ماهي أفضل كفرات للتاهو ؟

أفضل كفرات ( ميشلان ) بعدها بريدجستون و جووديير.
تبي كفرات جيده جدا و سعرها متوسط، خذ هانكوك كوري.

يعطيك العافيه .. اهم شي تكون الكفرات مريحه لأن بصراحه التاهو مع المطبات والحفر جدا مزعج

اكيد تقصد جنط 17 ...
المهم انا مريت بنفس حيرتك قبل كم شهر وتوكلت على الله واخذت كفرات قود يير.  اهم شي تأكد من تاريخها وتأكد ان عليها ختم الراشد . كفرات ممتازه وانا اشوفها  الافضل من حيث الراحه والجوده. بالتوفيق

وانا اخووك اذا تبي النصيحه اتا مثلك فريت و فريت و فريت ومالقيت مثل كفرات الوكاله ( جنرال ) صحيح انها قاسيه وتطلع صوت عقب البطا بس تجمل وما اخبر رقعتها او بنشر علي .. بس ان كانك تبي بدلها اسئلني انا اللي مجربها ركب برجستون و انسى شيء اسمه كفر .. بعدين الكفر حلاته ليا صار قاسي يزود رساوة الموتر

افضل كفرات جودير لليوكن 

اخوي تصاميم انا معك ان بيرجستون ممتازه وماتحبل او تمسح بس عيبها قاسيه وهذا من واقع تجربه.

شوف ميشلن بأي صناعة وفايرستون اظنه يابان
وبي اف قود ريتش هذي بعد الحافظ فوق ال60 الف
وماتكح  ..

والله الموفق

انا مغير لسيارتي يوكن 13 قوديير واشوفها ممتازة وليونتها متوسطه وتصبر معك أخذت الكفر 595 قبل رمضان الماضي ونصيحة خذ من وكيلها الراشد

الله يعطيكم العافيه نورتوني بتجاربكم وبانزل السوق ان شاءالله بعد بكره والله ييسر 

ركب نفس اللي شريت الموتر جديد وهي فيه
اهم شي من الوكيل ونفس مواصفات كفر شد البلد وتاريخ جديد
حتى لو زاد عليك السعر شوي بالكفرات ماهي خسارة وخصوصاً
بالتاهو لانه موتر سفر وتحمل عليه وعائلي
هذا افضل شي توصلت له بعد خبرة سنوات طويلة

ركبت طقم كفرات ميشلان على سيارتي فان اكسبرس قبل شهر بصراحة فرق عن اللي كانت عليه قوديير رساوة وليونة وممتاز في الخطوط الطويلة

انصحك بكفر الوكاله جنرال مشيت عليه 82000 وضمانه اصلا 60000 طقمت الشهر اللي فات 4 كفرات ب2900 ريال ضمان سته 
وتبديل مواقع الكفر بعد 20000 كم وتعبئة هواء نتروجين عند ( بيرلي ) طريق العروبه مع عبدالعزيزوفيه فرع بطرق خريص
اللي تغير علي بعد ماركبتها انها قاسيه شوي مع الوقت راح تلين