كابريس 2006 و رسالة الزيت

شوف يا الغالي لمبة الزيت لها عدة اساباب
- حساس الزيت 
- طرمبة الزيت 
- تآكل في المكينة يسبب ضعف الضغط 
- انسداد 

إذا كان الزيت لونه ما يتغيّر بسرعة ويقلب اسود معناه ما في مشكلة انسداد , إذا كانت تولع اللمبة وانت واقف وإذا دعت تروح معناه ماهي طرمبة الزيت 
يبقي عندك حساس ضغط الزيت أو التآكل , فحص الكمبيوتر يبيّن حساس ضغط الزيت إذا هو شغّال أو لا . 

طبعاً ردّي عن لمبة الزيت وليس رسالة تغيير الزيت , لان رسالة تغيير الزيت تحتاج اعادة برمجة لا أكثر ولا أقل . 

موترك مافيه الا العافية
سوي برمجة ب150 ريال وامورك طيبه
وماظن الكمبيوتر عطلان او فيه مشكلة لأنه عطل الكمبيوتر يسبب لك اشياء كثيره مثل تفتفة المكينة وقلة العزم واحيانا ضعف في الكهرب

الرسالة هي تجيني اذا طولت ماغيرت زيت 
اولما اغير زيت تروح 
يعني بالعربي اذا خفت اللزوجة ،، تطلع لك 

حط نوع الزيت 10-30

تشك اويل ولا تشينج اويل change oil

شيك كتيب المالك يمكن رساله طبيعيه وتحتاج اعادة ضبط بطريقة معينه

واذا تقصد تشيك اويل شوف حساس الزيت دايم يسوي لخبطه بالكابرس ويتغير مع الوقت

وسعره وتغييره رخيص وبسيط

بيض الله وجيهكم جميعا

انا مستبعد الطرمبة لانها جديدة ما لها شهرين

الزيت كل شهر اغيره واذا غيرته البنشري يقولي الزيت شبه جديد

والرسالة check oil

فيه ملاحظة مهمة مجرد ما ادعس بنزين تروح الرسالة

لو حساس الزيت المفروض يطلع بكشف الكمبيوتر والا لا 

كشفت وما طلع شي

يقولي الوضع سليم

للفائدة


تم تغيير حساس الزيت

والحمد لله اختفت الرسالة

















رغم ان كشف الكمبيوتر يقول الحساس سليم
ومن بعدها السيارة ما شاء الله تبارك الله