
الأن كلها خفيفة ما يحتاج تفصل الدبل وكلها دفع رباعي يفصل الدفرنس الأمامي عد سرعة 80
لا تشيل همه 
اشتر دبل وونس عمرك وتدلع على الرمال مع الوحش.. انت راكب جمس جمس .. لو انه جيب كان اشوى هههههههههه

يا شباب 
الموتر الي ابيه مكينه 454 يعني 2500 اتش دي موديل 2009
وانا ابغا موتر مرتفع وعضلات قوية ومريح في السفر لأني احمل
عليه اغراض وما ابغا الدبل بتاتا كم يكلف فكه وهل عليه خلاف 
اذا فكيته 

اتمنى الي يعطون دس لايك يبينون السبب المقنع الي خلاهم يعطوني دس لايك

حبيبي معانا بليزر دبل صح انه مشي حالك ولكن يمشي بالبر ماعليه يكفي اذا ودك تنحاش من زحمات والرصيف مرتفع اشبك الدبل ومايردك شي 

ياخوك لا يهمك كلام الناس 

انا قالو لي انتبه تشتري بدبل ومن هالكلام لكن ما حصلت الا سوبربان ٨١٠٠ بدبل

وفحصته وتوكلت وشريت
مع العلم اني ابيه للسواق واستخدام عائلي ولا فكرت بتطعيس ولا شي
موتري ٢٠٠٣ طبعا

وشارينه من صديق للوالد وعلى كلامه انه ما اشتكى من دبله ابداً 
وانا من شريته ما شكيت من دبله ما شاء الله 

اذا تبي موتر مرتفع وعزم ومكينة مجنونه دور٢٠٠٦ مكينة ٨١٠٠ 
وبتدعي لي .. لا تاخذ الا النظييييييف .. 
ما جربت موديلات ٢٠٠٩ ولا ادري عن عزمها لكن حبيت افيدك باللي عندي

ايضاً في الخط السوبربان ما شاء الله موتر خطووووط 

وبالتوفيق 

اذا انك ماتهتم لدبل اقل فايده تجنبها منه مايطيح سعر السيارة بالحراج بخلاف الي بدون دبل شفهن بالسوق نظاف واسعارهن رخيصه  

بالسوق مليان HD صوالين 6 لتر  بدون دبل  ومافيه شي هالحين اسمه 454  هذا انتها  عام 99 

مثل ما قالو الأخوان .. اذا منتب في حاجة الدبل خذ لك بدون دبل وانا اخوك ولا تحير نفسك

دائما الأنسان يشتري رغبته وحاجته للشئ
انت حاجتك تحميل ولا تحتاج دبل هذا هو الوضع .. فخلك على HD2500 
واذا الحمولة زايدة وعندك خط طويل ركب له مبرد قير ( 40.000 كولر ترو ) وريح مخك

ايه انا ابغا HD2500 بس بدون دبل 
ما لقيت