أضف سؤال أو موضوع جديد          

حتى الباكستاني طلع شريطي وينصب -تم التعديل -

up 16 down 14
YASSER505 4165
قبل 3 سنه و شهر



السلام عليكم

انا مقدم على بيع سيارتي بسبب ديون متراكمة وقلت اخذ لي سيارة مشي حالك
المهم لقيت كابرس ب 5 الاف ريال وصاحبها باكستاني ويقول لي نظيفة ومغير المكينة قبل يومين ومافيها أي شي ابد ..

وقمت جربت السيارة """" حووول المعارض """ وكانت السيارة امورها تمام وعلى كلامه برضو
المهم رحت انقل السيارة لقيت علي إيقاف خدمات وهاتك ثلاث أيام رايح جاي لين عطوني مهلة ابيع سيارتي واسدد جزء .. واروح انقل الكابرس .. وانا راجع الا اشوف المكينة تحن شوي .. وامشي شوي الا الضغط يوصل 4 ونص المهم قلت شكلها معلقة .. ج دقيقه علق الموقع ابضيف الموضوع وابعدل ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابكمل بالردود الموضوع يعلق ..
المهم واوقف واطفي واشغل مررره بالنهاية طلعت ماتغير ثالث الا لين ارجع القير 2 وما تغير رابع نهائيا

قلت حسبي الله
وادق عليه يقول مافيها شي وتبي شي تعال لي الدرعية قابلني ومن هالكلام
المهم كملت انا وقلت ابشوفها بكره .. وبالليل كان عندي مشوار وقلت خلني احرك السييارة واجرب وشوي الا تضعف الانوار وترقص السيارة .. وتطفي علي عند مخرج 8 واشغل ونفس الشي بمجرد اشغل النور تطفي
طلع الدينمو مضروووب وكل علبة الفيوزات والكتاوت موصلة اسلاك والمروحة مشبوكة باسلاك وعلبة الفيوز الداخلية كلها توصيلات
وفوق هذا المكيف فوق ماهو خربان الهوا مايطلع من الفتحات بس فوق

المهم السيارة الان معروضة للبيع تشليح والله يعوض علي
الزبدة افحص
افحص
افحص
افحص
افحص
افحص قبل تشتري
ولا يغرك شكل او جنسية البايع ولو حلف لك بجميع الأديان


up 9 down 5
YASSER505 4165
قبل 3 سنه و شهر



الله يعوضك خير ويفرج كربتك وتسدد كل ديونك ان شاء الله
والله يرزقك بسيارة 2016 تنسيك الهم باذن الله.
ماقلت كم موديل الكابريس الي اشتريته


up 2 down 0
أبووووعلي 610
قبل 3 سنه و شهر



الحق عليك الكابرس ب ٥٠٠٠ تتوقع تكون نظيفة ؟؟؟؟ دورلك اكسنت او كيا بذا السعر 


up 3 down 3
benz lover 368
قبل 3 سنه و شهر



السؤال كم تسوي تشليح !!! 



up 0 down 0
السائل -47
قبل 3 سنه و شهر



ان شاء الله تسوى قيمتها لان مكينتها سليمة وباقي الأشياء سليمة الا القير والكهرب
الي يعرف احد يبي مكينة كابرس 2002 الى 2006 8 سلندر يتواصل معي وابيع له السيارة كاملة تشليح


up 2 down 1
YASSER505 4165
قبل 3 سنه و شهر



الله يسدد دينك

لكن من المنطقي ان الكابرس اللي بخمس الاف مستهلك بالكامل


up 2 down 1
دكتوراه في الحب 154
قبل 3 سنه و شهر



وش تتوقع  من سيارة ب 5 الاف   يا اما يطلع فيها   قير او مكينة او مساعداتها  وعفشتها   خربانة   



up 1 down 0
abd_alrhmn 2349
قبل 3 سنه و شهر



بالسعر هذا ركز على السيارات الصغيره فىه اكسنت يارس 
تحصل بودي معدوم  بس محركات نظيفه  اما فىه 8 سرندل 
تتوقع انها تكون نظيفه !! 


