خذ معلومتين جديدة عن قطع غيار كابرس 2006

تستاهل اللايك، الله يعطيك العافيه

انا اذكر سويت شي مشابه بألتيما 6 سلندر 2005 .. طرمبة البنزين خربت وغيرتها بطرمبة لاندكروزر يابانية واشتغلت تمام لين ما انباعت

هي على ويش غاليه

هههههه الله يطول بعمرك توك تدري 
اخذها قاعده الحين طرمبات البنزين كلها تركب علي بعض 
الفورد الماركيز والموستنغ والفكتوريا تركب علي الجمس والكابريس 
القديم من ٩٤ وفوق وكلها تركب واللانسر والصني والماكسيما والجالانت والفكسار 
والالنترا وسيارات الكيا والسفاري كلها طرمبة وحده بس الاختلاف بالصفايه والعوامه 
وانتبه فيه طرمبات ضغط عادي وفيه ضغط عالي وحبيت أقولك ان الهونداي والكيا فيها 
قطع كثيره متشابه فيه احد سيارات الهونداي سعرها يوصل ٢٠٠٠ الي ٣٠٠٠ ريال وماكينته
تركب علي هونداي وكيا الجديد وسعرها من ٨٠٠٠ الي ١٠ الالاف ريال وما ابي اقول عنها علشان 
ما يستغلونها اهل التشاليح وعندك ماكينة الباجيرو هي والدوج والكرايسلر القديم ماكينه
وحده وعندك قير الشروكي العادي موجود علي احد أحجام الجموس واحد سيارات الدودج واحد موديلات 
الايسيزو ويجي حجمين حجم ٣٥٠٠ وحجم ٣٥٥٠ والقير الاتوماتيك للشروكي يجئ علي احد سيارات لكزس 
وجوزات السيارات أحجام وكلها تحصلها بمحلات القطع وبعضهم يركبون علي بعض واقولك علي مثال تجي علي احد 
سيارات اللكزس تروح لمحل القطع تقوله عطني جوزات لكزس يصلخك بسعر ب٣٠٠ او ٤٥٠ ونفس الجوزات وتروح نفس 
محل القطع وتقوله عطني جوزات كرسيدا او كورونا او مازدا قديم يقولك ب٢٥ او ٣٠ ريال ليه عطاك باللكزس ٣٠٠ والكرسيدا
ب٣٠ علشان راعي اللكزس دفيع وراعي الكرسيدا مسكين او اجنبي خلك ذيب ولا تلعب عليك الذياب تبي تبدل جوزات طوالي علي
الميزان قله فك اللي المقص وطلع الجوزه القديمه ورح للمحلات وقله عطني مثل هذي ولا تقول عطني ماركة السياره كذا او كذا لانه راح يصلخك 
بالسعر وبالنسبه لي انا اخذ رقم القطعه وادوره بمحلات القطع لحد ما أطيح عليها وما أقوله نوع السياره .
والكلام مطول بالنسبه للقطع 
واكتفي بهذا اللي كتبته 
والله يوفقك 

انا حصل لي مثل الموقف ذا 
خرب عندي دينمو الاكسنت ورحت التشيلح وكلهم متفقين من300 الى 400
وخليت ولد خالي ينزل لواحد من التشاليح وسال عن الدينمو قال ب 350
واجي انا واروح لحوش التشليح بدون ماساله واحصل كيا ريو 10 اخت الجديد مصدومه من ورا 
والدينمو راكب فيها واسال عن سعره قال 200 
قلت ترا كيا ماهي منتشره بتبلش بالقطع ورخيصه بالوكاله 
واخذته منه ب 160 
عاد يوم سجل وخلص قلت له ترا يركب ع الاكسنت قال لا 
قلتله واذا ركبته ورجعت لك ههههههه 
قفلت معه وقال جب الرجيع طيب قلت انتظرني عند الباب 
وسلامتكم ✋

عندما تبلش وللف هههههه 

ماسك سعره الشفر المفروض المديل القديم ينزل 

النترا موديل كم

السلام عليكم اخي الغالي  هل تنفع الطرمبة ل كابرس 2006 ستة سرندل وش موديل الالنترا وهل تركب على طول وشكرا لك

أنا مركب طرمبة بوش حقت لاندكروزر صناعة ألمانية ب 110 ريال في سيارتي لومينا 8 سلندر.

ما قصرت 
وباقي الشباب يديكم العافيه

واضيف 

جلد ذراع عكس امامي لكابرس2006
اذا تقطع ركب جلد ذراع هايلوكس2007 ثنين ب60ريال
وانسى انه يخرررب او يتقطع

ولكككك احلى لاااااااااايككككككككك

نوع الجمس الي ركبته على كابرس / عنه8سلندر