أضف سؤال أو موضوع جديد          

سوبربان واقف ثلاث سنين

up 1 down 1
rapzz 37
قبل 3 سنه



سلام عليكم ورحمة الله تعالى

اتمنى تقرا الموضوع بتمعن الله لا يهينك 

عندي شفرولية سوبربان واقف له ثلاث سنين

لغرض البيع طبعا بعد فتره من عدم البيع تركته واهملته


السياره وقفه بكفراتها وزيتها حتى اصابع البطاريه م فكيته


قررت اصلحها طبعا اقل شي يتغير

البطاريه الكفرات 

لكن احتاج خبرتكم في الخطوات قبل تشغيل السيارات

تعرفون ي اهل الخبره الوقوف لفتره طويلة يضر

انا بجيب مهندس اعرفه يصلحها قدام البيت 

ن بتهور على تشغيلها م لي غيرها حاليا 

والوضع المادي مزري جدا 


الملاحظات زيت المكينه اسود كنه طين 

هذا الي قدرت الاحظه على المكينه 

غير الغبار الكثيف على المكينه 


رايكم ي اهل الخبره وش العمل !

سمعت عن الديكلو او تحميه البساتم قبل التشغيل 

رايكم يهمني مستعجل على تصليحها وجزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام 
السياره وقوفها الطويل يخرب عليك الجلد و الصوف وخاصه اذا كانت في شمس 
وقد تخرب عليك جلد البلوف وبعد ايام تبدا بالدخان 
نصيحتي لك 


غير لها زيت وهي مكانها 
قير ومكينه وشيك زيت الدفرنس 

وبعدها ان كنت مقتدر ماديا 
غير الصوف قبل تندي 
صوفه القير و المكينه والدفرنس خل فكتك مره وحده 
او تراقبها زين لان الصوف راح تعدم عليك اشياء اخرى 
مثلا تهريب زايد بالدفرنس بيخرب الكرونه 



up 1 down 1



فقط غير زيت المكينه فقط وهي واقفه (البطارية +اصابع البطارية اذا محليه) وشغل وكله تمام


up 2 down 0
سعد الحريري 69
قبل 3 سنه



اهم شي بعد ماتشغلها وتغير الزيوت امسك عليها خط طويل لانها احتمال مكربنة


up 0 down 2



خلها شغاله ربع او نص ساعه بعد تغيير الزيوت و الفلاتر و البطاريه 


up 0 down 0
sehly11 643
قبل 3 سنه



 خل الموتر فاضي مو معشق أقصد 
وحاولوا   تدوروا  عمود الكرنك أقل شي دورة كامله ثم صب علبة اوعلبتين من أرخص زيت 

فوق زيتها  ثم  أتجه للصرة والسيفون قم بتغيير زيتك 

وشيك المويا والبطارية وشمم الكربريتر ريحة البنزين

وسمعني أحلى سلف 

موفق


up 0 down 0
صوت الأرض 92
قبل 3 سنه



خل شوية زيت تصبها بعد نزول الزيت 

عشان  تقش  الرايش  للسطل  تحياتي


up 0 down 0
صوت الأرض 92
قبل 3 سنه



الفلاتر وزيت المكينه والقير قبل التشغيل


up 0 down 0
ضجيج قلم 152
قبل 3 سنه



مرحبا
انا من رايي تفرغ المكينة من الزيت القديم واثناء التفريغ
تخليها ساعتين لين يتفرغ الزيت باالكامل بعدها تركب فلتر
وتعبي المكينه زيت لين تشوف الزيت يطلع عليك 
من فتحت التعبئة وتخلية يوم كامل عشان الزيت يبلل المكينه
باالكامل بعدها تفك الصرة وتركب مقدار الزيت العادي
وقول بسم الله وشغل 
ودربك تساهيل


up 0 down 0
باترول 2020 2513
قبل 3 سنه



وش هالكلام الفاضي اللي يقول غير زيت الماكينه والقير 
واللي يقول غير الصوفه واللي يقول زيد زيته لحد ما يطلع من فتحة
التعبيه واللي يقول بدل البطارية + الرووس ..؟ 
يا اخي اشتر من الزيت الرخيص المكرر ونزل زيت السياره القديم 
وعبه من الزيت الجديد المكرر بدون لا تبدل السيفون علشان يغسل الماكينه
لك بالزيت المكرر وينطفها لك وبعد ما تشغل السياره وتحتر السياره غير الزيت
مع السيفون
فك رؤوس البطارية ونظفها من الأملاح بليفة سلك مواعين مع مويه 
فايره وبعدها ركب الروس علي البطارية القديمه 
سو اشتراك مع سيارتين بوقت واحد ويفضل يكون السيارتين ٦ سلندر الي ٨ سلندر
لا تشرك ب٤ سلندر ما تقومها لان السيارتين تكون ٢٤ فولت وراح تقوم سيارتك بسرعه 
ومعروف ٢٤ فولت يقوم اي سياره عطلانه الا المخبطه والسياره الوحده ١٢ فولت 
و١٢ فولت +١٢ فولت  = ٢٤ فولت  
واشتر بخاخ أسي ديلكو علشان تبخ بالبخاخ 
وشغل السياره اذا ما اشتغلت وتشوف الأمبير عداد الضغط يلعب ويخرف هذا محتاج 
تبدل البواجي والله يعينك علي تبديلها . 
وما يحتاج مهندس ولا فني كل هذي الأمور انت تقدر تسويها بنفسك واذا تبيني أعلمك 
تواصل معاي علي الواتسب وارسلي رقمك علي الخاص 



up 1 down 0
foxzx 1583
قبل 3 سنه



يعطيكم العافيه  م قصرتو 


up 0 down 0
rapzz 37
قبل 3 سنه