up 2 down 0
غريب الدار١٣٢ 79
قبل 3 سنه و شهر



ياخي سيارة قديمة ب٥٠٠٠ وزعلان لانها مو نظيفة!


up 2 down 4
tareq_talli1 1532
قبل 3 سنه و شهر



الله يعوضك  وين يروح من ربنا سبحانه وتعالى


up 1 down 0
النمر الازرق 25
قبل 3 سنه و شهر



اخوي طارق مابيها نظيفة ابيها بس تمشي مامشت ههههههههههههههه


up 10 down 1
YASSER505 4165
قبل 3 سنه و شهر



اسال الله ان يعوضك خير منها اللهم امين


up 2 down 0
mutairi305 185
قبل 3 سنه و شهر



السياره 5000 تبيها تجيك وكاله بعدين وش تبي في كابرس كن اخذت اكسنت 2005 وامورها بسليم 


up 2 down 6
سكودر 14900
قبل 3 سنه و شهر



ياجماعة الاحظ دائما العمال الاجانب يشترون سيارة بقيمة 5000 الاف مدمورة  لكن بنفس الوقت يكون عنده كهربائي وميكانيكي وسمكري من ابناء بلده نفس الجنسية تحصله يزبطها عندهم من الى وقطع الغيار مايشتري اصلا خويانه اصحاب الورش يسرقون له من سيارات الزباين المهم تحصل سيارته الخرده ماشيه زي الحلاوة. 


up 3 down 4
ابو زهور2013 487
قبل 3 سنه و شهر



السلام عليكم ورحمة الله 

أخوي ياسر الجزء الأساسي من الخطأ يقع عليك ماراح اجاملك 
يعني ورطت نفسك بسيارة أقساط مدري أيجار منتهي بالتمليك وكانت آخر موديل بوقتها

والحين تدور سيارة ب5آلاف ؟!
بالسعودية صعب تحصل سيارة نظيفة بهالسعر  حتى لو كانت صغيرة فمابالك لو كانت أبو 8 سلندر

كان  بدل ماتورط نفسك بديون وبعدها تدور خردة ب5آلاف 
كان المفروض من الأول تدور سيارة مستعملة نظيفة  بحدود 20-30 الف ريال تحصل نظيف زي الوردة

لكن انت ورطت نفسك ،،  ومن رأيي انه الباكستاني مانصب عليك إلا من ناحية فقط !
انه ماباعها تشليح من البداية  هههه 

تمنياتي لك بالتوفيق إن شاء الله


up 2 down 2
nader2002 1637
قبل 3 سنه و شهر



باعطيك معلومه عن المكيف ليه يطلع من فوق
فيه بنفس ازارير المكيل من ورا ليات فيه واحد من الليات منفصل
بس يبغالك مفتاح مقاس 8
لان تعرف الايام هاذي حر والله يرزقكك فبنتلي


up 1 down 0
وائل ..... 304
قبل 3 سنه و شهر



اخوي نادر انا ماورطت نفسي بسيارة تاجير ... 
السوناتا سيارتي لكن علي ديوون واببيعها وابي سيارة مشي حالك


up 0 down 0
YASSER505 4165
قبل 3 سنه



انا عندي المراوح سلكتها من جديد وبأقول شطرطون يعني هل هذا معناته ان السياره مره ما تنفع 
اول كانت بكلبس لها 
 بخصوص المكيف العضو ماقصر حل لك المشكلة 
وبخصوص القير من فيوز احيانا ذكرتني لما وضبت القير وفِي فيوز سليم ما يوصل وكذا وفكه حق الجيربوكس وتورط وانخرش 
اللي وقتها حسّيت انه ما عنده ثقه 
وبالنهاية عقبالك وعقبالي وعقبال الجميع باللي نتمنى فيه 
اما بخصوص بعض السيارات لزوم تروح التشليح ههه 
خلاص عاصرت مامنها فايده 


up 0 down 0
medo_209 20
قبل سنه و 9 شهر