سيارة لومينا واقفه من 7 سنوات وش النصايح قبل التشغيل

يغير بطارية ويغير زيت ويتوكل على الله

يغير البتري
ويشيك على السيور والبكرات
واخيرا موية الرديتر مع الزيوت
ومافيها الا العافية
والله يرحم والده ويغفر له

طيب ياخوان بالنسبه لطرمبة الزيت والبواجي يغيرهم وزيت الجير 
ولا لا 
لانه خايف بصراحه السياره تصرف 
وكيف يجبلها مفتاح للسيارة وكيف برمجته 
وجزاكم الله خير علي تعلقاتكم

الزيوت كلها تحتاج تغيير ..اما زيت القير مدري مابي افتي لك خله يشيك عليه اذا ناقص او لا
بالنسبة للمفتاح لازم محل مختص في الرموت يفصل لك مفتاح ويبرمجه اتوقع يكلفك 350- 400 علشان مقفلة ومامعك مفتاح

مثل هذا الحالات
1- تغير البطاريه
2- تغير البواجي مهم جدا لانه بتكون مصدي من الوقفه الطويله
3 تغير زيت الماكينه القير اذا ناقص زياده بعد الاستخدام اسبوع يغيرفلتر القير والزيت
مع صفايه البزين 
3- تسيخ الرديتر كامل مهم جدا
تشيك السيور والتغير افضل  
4- يعبي بنزين 95 ويمسك خط 100 كيلو رايح وجاي علشان مواصير وتنظيف الثلاجه
5- البرمجه يجي عامل محل يفك الدقمه وينسخ عليها بالمحل ويرجع يركبها وبرمجه 400 مع المفتاح 
وسلامتك

جزاكم الله خير 
مشكور ياشباب

مازيد على كلام الاخوان ولا اشتغلت لاتدعس بنزين اتركها
تحمى بخفيف خفيف
وكمان المفتاح خليه يدوره يمكن يلقى النسخه عند والده الله يرحمه
ويغفر له تلقاه المرحوم حاط المفتاح بمكان واكيد حاط استبنه مخبيها
خله يدور مزبوط يمكن يلقى ولو مالقى يجيب عامل المفاتيح

الكفرات لاتنساها

بيستعملها ولا بيشغلها ويبيعها ؟؟؟



اذا بيبيع انا رأيي اكسر القزازه ونزل القير على n واطرف سطحه للتشليح وانتهى سقطها وريح عمرك من وجع الرأس ذا كله



لأنه والله بقيمة تشغيلتها بيحط قيمة لومينا ثانية تشتغل وزينه



انا ما انصح والراي لكم

تغيير البطارية

تغيير زيت المكينة مع الفلتر

تغيير زيت القير مع الفلتر

تغيير سير المكينة

تغيير الكفرات

تغيير البواجي

تسييخ الراديتر مع البلف وغسيل المكينة وصب ماء أصلي اي سي ديلكو

بالتوفيق